مقابلتي مع موظف السفارة .. اللي له خبره يدخل ويحلل لي مادار بيننا ....

بتاريخ 20/1/2013 يعني قبل تسعة أيام قدمنا انا وزجتي ع السفارة الامريكية بالرياض ...

اجرينا المقابلة مع شخص فلبيني ولم يسألنا الا سؤال واحد وأعطانا ورقة صقراء ووضع اشارة ع اخر فقرتين وأخذ جوازاتنا وقال اوراقكم كاملة وروحوا سددوا الفيديكس وستأخذ الاجراءات من اسبوعين الى اربعة ، وقلت له الوقت طويل قال ان شاء الله تقريبا من اسبوعين الى ثلاثة وراح توصلكم قبل موعد دراستكم الآيتوني .... طبعا موعد دراستنا 4 مارس


هذا كلام الموظف لي .. ياخوان وش رايكم هل راح تكون الاجراءات ع كلامه والا مو شرط ؟؟ ووش تتوقعون ع تأشيراتنا تطول والا لا ؟؟


مع اني كل يوم استعلم عن الحالة ومافيه اي تحديث وارسلتلهم ع الايميل وقالوا تمر بالاجراءات الادارية ...


والمشكلة اني مرافق مع زوجتي واخذت اجازة استثنائية بدون راتب تبدأ بعد اسبوعين :(
واذا تأخرت الفيزا وتعدت موعد الدراسة راح اتورط لأني بإجازة

الله يعينك ويسهل أموورك يآآرب وتوصلك قبل موعد الدراسة !
مدام قالك بتوصلك قبل الموعد ان شاء الله قبل الموعد ، كم صار لك تنتظر ؟
هذي الأمور مافيها خبرة وماخبرة هذي السسفارة وهذي بلاهاا ومزاجيتها ><
مالك الا الدعاء وحاول انك تراسلهم كل بين فترة وفترة
والله يوفقك ويوفقنااا ويسهل علينا وتطلع فيزنا كلنا =)

لا تخاف ولا تفكر كثير ^^وإنسى شوي الفيزا
شيكها كل اسبوع لا تدخل كل يوم راح تصاب بالملل
والإجراءات طبيعية ..
أنا اخذت معي فيزة المرافق 21 يوم يعني 3 اسابيع بالضبط!
لا تحاتي ان شاء الله تخلص بدري موفق يارب

الله يعطيكم ألف عافية

اخوي ابو هديل،، انت قدمت على فيزة f-1 او f-2 واذا كنت مقدم على ًf-2 ايش الاوراق اللي اخذوا منك كمرافق؟؟؟؟ شكرا

اقتباس:

---

المشاركة الأصلية كتبت بواسطة فني مطور

اخوي ابو هديل،، انت قدمت على فيزة f-1 او f-2 واذا كنت مقدم على ًf-2 ايش الاوراق اللي اخذوا منك كمرافق؟؟؟؟ شكرا

---

قدمت على فيزة f1