استفسار بخصوص تاريخ التحديث عند متابعة حالة الفيزا

السلام عليكم ورحمة الله وبركاته

ياربعنا انا مقابلتي كانت في السفارة في 11/03/2013 وقالي اللي سوا المقابلة بعد شهر تصدر فيزتك وبناءا على كلام الموظف سويت حجز على امريكا في 25/04/2013 يعني بعد بكرة الخميس وماكان فيه تحديث للحالة من وقت المقابلة ورحت اليوم الخطوط السعودية وكنسلت حجزي ويوم رجعت البيت فتحت النت وشيكت حصلت الحالة محدثة بتاريخ اليوم الثلاثاء 23/04/2013 بس المشكلة ان الكلام ماتغير تحت الاجراءات الادارية وش معنى هالتحديث ؟؟؟؟؟؟؟؟؟؟


تكفون يااهل الخبرة عطونا العلم

راسل السفارة على الايميل

انا يوم ارسلت لهم حدثو الطلب وقالو الاسبوع هذا تطلع

جاني تحديث جديد بتاريخ 24/04/2013

مكتوب فيه


Your visa is in final processing. If you have not received it in more than 10 working days, please see the webpage for contact information of the embassy or consulate where you submitted your application



افيدوني يااهل الخبرة .

الف مبروك صدور الفيزه تابع فيدكس

راسل السفارة على الايميل

انا يوم ارسلت لهم حدثو الطلب وقالو الاسبوع هذا تطلع

اشكرك اخوي طلال على الرد وعسى ربي يوفقك والف مبروك مقدما
وانا راسلت السفارة الاسبوع الماضي وجاني الرد منهم وقالولي تابع حالة الفيزا عن طريق الموقع الحين مادري هل اراسلهم مرة ثانية بعد التحديث ولا اكتفي بالايميل اللي ارسلته لهم واذا برسل ايميل وش اقولهم بالظبط