هذا اللي صار لي اليوم في مقابلة السفارة

السلام عليكم ورحمة الله وبركاته

اليوم الصباح كانت مقابلتي في السفارة. وصلت مقر السفارة قبل نصف ساعة من موعد المقابلة.

ورحت للاستقبال وأعطيتهم ورقة الموعد ودخلوني على السفارة وحصلت واحد سوداني جالس على مكتب صغير.

أخذ أوراقي وجلس يقرا فيها شوي بعدين طبع استكر صغير وحطه على الجواز. بعدين أعطاني رقم للانتظار. انتظرت يمكن خمس دقايق إلا وطلع رقمي على الشاشة.

رحت للكاونتر 6 وعطيت الموظفة ورقة الموعد+I-20 + الضمان المالي + جواز السفر فقط!

بعدين أخذت مني البصمات وأعطتني الأوراق في ملف شفاف وقالت انتظر شوي حتى يفضى أحد المسؤولين على المقابلات. انتظرت 10 دقايق بالكثير وأروح لواحد في كاونتر 8 اذا ماني غلطان (نحيف وأشقر)

وأعطيه الملف الشفاف ودارت بيننا هالمحادثة القصيرة جداً:

هو: Do you speak English?

أنا: Yes

هو: Whats the purpose of your visit to the States?

أنا: Study

هو: What state are going to live in?

أنا: Michigan

هو: It sounds awesome!

أنا: :)

هو: Have you ever been to America?

أنا: No

هو: Do you have family or friends there?

أنا: No

هو: Your VISA is approved but it may take up to 4 weeks to process it.

أنا "في نفسي" : الله ياخذك:mad:


وأعطاني ورقة صفرا ومعلّم على خيار "تحت الإجراءات الإدارية" وقال رح ادفع رسوم فيديكس.

طبعاً جواز السفر لازال عندهم لكن رجعوا لي الآي تونتي وبقية الأوراق!!


وللمعلومية أنا ماقد سافرت لدولة من الدول المغضوب عليها ولاعندي قضايا جنائية حتى مخالفات مرورية مافيه إلا ثنتين في حياتي.

المشكلة ان موعد الدراسة باقي عليه شهر واسبوع. واللحين مو قادر أحجز ولا أسوي شي بسبة هالأشقر.

وش رايكم في اللي صار؟؟؟

أهلا بك في قائمة الانتظار

الورقة الصفراء معناها طلبك تحت الإجراءات الإدارية

بس مؤ شرط انك بتتاخر ممكن بنفس المدة اللي حددها لك أو اقل

بس المشكلة أن اجراءاتهم على قولة السفارة unpredictable

ممكن تخلص بأسبوع وممكن شهر وممكن اشهر

على العموم شيك على موقعهم كل يوم

تطمن وانا اخوووووووك .... انا قابلت يوم السبت واتصلوا علي فيد اكس يوم الاثنين واستلمت جوازي ...

انتهى زمن التعقيد في الفيـــــــــز ... إلا في حالة السفر الى الدول المغضوب عليها ... او المعدل الجامعي دماااااار ... او الضمان البنكي مثل وجه راعيه مافيه إلا الفلـــــس ....

اقتباس:

---

المشاركة الأصلية كتبت بواسطة النـــــادلر

تطمن وانا اخوووووووك .... انا قابلت يوم السبت واتصلوا علي فيد اكس يوم الاثنين واستلمت جوازي ...

انتهى زمن التعقيد في الفيـــــــــز ... إلا في حالة السفر الى الدول المغضوب عليها ... او المعدل الجامعي دماااااار ... او الضمان البنكي مثل وجه راعيه مافيه إلا الفلـــــس ....

---

اسمح لي اقولك اخوي انت غلطاان !=)
زمن التعقيد في الفيز للأسف ماانتهى ، صحيح في ناس مثل حالتك يوم او يومين او اسبوع واستلموها بسس في نااس صارر لها بالأشهر تنتظر !
ولاهي مسافرة للدول المغضوب عليها ومبتعثة من الحكوومة --" ، السسالفة مزااج وبس ><
عموما أنآ مآآحبط صآحب الموضوع ، المسألة مسألة حظظ وإن شااء الله تتسهل أمووورك وتسستلم فيزتك وتجي تبشششرنها هنا يااارب <3

يا أخ النادلر !!

المفروض تحمد ربك وتدعي للناس الباقين

تر فيه ناس مبتعثة لدراسات عليا ومعدلها عالي ومن الحكومة مبتعثة وماسافرت للدول المغضوب عليها ومع ذلك تحت الإجراءات الإدارية

اذا ما عندك معلومه صحيحة لا تفتي من رأسك إذا السفارة الأمريكية ما تعطيك سبب للتأخير وانت بسم الله عليك حصرتها بثلاث أسباب

اقتباس:

---

المشاركة الأصلية كتبت بواسطة النـــــادلر

تطمن وانا اخوووووووك .... انا قابلت يوم السبت واتصلوا علي فيد اكس يوم الاثنين واستلمت جوازي ...

انتهى زمن التعقيد في الفيـــــــــز ... إلا في حالة السفر الى الدول المغضوب عليها ... او المعدل الجامعي دماااااار ... او الضمان البنكي مثل وجه راعيه مافيه إلا الفلـــــس ....

---

للأسف كلامك غير صحيح نهائيا انا معدلي عالي والحمد لله وماسافرت لاي دوله من المغضوب عليها والضمان البنكي كان ممتاز لكن ما ادري وش سبب هذي الاجراءات

ان كانها سفارة الرياض وقابلك الاشقر ابو عيون زرق انا اقول عليك من الحين تتصدق وتستغفر وتدعي ان ربي يسهلها

قال لنا اسبوعين
وللحين 50 يوم ننتظر ومازلنا بدون اي سبب مقنع للتأخير

يا ميسر كل عسير يسر لنا وكل من ضاقت عليه

;)

انا قابلني هالاشقر وقال اجراءات إدارية
كانت المقابلة في ٦- فبراير

الله يسهل لنا ولكم ويوفق الجميع

السلام عليكم
الله يسهل امورك اتمنى لك كل التوفيق لكن بصراحه موضوع ذا السفاره جاب لي الهم والغم ولا قدرت افهمهم صراحه لان هم نفسيات انا مقدم على الفيزه من شهرين ونصف وانا طالب مبتعث وكل اوراقي كامله وكانت المقابله اكثر من رائعه وقالت لي فيزتك مقبوله وراح تاخذ من 2-3 اسابيع وما اعطتني اي ورقه ولا شي وانا الى الان لاحس ولاخبر حتى تحديث ما فيه حاولت اتوسط وحاولت اكلم القنصليه الخارجيه الامريكيه لكن الكلام اللي دايم اسمعه منهم انها اجراءات ادرايه حتى اسباب مافيه
ولا فد عمري سافرت خارج السعوديه
لكن الشكوى والواسطه بيد رب العالمين
اتمنى التوفيق للجميع

اذا تأخرت فيزتي مرة بسحب جوازي وأروح أي دولة غير أمريكا.