الأعضاء الإشتراك و التسجيل

الملتقيات
ADs

تجربتي في السفاره الامريكيه " الرياض" 2013/2/20

تجربتي في السفاره الامريكيه " الرياض" 2013/2/20


NOTICE

تنبيه: هذا الموضوع قديم. تم طرحه قبل 1759 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية علي ين حسن
    علي ين حسن

    مبتعث جديد New Member

    علي ين حسن الولايات المتحدة الأمريكية

    علي ين حسن , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى Radiology , بجامعة king saud
    • king saud
    • Radiology
    • ذكر
    • RIO, RIO
    • السعودية
    • Feb 2013
    المزيدl

    February 20th, 2013, 05:51 PM

    السلام عليكم ورحمة الله وبركاته


    مدخل ..

    يقول الحق سبحانه وتعالى في حديثه القدسي: "أنا عند ظن عبدي بي إن ظن خيرًا فله وإن ظن شرًا فله".. رواه مسلم،

    حاب اشاركم في تجربتي بالسفاره وان شاء الله انكم تستفيدو منها وتعم المنفعه ..
    توكلت على ربي ورحت للسفاره الساعه 7.30 وموعدي كان الساعه 9
    ولله الحمد كانت النفسيه والامور عال العال وهذا لاني موكل امري لله
    صفيت مع العالم طابور الين جيت عند الشباك وعطيتهم
    1- الجواز
    2- ورقة الموعد
    3- ايصال DS-160
    4- سداد سامبا
    5-صوره شخصيه

    كلها كانت داخل الجواز وعلى طول رحت للشباك الثاني
    وطفيت الجوال ونزلت اغراضي ودخلت على بركة الله

    وحصلت الهندي طول بعرض ومعه سلاح يحسسك انك مجرم اول ما يشوفك
    المهم دخلنا وحط استكر على الجواز واخذت رقم وانتظرت الين ماجاء
    وكانت شوي زحمه والحمد لله استغليتهاا بالاستغفار حتى جاء رقمي وخل عينك
    على اللوحه الارقام علشان تعرف وين تروح اي كاونتر
    كاونتر 4 وكان الموظف سوداني صراحه انا تشققتو من الفرح
    لان السودانين قلوبهم بيضاء وروحهم حلوه وسالني سبب روحتك لامريكا
    قلت دراسه اخذ الاوراق اللي ذكرتها + السيفيس
    وكان في خطاء في مكان الميلاد في i20 وكلمت العيال هناك زبطوه لي وطبعته وعلمته
    بالمشكله قلي اوك المهم سالني سوال واحد لك اقارب قلت لا واخذ شوي وقالي لك اصدقاء
    انا صراحه كنت صادق وقلت اي اخذ اسمه الثلاثي وقالي انتظر الين ينادو رقمك علشان المقابله
    اول مانادو رقمي كاونتر 12 كانت لبنانيه نفسها براس خشمهاا وانا بارد وجه بس ابتسم لها
    وهي احسه تقول ياليل وش ذا النشبه ههههه المهم بدت تسولف معي انقلش
    انا لغتي كويسه بس تمنيت انها تكون بالعربي علشان ما اجيب العيد وسالتني
    وين رايح :
    درجاتك العلميه عطيتها الثانويه والدبلوم
    مين يتكفل في مصاريف الدراسه قلت ابوي
    ابوك وش يشتغل : قلت متقاعد وقالت بالماضي قلت كان عسكري
    وقالت الرتبه هل هو " ميجور " هنا انا توهقت قلت لها ما اعرف اسم الرتبه بالانجليزي
    وسبحان الله بدت تتكلم عربي انا انقهرت طول اليوم تتكلم انقلش واخرتهاا تتكلم احسن من عربي
    المهم صرفت لها ان الرتبه عريف قالت انا مااعرف ترتيب الرتب العسكريه وقعدت تضحك
    انا هنا ارتحت اخيرا شفت ضروسهاا ههههههه
    قالت فيزتك مقبوله رحت سدد فديكس انا هناا طرت من الفرحه
    والحمد لله وهذا كان من فضل ربي ..


    واخيرا حط في بالك ان التوفيق من الله سبحانه وهم مجرد سبب
    وان الفيزاء حق من حقوقك لاترتبك ولاتكذب وخلك راعي طويله ولاتتفلس بزياده
    واي شي يطلبونه عطهم لاتححذف الملف كله اي شي يسالونك عنه طلع لهم الورقه اللي تثبت
    والابتسامه اهم شي لانها مفتاح القلوب ..

    وختاماَ دعوه بسيطه لي ولوالدي ,,
    وربي يوفقككككم جميعا ياارب ..

  2. السلام عليكمورحمة الله وبركاته
    وبعد
    اتمنى لك والى الجميع التوفيق ولي كمان
    هل قدمت طلب الدارسة عن طريق مكاتب الابتعاث
    لانهم بصراحة لديهم خبرة في المجال هذا
    انا قدمت ولسا في لاجراءت الاوليه مع المكاتب لانهم راح يقوم بكل شي
    اما سيفس لزم تمر على اقرب مكتب يكون مختص في الموضوع

    اتمنى لك التوفيق والسداد
    ali_mashi@yahoo.com
    الاخ سعد اتصل 0599363321



    اتمنى الرد الاخ علي بن حسن
    7 "
  3. المشاركة الأصلية كتبت بواسطة سعد الشلآحي
    الله يوفقك اخوي في دراستك. بس حبيت استفسر عن السيفيس هل دفعت رسومه ولالا وهو قيمته 200دولار. لان عندي موعد الاسبوع الجاي ومدري عن السيفيس.


    ( تمت المشاركة باستخدام تطبيق مبتعث )
    اخوي السيفس يندفع اونلاين ، تدخل موقع السفارة بعد ماتعبي الابلكيشن فيه شي خاص برسوم السيفس ، فيه رقم cgi اللي من خلاله تقدر تدفع
    لو كنت مبتعث احتفظ بنسخة من السيفس + ايصال سامبا للتعويض في المستقبل
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.