استفسار مرتبك بخصوص المقابله

شوف اهم شي لا تتوتر .. ترى هم مو كثيرين اساله .. ممكن سؤال او سؤالين .. بعدين الدنيا نصيب اذا رفضوك في دول ثانية كندا وستراليا لا تقل اهميه عن امريكا .. حط هذا الشي في بالك .. ثاني شي لا تكذب لا تكذب لا تكذب خصوصا في سواليف السفر لانه ممكن يمتحنوك ويقولو لك جيب برنت من الجوازات توضح سفرياتك .. يعني خليك من الاول واضح ههههههه

بخصوص ليش اخترت امريكا ؟ لانه بلد متعدد الثقافات واعتقد انه هذا يسهل وجودي فيها اثناء دراستي .. وايضا هنا في السعودية الشهادات الامريكية محترمه جدا لذا اسعى الي مستقبل رائع.الضمان لعودتك ؟ انا احب بلدي واسعى للحصول على شهادات عاليه حتى اكون شي يذكر في بلدي.وكل احبتي هنا لا يوجد سبب يجعلني لا ارجع الي بلدي

اما بنسبه للعمل .. عادي امورك طيبه اذا عندك اوراق تثبت عملك .. والكليه انا عن نفسي انصح انك ما تجيب سيرتها لانه ممكن يقول لك جيب درجاتك خلال الترم او السنه اللي درستها واذا كانت الدرجات غير جيده ممكن يرفضوك .. اكتفي بالعمل وقول انك ما حصلت التخصص المناسب والان قررت تدرس برا .. والدوله والله الحمد توفر المنح الدراسية (اذا انت بتطلع على حسابك قول الدوله تضم الطلاب الي البعثه بعد دراسة اللغة )

نصيحه اذا مكتب اللي عمل لك الاوراق راجع كل الاوراق بنفسك و اقراء كل الاشياء اللي كتبها .. خصوصا النموذج اللي فيه صورتك .. لانه ممكن كتب في النموذج انك درست في الكلية ويطلع عندهم في السستم .. وانت تقول في المقابله لا ما درست .. وتسجل كذبه !!!!

نقطه اخيره لا تكركب نفسك .. المقابله اتفهه من اللي انت تتصوره .. واسهل .. ثق بنفسك وتوكل على الله
والله يوفقك