شرح مقابلتي في السفارة الامريكية السبت هذا الساعة 7.30 صباحا /تحديث سويت المقابلة ادخلو
شرح مقابلتي في السفارة الامريكية السبت هذا الساعة 7.30 صباحا /تحديث سويت المقابلة ادخلو
تنبيه: هذا الموضوع قديم. تم طرحه قبل 4060 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "
السلام عليكم
شكرا على الملاحظات للي قلتوها على
مشيت من البيت 6 الصباح وكنت لابس ثوب بدون شماغ
وصلت بدري 7 وكان قدامي 8 اشخاص انتظرت لين يفتحو البوابة فتحوها اتوقع 7.20 الصباح
جهزت الاوراق كاملة عطيت الشباك الاول
1- الجواز
2- سداد رسوم السفارة ورقة سامبا
3- ورقة الموعد الخاص بسفارة
4- ورقة DS-160
حطت الاوراق في الجواز ورجعتهم لي
بعدها رحت للشباك للي بجنبة سائلني معك جوال قلت لا ما عندي شي بس بطاقة احوال
بعدها دخلت بوابة التفتيش على الجهاز ما فتشوني بس دخلت على الجهاز اول ما طلعت من الباب رحت على اليسار
دخلت بوابة السفارة شفت سوداني اخذ من عن عندي الجواز للي بجنبة فلبيني مدري اندونيسي عطاني رقم وكان رقم 7
دخلت الغرفة انتظر رقمي يمكن 5 دقائق وصل رقمي
وصلت الشباك طلعت فلبينية
قالت كيف الحال
وردينا عليها وسائلتني هل بتسافر سياحة ولا دراسة ارتبكت شوي كنت سرحان قلت لا دراسة
وطلبت من عندي اوراق
1- I-20
2-كشف الحساب
3- ورقة السيفس
4-شهادة بنكية
5- اخرشهادة دراسية
6- الجواز
بعدها بصمتني اليد اليسري اول شي اول اربع اصابع وبعدين سبابة اليسري
بعدها اليمني نفس اليسري بضبط
بعدها قالت روح للغرفة الثانية انتظر لين ينادو رقمك قلت اوكي
ورحت للغرفة الثانية وانتظر شوي تاخرو يمكن 20 دقيقة ومنتظرين بعدين نادو الارقام وكان رقمي 7
رحت للقنصل للي سواء معي مقابلة اول ما جيت عندة
قال
السلام عليكم
قلت
وعليكم السلام
قال صباح الخير
قلت صباح النور والقلب يطق ويرجف
قاعد يفتش في الاورق
سائلني راح تدرس لغة وبعدين بكالوريس قلت اي
قال وين في اي ولاية
قلت لة في نورث كارولينا
قال ممتاز
وقاعد يفرفر في كشف الحساب دقق شوي في الكشف يمكن اقل من دقيقة وسائلني قال في فلوس واجد من وين لك هذا
قلت انا موظف المبلغ للي عندي 90 الاف ريال
وانا قلت لة انى موظف وعطيتة اسم الشركة وكان عندي خطاب من الشركة تعريف براتب ما حبيت اعطية
بعدين سائلني
قال وين سافرت اخر 5 سنوات
قلت لة
الكويت والمغرب والبحرين والامارات
قال اوكي
قال مين بيصرف عليك قلت انا
وانا موظف
بعدها قال اوكي موافق وعطاني الورقة الصفراء وكلم الموظفة السورية
قال ببتاخر اوراقة لان دراستة مطولة انا قلت للموظفة عارف ان ما تطلع الفيزا لازم اقل من 120 يوم قالت بلفعل
قالت تبي الجواز وترسلة بعد شهر قلت خلوها ما احتاج الجواز الان قلت اوكي
وكتب ملاحظة القنصل على الورقة وقال روح سدد فيدكس
ان الفيزا بتصدري بتاريخ 19-4-2013 لان دراستي بشهر 8 يوم 22
نصيحة من عندي خلصو اموركم بدري يعني مو تبي تخلص بشهر او شهرين قدم قبل الدراسة 5 شهور
مشكورة على الملاحظة اختي سهلة جدا المقابلة