موعدي بالسفارة الامريكية بالتفصيل - الرياض 26 مارس

السلام عليكم

تم بحمد الله الانتهاء من المقابلة بالسفارة الامريكية وبإنتظار الفيزا

راح اطرح لكم تجربتي بالتفصيل , في السفارة الامريكية - الرياض

اليوم 26 مارس كان الموعد لطلب الفيزا
طبعا الموعد كان الساعه 9:00 الصباح

وصلت السفارة تقريبا الساعه 8:25 وزحمممممممه .. انتظرت دوري بالصف تقريبا كان قدامي 50 واحد أو اكثر ,
قدامي 3 شبابيك الاول من اليمين
لخدمات الهجرة - لطلبات الفيزا لغير المهاجرين - للمواطنين الامريكيين
طبعا كل اللي بالصف يبون النص وانا منهم ^^ ياكثرهم والله تفاجأت
المهم المطلوب منك بالشباك هذا ( جوازك - الموعد - DS-160 اللي فيها صورتك - رسوم سامبا ) تحطهم كلها بالجواز وتسكره
وصلت للشباك سلمته للموظفة وشيكت عليه وترجع لك . وجنبها شباك للي معاه اغراض (جوالات-ريموت سيارة)...الخ
المهم ما كان معاي الا مفتاح سيارة و بطاقة الاحوال , فتحوا لي الباب ودخلت بغرفة صغيرة . نزلت كل اغراضي .. ودخلت للتفتيش .
وبعدها اخذت كل اغراضي وطلبوا مني اخذها برا الغرفة والبسها , المهم اول ما طلعت قدامي لوحه تدلني على الصالة (قداااام يسار)
دخلت وقدامي مكتب صغير طلب مني الانتظار بالكراسي , جلست دقيقة تقريبا وبعدها اعطيته الجواز و DS160 اللي عليه صورته والباركود
طلبعا رجعها لي بعد ما تأكد من الطلب . واخذت رقم من عنده . الرقم خليته معاي حتى خلصت من جميع المعاملات ((ضروري))
دخلت غرفة صغيرة وانتظر رقمي بالشبابيك اللي قدامي وفيها شبابيك تابعه لها بالغرفة اللي جنبها . جاء رقمي وتوجهت للشباك على طول طلبت مني الموظفة
((( الجواز - DS160 - رسوم تسديد سيفس - الشهادة البنكية - كشف حساب 3 شهور - شهادة دراسية لآخر سنة - الـ I-20 )))
طلبت مني بصمات للاربع الاصابع لليد اليسرى - ثم الاربع لليد اليمنى ثم الابهامين مع بعض .
اخذت فقط الورقة الاولى من الاي توني ورجعت لي الباقي . شيكت عليهم على السريع من غير ما تقرأهم . وحطتهم بملف واحد واعطتني اياه
اخذت الملف وتوجهت للصاله اللي جنبها لاجراء المقابلة . تأخرت تقريبا 20 دقيقة او أكثر
جاء دوري في أول شباك , كان الموظف اتوقع لبناني 3> هع
جدا محترم ومبتسم : على طول اول ما وصلت عنده اعطيته الملف اللي جهزته اللي الموظفة اللي قبل .

جاء وقت المقابلة اللي الكل خايف منها :

المقابلة كاانت جدا خفيفة وراااائعه .. كانت بالانقلش !

1- سألني انت طالع تدرس؟
يس
اخذ لفه سريعه وطالع الاي توني وقال ( كنتاكي ) ^^
2- ليه اخترت هالولاية ؟
هادئة - مكان مناسب للدراسة - رخيصة - جامعة ممتازة
3-هل سبق ورحت لامريكا ؟
لآ
4- هل درست اي شيء انت ؟
أكيد الثانوية !
قال : لا اقصد بعدها ؟
قلت : لآ .
5-وش كنت تسوي الفترة اللي بعد الدراسة ؟
أعمال عائلية

فيزتك مقبوله وتستلمها من اسبوعين الى 3 :D

بعدها توجهت على مكتب فيدكس وسددت الرسوم (كاااش فقط) 65 ريال للتوصيل داخل الرياض برا الرياض مدري كم


ورجعت البيت ونمت نومة الأسد وتوني اصحى ^^
الله يتمم على خير وتوصلني بأقرب وقت ^_^

الله يسهلك امورك وفالك الفيزا
واهنيك على نومة الاســـــــــد ههههههههههه

يعني ماجب لك طاري الشهاده البنكيه ابد

​الف مبروك
ما انت مثلي مع زوجتي
قالت لي اللبنانية نرسل لكم الفيزا في اقل من اسبوع وطررررررت فرحا وفي النهاية قبلوا كل عائلتي الا انا ررررفض
الله ينتقم منها نفسية صدق

اقتباس:

---

المشاركة الأصلية كتبت بواسطة الزهراااااني

يعني ماجب لك طاري الشهاده البنكيه ابد

---

ابدا , ومتأكد حتى انه ما شاف المبلغ
+ الشهادة البنكية بإسمي ولا سألني اي سؤال عنها
الحمدلله

الف مبروووك الله يوفقك وتستلم الفيزا في اسرع وقت
تحيتي لك

مرت ثلاث اسابيع (21يوم) ولا حس ولا خبر :(
والتفجير هذا شكله بيزيد الطين بلللله :(
الله يكتب اللي فيه الخير والبركة !!
كم اقصى مدة انتظر فيها الفيزا ؟

اخوي راكان شيك ع موقع السفارة .. تآكد اذا هما عملولك تحديث..
بالتوفيق لك

اقتباس:

---

المشاركة الأصلية كتبت بواسطة stars14

اخوي راكان شيك ع موقع السفارة .. تآكد اذا هما عملولك تحديث..
بالتوفيق لك

---

خشيت ع الموقع وطلب مني visa application reference number
وين احصله ؟

- - - مشاركة محدثة - - -

اقتباس:

---

المشاركة الأصلية كتبت بواسطة stars14

اخوي راكان شيك ع موقع السفارة .. تآكد اذا هما عملولك تحديث..
بالتوفيق لك

---

خشيت ع الموقع وطلب مني visa application reference number
وين احصله ؟

هذا رقم الورقة اللي طبعتها اللي فيها صورتك واخذتها معاك على السفارة

تبدأ بـ AA

وتكون برضه مرسلة عندك وقت ما سجلت في الايميل