تفاصيل مقابلتي بالقنصلية الامريكية (الظهران) 1ابريل 2013
بسم الله الرحمن الرحيم
::انا عضو جديد وحبيت يكون اول موضوع تجربتي ::
اول شي كانت مقابلتي اليوم الصباح الساعه 9 بس من الحماس من 7ونص موجو;)د هناك مافي زحمه كثير بس الوضع كان حلو
اول شي دخلنا للمواقف واتجهنا للممر الطويل علشان التفتيش بعدها اتجهة الى شباك فيه موظفه سودانية اخلاقها حلوه شيكت لي على الموعد والجواز
بعدها دلخت الامانات تترك كل اغراضك من اكترونيات او اشياء كذا
واتجهت الى مبنئ صغير اخذت الرقم في القاعه تقريبا 35 شخص
من بنات واولاد واجانب
بعدها نادو على رقمي بنت مصريه تاكدت من الاوراق وكل شي وعطني الباركود على الجواز وتسال رايح سياحة ولادراسة
بعدها قالت لي انتظر رقمك انتظرت تقريبا 20 دقيقه بس واجا رقمي تتجهة الى شباك نفس نظام البنوك شخص عربي يسالك:
ليش تبي تسافر الى امريكا ؟
للدراسة
مين راح يصرف عليك؟
الوالد
طيب بصم بالجهاز
بعد كذا تجلس وتنتظر اسمك
مدة الانتظار 25 دقيقه تقريبا
نادتني موظفة امريكية اخلاقها مرا كويسه
اول شي تسالك
ليش بتسافر لامريكا ؟
دراسة
شو بتدرس ؟
لغة
هل راح تدرس جامعه ؟
ايوا
بكلريوس ولاماجستير؟
بكلريوس
اي مدينة ؟
دنفر
مين راح يصرف عليك ؟
الوالد
وين يشتغل ؟
بنك
سافرت الى احد الدول التالية (ايران العراق اليمن )؟
لا
سدد فدكس الجواز بيروح الى التدقيق والمعاملات
طيب شكرا ..
الشي الوحيد الي استغربت منه بس انو ماطلبت مني اوراق ابدا سالت بس عن كشف حساب البنك شافت الضمان المالي في ثواني ورجعته
ولاطلبت صوره ولاشهادة ثانويه ولاشي ابدا ابدا
سددت فدكس وانا خايف انو تتاخر الفيزا خاصة انو دراستي تبدا في شهر MAY
خلصت تسديد وكلمة الموظفة الي عند البوابة اني ابي ارجع اكلم الي عملت لي المقابله
قالت لي طيب
رجعت للموظفة سالتها عن المدة الي بتاخذها الفيزا
قال بين اسبوعين الى3 اسابيع
قلت لها لانو برنامجي الدراسي يبدا في شهر MAY
قالت خلاص انو راح تهتم بالموضوع ان شاء الله وتخلص الفيزا
بكذا خلصت كل شي وطلعت استلمت اغراضي ومع السلامه
طبعا في ناس خلصو بسرعه وناس تاخرت على حسب الشخص نفسه مش القنصل
بالنسبة الي موظفين القنصليه مرا كويسين
وانشاء الله توصل الفيزا بسرعه
وشكرا ...:)
رد: تفاصيل مقابلتي بالقنصلية الامريكية (الظهران) 1ابريل 2013
الله يسهل امرك وأمرنا ويوفقني في المقابلة الثانية الجاية
ياااارب ولجميع الدارسين
رد: تفاصيل مقابلتي بالقنصلية الامريكية (الظهران) 1ابريل 2013
انا عملت مقابلة قبل سنة تقريبا في الظهران
جاتني الفيزا في 21 يوم
بس اصحابي جاتهم بعد يومين او اسبوع
يعني يختلف من شخص لشخص
وبتلحق ان شاء الله
بالتوفيق
رد: تفاصيل مقابلتي بالقنصلية الامريكية (الظهران) 1ابريل 2013
نفسس اللي صار لي بالضضبط
بسس انا ما سؤلو عن الضمان المالي ابد ابد
وللحين جالس انتظر صار لي 3 شهور واسبوعين
دراستي اجلتها مرتين والحين بتبدا في 17 may
دعواتككم :(
رد: تفاصيل مقابلتي بالقنصلية الامريكية (الظهران) 1ابريل 2013
لو سمحت انت سددت رسوم الفيزا وحجز موعد اون لاين بالنت ؟
او عن طريق مكتب وكم كلفتك ؟
انتظرك
ويعطيك الف عافية
وان شاء الله تستخرج التاشيرة بسرعه
رد: تفاصيل مقابلتي بالقنصلية الامريكية (الظهران) 1ابريل 2013
انا جالس احاول اسدد السيفس مو راضي مدري ليش الله يسهلها يارب
رد: تفاصيل مقابلتي بالقنصلية الامريكية (الظهران) 1ابريل 2013
يا اللي تسال عن تسديد السيفيس روح لمكتب فيفا او اي مكتب تبع خدمات دراسه بالخارج ويسوسلك اياه وانت واقف
يا اللي تسال عن تسديد السيفيس روح لمكتب فيفا او اي مكتب تبع خدمات دراسه بالخارج ويسوسلك اياه وانت واقف
وبالتوفيق
رد: تفاصيل مقابلتي بالقنصلية الامريكية (الظهران) 1ابريل 2013
اخوي مايحتاج مكاتب وخسائر ادخل انت بنفسك وسدد كل شي كل الي تحتاجة فيزا او ماستر كارد
ولاتنسى تطبع الموعد مع السيفس
رد: تفاصيل مقابلتي بالقنصلية الامريكية (الظهران) 1ابريل 2013
هاه بشر علي عسا جتك الفيزا؟؟ انا صارلي نفسك وقعدت ادور بقوقل عن المقابلات وطحت بموضوعك. كم طولت على ما جتك الفيزا؟
رد: تفاصيل مقابلتي بالقنصلية الامريكية (الظهران) 1ابريل 2013
لا والله ياخوي لسى ما اجت الفيزا ولا انعمل اي تحديث