الأعضاء الإشتراك و التسجيل

الملتقيات
ADs

تقرير موعدي مع السفارة في جدة 10-4-2013

تقرير موعدي مع السفارة في جدة 10-4-2013


NOTICE

تنبيه: هذا الموضوع قديم. تم طرحه قبل 1708 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Freelancer
    Freelancer

    مبتعث مستجد Freshman Member

    Freelancer الولايات المتحدة الأمريكية

    Freelancer , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى مادري , بجامعة مادري يونيفيرستي
    • مادري يونيفيرستي
    • مادري
    • ذكر
    • مادري سيتي, مادري ستيت
    • السعودية
    • Feb 2013
    المزيدl

    April 10th, 2013, 10:26 AM

    بدون مقدمات

    قمت 5 الفجر و تروشت و حلقت الشنب والدقن مكينه على نص عشان ابان انسان اليف ومالي اي علاقة باي شيء يقول بووم.

    الساعة 6 خرجت ركبت السيارة بدون فطور (افطرو يا عيال) و لسا ما وصلت الا بطني توصوص.

    الساعة 6:35 انا عند السفارة في مواقف مستشفى فقيه, جلست اتفرج على الحمام و هم يتمشو, بعضهم طلع فوق الكبوت و صارو يحقرو فيا, يعني اطلع اذا فيك خير.

    الساعة 6:55 طلعت من السيارة و الحمام الاهيم طلع فشنك و شرد لما الموضوع صار جد, و مشيت لين الحارس و شاف الجواز و اسمي في اللستة و قال اوقف و وقفت و كان قدامي رجال و بنته و قدامه واحد, انا عاد انبسطت و قلت ما شاء الله جاي بدري ومافي احد.

    دخلت التفتيش و جابو كاشف المعادن و ووناسة كأني داخل ناسا, ماكان معاي غير اوراقي و 100 ريال و قلم, الباقي في السيارة.

    لحقت الخط الاصفر لين مكان المقابلة, وطلعلي 2 فليبينو لا انجليزي ولا عربي, ما فهمت منهم ولاشيء, بعدين جات وحدة لبنانية و حلت الموضوع, وكانت تكال لبان و انا جيعان فحقدت عليها شوي.

    اخذت رقمي و جلست في الانتظار و المكان كان متروس حريم يعني في ناس هنا من قبل 7!! حسيت اني في الغرفة الغلط بس شفت كذا واحد من شالكلتي فجلست جنبهم.

    وانا جالس شفت الناس تسوي مقابلاتها في ناس تخلص بدقيقة و ناس مادري ليش مو راضي الموظف يخالصهم.

    وناس من الربشة الي نسيت شنطتها وهي خارجة والي يتأتأ والي مايدري يسمع من السبيكر ولا السماعة, و طبعا جاتني العدوى وبديت ارتبك.

    جا رقمي و قمت عند واحد اسمراني ظريف اخذ بصماتي و قلتله دراسة, واول مرة اروح ديرتهم, اخذ الجواز والفواتير و الاي 20 وقالي اجلس لين نناديك.

    وانا جالس شفت الي يسو المقابلات وكان في 2 رجال بيض و وحدة بنت سمرا و شباك ماقدرت اشوف مين فيه, البنت كانت ضحيكة, تمنيت لو المقابلة عندها يمكن ترحمني.

    نادى اسمي واحد من البيض و كان شرس شوي فقلت بااااااس الرفض في الطريق.

    وبدات المقابلة:

    حياني بالانجليزي و انا عاد قبلت التحدي. بس حاطلكم ترجمة.

    المقابل: جيت امريكا قبل كذا؟
    انا: لا
    المقابل: فين تشتغل؟
    انا:في المكان الفلاني
    المقابل: فين رايح؟
    انا: كانسس
    المقابل: شكلك تبغى تلعب مع الJayhawks
    انا: اكيد بصير الكبتن
    المقابل: تحب كرة السلة
    انا: لا والله (الصراحة كنت احب سلام دنك على سبيس توون )
    المقابل: ليش كانسس؟
    انا:اخوي الصغير فيها على بعثة الملك
    المقابل: وانت بتكمل دراسة
    انا: اذا توفرت الفلوس.
    المقابل: كيف؟
    انا: انا على حسابي الخاص
    المقابل: مين بيدفع التكاليف
    انا: الوالد
    المقابل: قد رحت سوريا؟
    انا: لا
    المقابل: انجليزيتك ممتازة ليش بتدرس لغة؟
    انا: النطق كويس لكن القراية والكتابة مش ولا بد.
    المقابل: طيب كيف تعلمت؟

    ناخذ استراحة بس عشان اقول اني انسان متهور ولاحد يقلدني الا على مسؤليته الخاصة. وكان ممكن الموضوع يروح وطي.

    انا: سلاحف الننجا! نعم هذا كان ردي وحسيت الناس الي جالسين وراي وجيههم كانت كذا و المحادثة كانت على السبيكر يعني الفضايح على الملء


    المقابل: تصدق حتى انا!
    انا: اما!
    المقابل: لسا ينعرض عندكم؟
    انا: او لا خلص من زماااان
    المقابل: خلاص يعني انا و انت تعلمنا الانجليزي من سلاحف الننجا
    انا: دا حنا اخوات!
    المقابل: مين المفضل عندك؟
    انا: رفايل
    المقابل: من جد؟! انت اول واحد اعرفه يختار رفايل!
    انا: لانه زاحف! (ملاحظة: السلاحف برمائية وليست زواحف)
    فجأءة نط المقابل الثاني من اليمين وقال حتى انا افضل رفايل!
    المقابل الاول: اجل صرتم 2!
    انا: Hell yeah! (ياوااااااد)
    المقابل: تدري انه فيه ناس تقول ان خيارك ممكن يعكس شخصيتك؟
    انا: ممكن بس حاب اأكد لك اني لطيف.

    هنا الرجال ضحك و باركلي بقبول الفيزا وانها بتوصلني مع جوازي على فيديكس.

    رحت على فيديكس و عطيتهم 65 ريال و فين اقرب فرع لي و رحت السيارة واكتشفت ان الحمام انتقم مني على السيارة...

    الان قاعد في البيت اكل سندوشت جبنة و اكتب هذا الموضوع.


    الموضوع كله بسيط و المقابلين كانو طيبين والحمد لله.
  2. هههههههههههههههههههههه صراححه مرههه انت مجرم عرفت كيف تزبطهم // بالنسبه ليا انا كنت رسمي مرهه خلصت المقابله بسرعه وكان واحد ابيض البشرهه كان مرهه لطيف وصراحه فبداية المقابله جالس يكلمني عن اشياء جانبيه ريحني وشال التوتر الواضح وبداء الاسئلة وبعدين قال مبرووكك فيزتكك مقبولة تستلمها بعد اسبوع ..وبعد 48 ساعه ارسلي فيديكس رساله وانتهت اموري ومسافر بعد 12 يوم < انصحكم بالسفارهه الامريكية بجدهه

    - - - مشاركة محدثة - - -

    هههههههههههههههههههههه صراححه مرههه انت مجرم عرفت كيف تزبطهم // بالنسبه ليا انا كنت رسمي مرهه خلصت المقابله بسرعه وكان واحد ابيض البشرهه كان مرهه لطيف وصراحه فبداية المقابله جالس يكلمني عن اشياء جانبيه ريحني وشال التوتر الواضح وبداء الاسئلة وبعدين قال مبرووكك فيزتكك مقبولة تستلمها بعد اسبوع ..وبعد 48 ساعه ارسلي فيديكس رساله وانتهت اموري ومسافر بعد 12 يوم < انصحكم بالسفارهه الامريكية بجدهه

    - - - مشاركة محدثة - - -

    هههههههههههههههههههههه صراححه مرههه انت مجرم عرفت كيف تزبطهم // بالنسبه ليا انا كنت رسمي مرهه خلصت المقابله بسرعه وكان واحد ابيض البشرهه كان مرهه لطيف وصراحه فبداية المقابله جالس يكلمني عن اشياء جانبيه ريحني وشال التوتر الواضح وبداء الاسئلة وبعدين قال مبرووكك فيزتكك مقبولة تستلمها بعد اسبوع ..وبعد 48 ساعه ارسلي فيديكس رساله وانتهت اموري ومسافر بعد 12 يوم < انصحكم بالسفارهه الامريكية بجدهه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.