اخ متزوج مرافق لمبتعثه .. ما هي الفيزا المناسبة للزوجة ؟
السلام عليكم ورحمة الله وبركاته
اختي حصلت على قبول في برنامج خادم الحرمين الشريفيين للابتعاث للمرحلة الثامنة طبعا انا مرافق لها
ولله الحمد عملنا كل الاجراءات وحصلنا على قبول الفيزا وكل شي.
لكن انا متزوج وابي اقدم على فيزا لزوجتي وش الفيزا المناسبة لها مع العلم اني راح اصرف عليها انا
هل بالامكان اقدم لها فيزا مرافق او فيزا سياحية؟
اتمنى منكم المساعدة لان موعد الاقلاع بعد 3 اسابيع
وشكرا لكم
رد: اخ متزوج مرافق لمبتعثه .. ما هي الفيزا المناسبة للزوجة ؟
وعليكم السلام ورحمة الله وبركاته
اذا زوجتك راح تدرس دوام كامل تقدم على F1 واذا دوام جزئي F2
واذا ماراح تدرس تاخذ سياحية B1 بس في السياحية لازم تطلع من أمريكا كل 6 اشهر وترجع
بالتوفيق ,,
رد: اخ متزوج مرافق لمبتعثه .. ما هي الفيزا المناسبة للزوجة ؟
اخوي بس زوجتي الان ما عندها قبول لغه ولا راح تدرس حاليا .... هل اقدم لها فيزا اف 2 حتى لو ما عندها قبول لغه
رد: اخ متزوج مرافق لمبتعثه .. ما هي الفيزا المناسبة للزوجة ؟
تحتاج اي توني عشان تقدم على F2
نصيحتي لك دام انك مسافر بعد 3 اسابيع ان شاء الله
خلها تاخذ فيزا سياحية وتروح وياكم بعدين تجيب قبول وتغير الفيزا ,,دعواتك
رد: اخ متزوج مرافق لمبتعثه .. ما هي الفيزا المناسبة للزوجة ؟
ربي يسعدك اخوي ويوفقك ان شاء الله ... بس انا سددت رسوم اف 2 يعني تشوف اطلع لها سياحية واقدر اغير الفيزا من امريكا هناك
رد: اخ متزوج مرافق لمبتعثه .. ما هي الفيزا المناسبة للزوجة ؟
من شروط ال اف 2 القبول , لانها بالاساس لطلاب المرافقين
ف ما اشوف ان عندك خيارات غير انك تجيب لها قبول وتقدم على ال اف 2
وهذي صعبة اذا كنت تبغاها تسافر معاكم سوا او انكم تاجلوا وتنتظروا قبول لزوجتك
الخيار الثاني السياحية وتقدر تغيرها في امريكا لكن اتوقع انها اكثر تعقيد من انكم
تطلعوا وحدة جديدة من السفارة ويكون عندها ثنتين مثل اللي مع خويي حاليا
رد: اخ متزوج مرافق لمبتعثه .. ما هي الفيزا المناسبة للزوجة ؟
اعتذر لك اخوي تعبتك معي ويعطيك العافيه على مجهودك ... يعني لو قدمت فيزا سياحية كم مدتها وتنتهي وكم اقدر اجددها وهل اقدر اغيرها من امريكا او ارجع للسعودية واغيرها
رد: اخ متزوج مرافق لمبتعثه .. ما هي الفيزا المناسبة للزوجة ؟
الفيزا السياحية بالعادة مدتها 5 سنين ولكن المشكلة فيها اللي تواجه اكثر المرافقين
انه لازم تطلع من امريكا بعد 6 اشهر وترجع يعني تروح اي دولة ثانية قريبة من امريكا او تقدر ترجع السعودية
اهم شيء تسوي شيك اوت من امريكا وبعدها ترجع امريكا في اي وقت وكل 6 اشهر نفس الحالة تطلع وترجع
والفيزا تقدر تغيرها الى اف 1 او 2 من الامقريشن في امريكا لكن الطريقة معقدة شوي فيها ارسال خطاب
و تعبئة اكثر من ابليكيشن وتاخذ وقت لكنها بدون مقابلة تقدر تشوف مواضيع في المنتدى عن ذا الشي شخصيا
افضل لو تطلع فيزا جديدة من السفارة والفيزا الجديدة ما تلغي القديمة تصير عندها فيزتين في جواز واحد ,,بالتوفيق
رد: اخ متزوج مرافق لمبتعثه .. ما هي الفيزا المناسبة للزوجة ؟
رد: اخ متزوج مرافق لمبتعثه .. ما هي الفيزا المناسبة للزوجة ؟
السلام عليكم ...
نصيحه مجرب اخي الكريم ..
انا مريت بنفس تجربتك ،،، ومازالت زوجتي في البيت بدون دراسه والسبب الفيزا ...
اطلعبها بفيزه طالب ... ودرسها على حسابك وانت في امريكا ... 3 شهور او 4 وتنضم وتصير مبتعثه ويحقلها ولاولادك يدرسون وينصرف عليهم ..
تحياتي ...