تقرير الجمارك الأمريكية وتفتيش الأجهزة الألكترونية

 المشاركة الأصلية كتبت بواسطة اّيــــفــــون

الله يجزاك خير على الموضوع ومتابعتك له
انا عن نفسي لاب توبي ماني موديه احس لو وديته وشافوه من كثر البلاوي اللي فيه بيعدموني
هههههههه
انا اللي باوديه اّي باّد واّيفون واكيد الملابس
وادري حتى الاّيباد والاّيفون ما راح يخلونها بحالها ولله الحمد ما فيها جيل بريك ولا شي.
وكل البرامج شاريها بطريقه رسميه لكن الصور والمقاطع هل يسوون زحمه عليها يعني مو صور خليعه او شي لا
يعني صور اسلحه وبعض الروساء العربين والعالميين والنازيين <<< عاد هذا معروف
هل فيه مسائله وكلام زياده او بعد الاتفاقيه صارت الامور سلسه شوي

عادي وانا اخوك امورك طيبه ان شاء الله ...
إذا كنت متخوف من مسألة الصور والمقاطع .. فليش ماتسوي نسخه احتياطيه على الـ iCloud ..
بما إن عندك حساب في ابل ..
واذا جيت تسافر فقط أعمل نسخه احتياطيه على الـ iCloud .. ثم بعدها وقف المزامنه .. واعمل تسجيل خروج من الايكلاود ...
بعدها امسح اللي تبي من جهازك مثل الصور والمقاطع والاشياء اللي تحس انها راح تسبب لك مشكله ..
واذا وصلت لامريكا ان شاء الله .. ابد ادخل مره ثانيه على الـ iCloud واعمل مزامنه وراح يرجع كل شي حذفته من النسخه الاحتياطيه !
وبكذا امورك تكون بسيطه وماعليك خوف فيها وتبتعد عن الشكوك والخوف من المسائلات وغيرها !

وعلى كل حال .. انا اعرف ان فيه بعض الشباب يحطون صور اسلحه ورؤساء عرب مثل طريقتك .. ولا ادري وش حببهم بهالموضوع !
لكن غالبا هالامور تحط الشخص تحت الشبهات لو تم الكشف عليه ! والسبب .. مثل هالامور ينظرون لها إلى انها فيها طابع ارهابي ..
لان مافيه احد يحط شي بجهازه الا هو يبيه او يحبه .. مثلا انت تحط صور اسلحه .. معناته ان عندك اسلحه .. او تتاجر فيها ..
فهم ينظرون أنه هذا الشخص له علاقه بالاسلحه .. فيشددون عليه التفتيش حبتين .. اذا لقوه سليم مشوه ..

حنا بالسعوديه ماننظر لهالامور لاننا نعرف اننا نحب "نهايط" احيانا .. باي شكل كان .. وهذا شي متعارف بينا ومسأله طبيعيه ومتعودين عليها !
فلذلك مانعطي لهالامور اعتبار داخل السعوديه .. ولكن بامريكا الموضوع مختلف تماما .. هم مايعترفون بـ "المهايط" ولا حتى من باب المزاح !
فلابد إننا ناخذ مثل هالامور بعين الاعتبار .. حتى نتفادى المشاكل مستقبلا ..

هذا والله اعلم ..,