هل مكان مقابلة الفيزا في الرياض او الظهران أو جدة تؤثر في سرعة إستخراج الفيزا ؟؟

السلام عليكم ورحمة الله وبركاته

حبيت أستفسر عن تأخر إصدار الفيزا الأمريكية هل له ولو علاقة بسيطة في مكان المقابلة ؟؟

يعني أنا اللي أعرفه إن السفارة بالرياض أما في الظهران وجدة فهي تعتبر قنصلية وليست سفارة ..

ماني عارف وش الفرق بينهم لكن أنتم يا شباب اللي أصدر من السفارة أو اللي أصدر من القنصليات ..

وش الأفضل لي و الأيسر و الأسهل .. قنصلية جدة و الظهران أو من السفارة بالرياض ؟؟؟

وشكرا لكم .

أهلين أخوي هذا كله ماله دخل لا سفارة ولا قنصلية

انا استخرجت فيزتي مع أخوي المرافق من قنصلية الظهران سويت المقابلة الاثنين والأربعاء هي عندي

توكل على الله واختار الأقرب لك ولا تكلف نفسك فوق طاقتها وكل الأمور هينة اهم شي خل كل شي معاك كامل من الأوراق
وإذا رحت المقابلة خلك صريح وواضح وجاوب على قد السؤال

أتمنى أكون أفدتك

شكرا لك أخوي ..

وجزاك الله خير ريحتني :)

اقتباس:

---

المشاركة الأصلية كتبت بواسطة سقراط العرب

شكرا لك أخوي ..

وجزاك الله خير ريحتني :)

---

لااااااااا انا مو أخوي انا أختي << لتوضيح هههههههههههههههه

وإياك ربي ييسر أمرك

والله البنت تقدم باي مكان .. راس مالها اسبوع بالكثير وتطلع باذن الله :)
الرجال هو اللي بينلطع .. :)

من خبرتي في الرفيوزات في السفاره ههههه اقول ان الرياض اسهل بكثير من الظهران .. وجده ماجربتها :)

التوفيق بيد الله بغض النظر عن المكان ... انا سويت المقابله مع محرمي في الرياض من 9 مارس وليومك فيزه المحرم ماصدرت
اهم شئ توكل على الرحمن الرحيم

حتى اللي في الرياض تراها قنصلية لكنها داخل السفارة، السفارة مهامها العلاقات بين البلدين والتشاور السياسي وغيره وغيره ...الخ

القنصليات مهمتها إصدار تأشيرات السفر للأجانب وإصدار جوازات لرعاياها، وبالتالي تجد للسعودية قنصلية في هيوستن وقنصلية في لوس أنجلوس ... والسفارة في واشنطن.

نفس الشئ في الرياض وجده والظهران ... كلها قنصليات .. الفرق قنصليات جده والظهران لحالها قنصلية فقط ، السفارة في الرياض تحوي القسم القنصلي داخلها وبالتالي صارت السفارة.

والله أعلم مكان التقديم ، ما يفرق كثير .... اختر الأريح والأنسب لك!

وبالتوفيق

مالها دخل مكان المقابله نفس الاجرائات في جميع القنصليات
سويت مقابلتي في قنصلية الظهران و صار لها الان 5 شهور وانا انتظر

انا شخصيا انصح في قنصلية جدة والحمدلله قابلت وجاتني الفيزا خلال 9 أيام

اما سفارة الرياض فكان لهم موقف سلبي معي عندما رفضوا اعطائي تأشيرة عام 2005