تجربتي مع السفارة الامريكية للمرة الثانية .. والورقة الصفراء للمره الثانية

السسسسسسسسسلام عليكم اعضاء منتدى مبتعث
طبعاً واضح من العنوان
كان امس موعدي بالسفاره الامريكيه بالرياض يوم الاربعاء 1 مايو

كان موعدي الساعه 8
ودخلت السفارة الساعه 8 ومشيت من تدقيق الاوراق وكل شي على مايرام
لدرجة اني ماخد معاي كشف حساب + شهادة بنكية
يعني كل شي معي
مشيت من تدقيق الاوراق تأخرت شوي لكن الحمدلله عديتها وطلبت مني كشف حساب .. فقط وباقي الاوراق
وجاء رقمي مع المقابله وطلع لي فلبيني مدري كوري الزبدة انه اسيوي :)
سألني قال انت قدمت قبل سنة على فيزا قلت نعم وقال انتظرت لين جاك الرد قلت بالتأكيد
وانا جاني الرد بعد 3 اسابيع وعلى فكرة المره الاولى الموظف ما اخذ جوازي رجع لي كل شي
نرجع نكمل مع الفلبيني قال وش سويت كل السنة ذي من فترة تخرجك قلت ماعملت شي
قال يعني جالس بالبيت ههههههههههههه قلت ايه
وسكت وقعد يطق طق بالكيبورد ويطلع الورقة الصفراء ويحط لي اجراءات ادارية
وقالي فيزتك تحتاج وقت ا اذهب الان الى فيديكس
واخذ جوازي اللي سووا معي المقابله ومشيت وبالفعل رحت سددت ل فيديكس

هذي تجربتي ي اخوان ويا اخوات
ف وشرايكم ؟ هل ان شاء الله ما تتاخر فيزتي دامه اخذ جوازي ؟

وشكرا لكم جميعا ...

135 مشاهدات ولا في اي رد!!!


معقولةة هذا وانا تاعب على كتابة الموضوع وبنفس الوقت استفسر وانبه للي م عمل المقابله الى الان



اتمنى احد يفيدني لاهنتوا ..

طيب ليش تم رفضك المرة الاولى ؟؟؟

قال لك مبروك فيزتك مقبولة ؟؟

اقتباس:

---

المشاركة الأصلية كتبت بواسطة AlWaSsOuFy

طيب ليش تم رفضك المرة الاولى ؟؟؟

قال لك مبروك فيزتك مقبولة ؟؟

---

لا اخوي المره الاولى مارفضوني اعطاني ورقة صفرااء ورجع لي الجواز وقالي راح نرسلك ايميل بعد 3 اسابيع وبالفعل ردوا علي وقالوا ارسل جوازك واي توني جديد لكن انا كنسلت السفره كلها الى فترة الصيف

وامس يوم قدمت اخذ جوازي واعطاني ورقة صفراء وقالي تحتاج وقت فيزتك واذهب الان الى فيدكس ورحت وسددت فقط ..

لاتخاف كثير نقس وضعك ورقة صفرا واجراءات ادارية .. هيا شغلة مزاجات الله يهديهم :( انتا وحظك ....
بالنسبة لطلب فيزتك الاول ما أدري والله بس كان المفروض تردلهم بمسج اعتذار او اي شي انك أجلت السفره وكدا يعني .. ماتدري كيف تفكيرهم !! :(

ربي يسهلك ويسهلنا ... كثير كان وضعهم اصعب واعقد من وضعك بس مشيت أمورهم .. المسألة حظ ومزاجات :mad:

لا عادي اجل لا تشيل هم من شهر الي اربع اشهر واذا تاخرت ست وان شاء الله اقل من شهر والفيزا معك

دامهم اخذوا جوازك فالفيزة مضمونة باذن الله

لكن متى تصدر الله اعلم ماله وقت محدد

فيه مبتعث اسمه عبودي انتظر سنة وشهرين وجته الفيزا وكذا واحد

وانا كملت سنة و 9 ايام والى الان ماجاء شي صار عندي تحديث واحد بعد سنة من المقابلة

مالنا الا الصبر عليهم وربك يسهل اموري واموري الجميع ان شاء الله

اقتباس:

---

المشاركة الأصلية كتبت بواسطة الزويمل بدر

دامهم اخذوا جوازك فالفيزة مضمونة باذن الله

لكن متى تصدر الله اعلم ماله وقت محدد

فيه مبتعث اسمه عبودي انتظر سنة وشهرين وجته الفيزا وكذا واحد

وانا كملت سنة و 9 ايام والى الان ماجاء شي صار عندي تحديث واحد بعد سنة من المقابلة

مالنا الا الصبر عليهم وربك يسهل اموري واموري الجميع ان شاء الله

---

وأنت من جدك منتظرهم سنة ؟؟؟؟ يابوي انا لاطعيني شهر للحين .. وافكر اسحب جوازي واقول لا ابوكم لا ابو ديرتكم واشوف لي ديره ثانيه

اقتباس:

---

المشاركة الأصلية كتبت بواسطة AD_

لاتخاف كثير نقس وضعك ورقة صفرا واجراءات ادارية .. هيا شغلة مزاجات الله يهديهم :( انتا وحظك ....
بالنسبة لطلب فيزتك الاول ما أدري والله بس كان المفروض تردلهم بمسج اعتذار او اي شي انك أجلت السفره وكدا يعني .. ماتدري كيف تفكيرهم !! :(

ربي يسهلك ويسهلنا ... كثير كان وضعهم اصعب واعقد من وضعك بس مشيت أمورهم .. المسألة حظ ومزاجات :mad:

---

والله ي اختي كلامك صحيح على حسب المزاج واصلا اللي اخذ معاي مقابلة ماسألني الاسؤالين فقط قدمت قبل ومتى تخرجت بس غيره ماقال شي
لكن اللي ضيق صدرري كثير الورقة الصفراء وبنفس الوقت ماحددلي متى تصدر الفيزا بس قالي تحتاج وقت ..

وبخصوص المره الاولى اني ارسلهم رسالة اعتذار ماكنت حاسب حساب الشي هذا توقعت انه عادي
وانا عارف ناس قدموا اكثر من مره ومشيت امورهم
لكن مالنا الا الصبر ( لا اله الا انت سبحانك اني كنت من الظالمين )

اقتباس:

---

المشاركة الأصلية كتبت بواسطة AlWaSsOuFy

لا عادي اجل لا تشيل هم من شهر الي اربع اشهر واذا تاخرت ست وان شاء الله اقل من شهر والفيزا معك

---

الف شكر لك اخي الكريم

وان شاء الله يكون في تحديث يوم السبت اتمنى من الله ان يسهل امورنا واموركم
ولكن انت عارف الان فترة الصيف وكثير المتقدمين على التأشيرات ...

لكن ما اقول الا الله يفرجها ...