عن كشف الحساب للسفاره الأمريكيه
السلام عليكم
لو سمحتوا ابي اعرف مواعيد للسفاره الأمريكيه بالظهران والرياض وعندي سؤالين انا قدمت للمعهد شهاده بنكيه اخذتها من والد صديقي واعطاني كشف حساب له وقبلوها المعهد ، كان كاتب بالشهاده انه خالي وانه مكتفل بكل شيء ، واللي سمعته منكم انهم يسالون عن اسم الأم والعايله اذا لاحظوا ان عايلته مختلفه وش اسوي هل يدققون ؟
السؤال الثاني شهادتي الثانويه قديمه يمكن لها 6 سنين او 7 كنت بجامعه وصار لي فيها فصل اكاديمي لأن لظروف ماقدرت اكمل دراستي ، اذا سالوني عن وش سويت هالسنين بدبر نفسي بس هل بيدرون عن الفصل الأكاديمي ؟
ثاني سؤال وهو لصديق لي بيسافر مع اخته امريكا ، الولد مبتعث لأوروبا وعنده فيزا لأوروبا ماعنده شيء هالفتره بيروح معها حتى يشوف سكن لها ويضبط امورها هي واخوها الثاني ، وش يجيب للسفاره الأمريكيه هل مطلوب منه كشف حساب ؟ وهل يقولهم انه مبتعث ؟ وايش مطلوب منه كإثباتات
ارجو الأفاده لو سمحتوا
رد: عن كشف الحساب للسفاره الأمريكيه
اقتباس:
المشاركة الأصلية كتبت بواسطة Fares_1
السلام عليكم
لو سمحتوا ابي اعرف مواعيد للسفاره الأمريكيه بالظهران والرياض وعندي سؤالين انا قدمت للمعهد شهاده بنكيه اخذتها من والد صديقي واعطاني كشف حساب له وقبلوها المعهد ، كان كاتب بالشهاده انه خالي وانه مكتفل بكل شيء ، واللي سمعته منكم انهم يسالون عن اسم الأم والعايله اذا لاحظوا ان عايلته مختلفه وش اسوي هل يدققون ؟
السؤال الثاني شهادتي الثانويه قديمه يمكن لها 6 سنين او 7 كنت بجامعه وصار لي فيها فصل اكاديمي لأن لظروف ماقدرت اكمل دراستي ، اذا سالوني عن وش سويت هالسنين بدبر نفسي بس هل بيدرون عن الفصل الأكاديمي ؟
ثاني سؤال وهو لصديق لي بيسافر مع اخته امريكا ، الولد مبتعث لأوروبا وعنده فيزا لأوروبا ماعنده شيء هالفتره بيروح معها حتى يشوف سكن لها ويضبط امورها هي واخوها الثاني ، وش يجيب للسفاره الأمريكيه هل مطلوب منه كشف حساب ؟ وهل يقولهم انه مبتعث ؟ وايش مطلوب منه كإثباتات
ارجو الأفاده لو سمحتوا
اخوي بالنسبة للمعاهد تقبل اي شي انا قدمت على 4 معاهد واسم الوالد مختلف عن الجواز وجتني قبولات من عندهم ولله الحمد
وجاني قبول جامعه والاسم مختلف عن الجواز كذلك ولكن الامور ميسره ولايدققون مثل السفارة لكن انت خذ احتياطك ممكن شخص عن شخص يختلف
وخصوصا اذا كان اسم العائلة يختلف تماما عن الجواز ...
وبخصوصا السفارة انا سويت المقابله قبل اسبوع واخذت معاي كشف حساب اخر 3 شهور + شهادة بنكيةة بس الموظفة طلبت مني كشف الحساب حق 3 شهور واهم شي يكون فيها سحوبات وحولات مصرفيةة وتمشي الامور باذن الله
وسوؤالك عن انك متخرج من 7 سنوات انا متاكد راح يسألونك انا سألوني كم لك متخرج وقلت للموظف سنة .. قال وش عملت قلت ماعملت شي قال يعني جالس بالبيت
من طريقة سؤاله لي ما اعجبه الجواب ..
ف انت دبر لك عذر كويس وتمشي امورك باذن الله
بالتوفيق لك اخوي واي خدمه حاظرين ..
