تجربتي في استخراج الفيزا من قنصلية جدة في 3 ايام

السلام عليكم و رحمة الله و بركاته
اتمنى الجميع يكون بخير و عافية ،،،

تاريخ المقابلة: 3 رجب 1434 هـ .... 13 مايو 2013
تاريخ استلام الفيزا: 6 رجب 1434 هـ ... 16 مايو 2013
مدة الفيزا: 5 سنوات

حبيت افيد بتجربتي في اصدار الفيزا الامريكية من القنصلية بـ جده ،، فالبعض كان يخوف و يهول الامر و ان جده ملكعين و الرياض احسن .. لدرجة بغيت احجز و اروح الرياض خخخخ ،،

فقلت لازم افيد غيري بتجربتي و باللي صار ،، فـ لله الحمد و المنه و الفضل اولا و اخيررا تم اصدارها في خلال 3 ايام
طبعا رحت للسفاره انا و زميلي معيد معاي بالكلية ،، قد عندنا اي توني من احدى معاهد تكساس من 3اسابيع واصلنا .. و سوينا كل متطلبات الفيزا من سيفيس و سامبا الخ الخ ..
حجزنا موعد السفارة يوم الاثنين و كان الساعه 11 صباحا .. وصلنا السفارة 8 و نص تقريبا .. عادي دخلونا (فاللي حاجز قبل او بعد بكم ساعه يدخلوه عادي المهم نفس اليوم) .. صار تفتيش طبعا لكل شي
و الدخول فقط بالجواز و فلوس و متطلبات التقديم من اوراق ... باقي الاشياء يتم اخذها في الامانات كالمفاتيح او جوال او اي شي .. و يفضل تخلوه بالسياره ،،

يهمني في الموضوع كله .. المقابلة لان التفتيش و غيره مجرد اجراءات روتينيه ،،،
دخلنا جوا مكتب السفارة و تم اخذ الاوراق التالية فالاستقبال .. اخذت الحرمة

1- نموذج D-160
2- ايصال السيفيس
3- ايصال سامبا
4- الاي توني
و حطتهم داخل 5- الجواز .. و قالت هذه تسلمها المره الاولى وقت التبصيم

1- طلبت السجل الاكاديمي و 2- الضمان المالي .. و قالت هذه لما ينادو عليك للمره الثانية علشان المقابلة تعطيهم ،،

اخذت رقم و دخلت و كانت الصالة فللللل ملييانه ... بس مشى السرا بسرعه ... تقريبا انتظرت ربع ساعه و جا رقمي
رحت عند واحد هندي اخذ الاوراق الاولى (المكتوبة بالاحمر) و سألني:
what are you going to do in the U.S.?x .. (أيش راح تسوي فأمريكا؟)
جاوبته: I'm going to study (رايح للدراسة)
بعدين جلس يقلب في صفحات الجواز و قال في اي مدينة ولدت؟ .. و جاوبته.

بصمني الاربع الاصابع ييمين و يسار ثم الابهامين ،، وقال استريح حتى تسمع اسمك للمقابلة .. قلت اوك... جلست انتظرت تقريبا ساعه
و خلال هالساعة لعبت نفسيتي لان المقابلات كلها قدامي بعضها مسموع ... اللي طالبين الفيزا و اللي يسألوهم من ورا القزاز ،، فكنت اسمع اللي ينقاله فيزتك يبغالها شهر
و اللي اسبوع و اللي كمل اوراقك و تعال و كنت اسمع الاسئلة و احاول احضر اجوبه لها ...ألخ الخ
.
.
و لعب بنفسي اكثر موضوع الاسئلة اللي اسمعها و ين رايح و ليش و متى الدراسة .. عاد انا طلعت الاي توني و حفظت تاريخ بدء الدراسة ومتى تنتهي و كل شي
المهم لما جا اسمي ،،، رحت و انا مبتسسسم و شافني اللي بيقابلني و صار الحوار التالي (القنصل A .. و انا B)

A: morning .. how are you?x .. صباح الخير .. كيفك؟
B: morning .. fine .. thank you .. how are u?x .. صباح الخير .. تمام .. كيفك انت؟

A: fine .. so where are you going to study?x .. تمام .. فين رايح تدرس؟
B: Austin .. Texas .. أوستن .. تكساس

A: have u been to the states?x .. قد رحت امريكا؟
B: no ... لا.

A: great .. actually your visa is approved .. congratulations..! welcome to the united states of america
ممتاز .. في الحقيقة فيزتك تم الموافقه عليها .. مبررروك و حيااااك بأمريكا :D
B: Thank you .. thank you so much
شكرا .. شكرا جزيلاااا .. كثر خيرك خخ

A: you're welcome
حيااك ..

ثم سألني
A: who is paying for ur scholarship?x .. مين بيدفع مصاريف دراستك؟
B: king abdulaziz university .. جامعة الملك عبدالعزيز

A: Do you have a financial guarantee ?x .. معاك ضمان مالي؟
B: yes .. here it is .. ايوا .. اتفضل

اخذ الضمااان وجلس يطقطق ع الجهاز عنده ... و رجعه لي ثاني مره .. ولا طلب السجل الاكاديمي و لاشي
كنت بتلقف و اقول ما تبغاااه !! .. بس سكت :D

قال الف مبرروك و روح فيدكس ادفع .. و اعطاني الاوراق الاولى اللي سلمتها كلها ماعدا ايصال سامبا و الجواز .. و قال جوازك بيجلس عندنا .. و خلال اسبوع تستلمه من فيديكس
شكرته و مشييت دفعت الفيديكس و رحت ...

صاحبي معايا نفس الاوراق و كل شي لكن اللي سوت له المقابله طلبت السجل الاكاديمي وما كان معاه .. و اعطته ايميل و قالت له اول ما توصل بيتك ارسله لي
و فعلا ارسله و ردت عليه بوقتها انه وصل .. و صدرت فيزنا بيوم واحد و اليوم استلمناها من فيديكس
.
.


اللي احب اوصله بنهاية هالتجربة اللي كنت شايل همها ما يلي:

1- نصيحة لوجه الله لا تقروشو انفسكم .. و روحو و انتو مرتاحين و كلكم ثقه بالله انها بتتيسر
2- لاحد يرتبك .. وخلوكم سيييددا و الجواب كلمة و رد غطاها بدون سواااليف
3- الابتسامه و البشاشه مهمة جدا جدا .. لانها تحسس اللي قدامك انك شخص اووكيه :p
4- اللي ما يعرف يجاوب بالانجلش .. يجاوب عربي لان الكل يتكلم عربي فصيح
5- اللي يطلبوه اعطوه لاحد يتلقف و يقول ماتبغى هالورقة طيب تحتاج هالورقة .. هم ادرى باشغالهم
6- اللي داخل جده يشيل معاه 65 ريال حق فيديكس و اللي من خارجها 120 ريال
7- خذوا اوراقكم كاملة من (صورة السجل الاكاديمي - الجواز - الاي توني- ايصال السيفيس - سامبا - ورقة حجز الموعد - نموذج D160 - صور شخصيه مقاس 5×5 سم - الضمان المالي - تعريف راتب للموظفين)

اللي باللون الاحمر هذه اكيييد راح تطلب من الجميع و .. و قد يرجعوها و قد يحتفظوا فيها .. باقي الاوراق احتياط لان البعض يطلبها .. و اصلا راح يجيكم ايميل اخر الليل قبل الموعد بكل المتطلبات و ايش اللي راح يصير

مثل ما ذكرت قال الفيزا بتاخذ لها اسبوع .. و الحمدلله 3 ايام بالضبط .. المقابلة الاثنين .. و اليوم الخميس العصر استلمتها من فيديكس

و العذر كتبت الموضوع بسرعه بدون ترتيب xD .. اي استفسار حاضرين
و الله يوفقكم جميعا ويسهل لنا و لكم الدراسة برا و يتمم ع الجميع بكل خير ،،،

مبروك ... وانا قبلك بشهر ولسع ما طلعت وانا زيك على تكساس ومعيد ... الله يسهلها

ي رررب تتسهل امورك ،، و الله يبارك فيك

الف مبروككك .. وكويس انه صدرت في 3 ايام

انا من may1 ... في سفارة الرياض .. ومعاي ورقة صفراء

ولكن الحمدلله على كل حال .. وان شاء الله الفرج قريب

الله يوفقنا وياك ...

الله يفرج همك و يعينك و يسهل امرك ،، و ي رب تفرح فيها باقرب وقت :D

آول حاجة مبرووك آلف آلف آلف مبرووك .. وآبارك لك لاننا نعاني من ذا الفيزآ


ي طويل العمر آنا مثلك رايح لاوستن باذن الله


و الله العظيم كآنت اوراقي كآملة و ما علي شئ و اللي سوا لي المقابلة لبناني و قال مبرووك بس رآح تجيك بعد شهر

و اللحين كملت ثلآث شهور و زيآدة بس آتوقع التآخير لآجراءات آمنية لاني سافرت خارج السعودية


آمس تحدثت الفيزآ و ان شاء الله تصلني بالقريب العاجل


الله يسهل آمورك موضوعك رآئع لانه يساعد كثير من اللي بيسون مقابلة بالسفارة.. شآكر لك طرحك

يبارك فيك و يخليك ي رب ،، نتقابل هناك اجل :p
نصيب و ارزااق ،، و ي رب تبشرنا بوصولها قريبا ،، الله يكون بعونك و يصببرك :(

هههههههه ابشرك الحمد لله اليوم تغيرت الحاله الى issued يعني يوم و هي عندي باذن الله رب العالمين

الحمدلله ،، و الف مبرررروك والله .. توصل بالسلامة :D

ماشاء الله اول شئ الف ألف مبروووك وعقبال مانسمع انك وصلت بالسلامة أن شاء الله
ثاني شئ ممكن اعرف اش صورة السجل الآكاديمي