سياحية -- القنصل رجع جوازي وقال خلال شهر بنرسلك ايميل :(
السلام عليكم
اخذت فيزا طالب الصيف الماضي ودرست انجليزي لمدة 3 شهور والحمدلله طلعت الفيزا في 3 ايام وكانت الامور تمام.
الصيف هذا طالع مع العايلة لامريكا، فسويت موعد للفيزا السياحية والابليكيشن كامل وكل شي صحيح فرحت لموعدي في القنصلية في جدة (مع العايلة) وقابلنا القنصل، وسئلنا اسئلة بسيطة وواضحة (متى بتروحون؟، وين بتروحون(المدن)؟، وكم بتقعدون ؟، ومن الاسئلة هذي)
وفي اخر المقابلة قال الابليكيشن ابروفد، لكن فيز العايلة بتقعد اسبوع اما فهد (*ـ*) بتصدر خلال شهر قلنا اوك شكرا ومشينا وفي طريقي رايح للباب ناداني القنصل وقال خذ جوازك عشان اذا بغيت تسافر، وخلال شهر بنرسلك ايميل عشان ترسل لنا الجواز مع الورقة (صورة من الابليكشن حقي) وقلت اوك ومشيت (غلطان المفروض سئلته ليش!)
موعدي كان في 6-5-2013 موعد رحلتنا في 7-6-2013 والصراحة خايف ما تطلع الفيزا قبل موعد السفر :(
في الابليكيشن حقي كتبت عودتي في 20-8-2013 لاني كنت ابقعد هناك اكمل انجليزي، لكن هونت وابرجع مع العايلة، فهل اقدر اغير الابليكيشن بعد ما خلصت المقابلة ؟
احد قد صار له نفس موقفي وطلبوا الجواز في اقل من شهر ؟
رد: سياحية -- القنصل رجع جوازي وقال خلال شهر بنرسلك ايميل :(
ماتقدر تغير الابلكيشون بعد المقابلة ، سبب التأخير هو الاجراءات الادارية للتأكد انك ماخالفت قوانيين الهجرة او ماشابه خلال زيارتك الماضية لامريكا
رد: سياحية -- القنصل رجع جوازي وقال خلال شهر بنرسلك ايميل :(
اقتباس:
المشاركة الأصلية كتبت بواسطة nasa2009
ماتقدر تغير الابلكيشون بعد المقابلة ، سبب التأخير هو الاجراءات الادارية للتأكد انك ماخالفت قوانيين الهجرة او ماشابه خلال زيارتك الماضية لامريكا
شكرا على الرد، تتوقع بتطلع الفيزا قبل اجازة الصيف (6/7) ؟