ارجوكم ساعدوني ماحصل لي بالسفارة الامريكية بالظهران اليوم
صباح الورد على الجميع
تكفون قولي لي وش السالفة
اليوم كان موعدي ورحت السفارة
ودخلت لين المقابلة
قابلتني وحدةة تتكلم عربي
وقالت لي سافرة في الخمس السنوات الماضية قلت لا
قالت اشوف اوراقك عطيتها اوراقي
قالت خلاص بنرسل لك ايميل خلال اسبوعين نطلب جوازك
روح البيت وخذ الاوراق تبعك انتظر ايميل
سالتها فية سبب او شي
قالت لا هذي اجرائاتنا
مادري ياشباب احد صار معه هالموقف
مع العلم فية واحد قبلي سوى مقابلة وقالوا له رح فدكس
انا لية ماقالت لي روح فدكس وش السبب
هل هذا طبيعي روتين
تكفون فيدوني لااني متحطم
الله يفرجها
رد: ارجوكم ساعدوني ماحصل لي بالسفارة الامريكية بالظهران اليوم
لا تشيل هم .. مرافقي قالوا له نفس الشي .. قمة التوتر والقلق خفت يكون في مشكلة او انرفض .. بعد المقابله بأسبوع اتصلوا عليه وطلبو منه يرسل لهم الجوز فيدكس ..وأخر تحديث 28 مايو والمقابله 18 يعني مرت عشره ايام وصار له تحدثين .. بأذن الله مايطولون ويتصلون عليك
رد: ارجوكم ساعدوني ماحصل لي بالسفارة الامريكية بالظهران اليوم
اقتباس:
المشاركة الأصلية كتبت بواسطة هقاووي
لا تشيل هم .. مرافقي قالوا له نفس الشي .. قمة التوتر والقلق خفت يكون في مشكلة او انرفض .. بعد المقابله بأسبوع اتصلوا عليه وطلبو منه يرسل لهم الجوز فيدكس ..وأخر تحديث 28 مايو والمقابله 18 يعني مرت عشره ايام وصار له تحدثين .. بأذن الله مايطولون ويتصلون عليك
نقول الله يسمع منك ويستر هي قالت من اسبوع الى 6 اسابيع وقالت بنرسل ايميل ماقالت بنتصل يعني باقي مقابلة ثانية ولا خلاص مقبولة الفيزة تبعي وهل اروح السفارة مرة اخرى ولا شنو
رد: ارجوكم ساعدوني ماحصل لي بالسفارة الامريكية بالظهران اليوم
حتى مرافقي قالت له راح نرسل لك ايميل ولما يوصلك ارسل لنا الجواز من فتره تمتد من ثلاثه اسابيع الى اكثر .. لكن مثل ماقلت لك اتصلوا عليه جوال وماارسلوا شي على الايميل .. وفيه هنا عضوين اتصلت عليهم قنصليه جدة في نفس اليوم الي كلموا مرافقي فيه ... لا ماراح يكون في مقابله ثانيه ولا ترجع تقدم من جديد .. انتظر لين يكلمونك او يرسلون لك ايميل ويطلبون جوازك .. لانه مثل ماسمعت اذا طلبو الجواز معناته قربت تطلع التاشيره ..
مرافقي
المقابله 18 مايو
اتصلوا عليه يوم 24 يطلبون الجواز
يوم 25 صار تحديث له في الصباح قبل حتى مايوصلهم الجواز لانه ارسله لهم في المغرب فيدكس
يوم 28 أخر تحديث
والغالب ان فيزتك مقبوله لو مرفوضه بقولون لك من وقت المقابله ..
رد: ارجوكم ساعدوني ماحصل لي بالسفارة الامريكية بالظهران اليوم
اقتباس:
المشاركة الأصلية كتبت بواسطة الرجل الصامت
نقول الله يسمع منك ويستر هي قالت من اسبوع الى 6 اسابيع وقالت بنرسل ايميل ماقالت بنتصل يعني باقي مقابلة ثانية ولا خلاص مقبولة الفيزة تبعي وهل اروح السفارة مرة اخرى ولا شنو
كل اللي اقدر افيدك فيه ان اللي صار معك صار مع واحد من الشباب له اسبوع الأن وبنفس المكان مثلك قدّم وعلى كلامه ما وصله شي للحين لا هو ولا زوجته ، يعني بس حبيت اطمنك ماهو انت بس في غيرك ، متى موعد دراستك ؟ يمكن موعدك بعيد ولكذا صار معك ، مع العلم ان دراسته بعد شهر وكم يوم تقريبا
رد: ارجوكم ساعدوني ماحصل لي بالسفارة الامريكية بالظهران اليوم
اقتباس:
المشاركة الأصلية كتبت بواسطة Fares_1
كل اللي اقدر افيدك فيه ان اللي صار معك صار مع واحد من الشباب له اسبوع الأن وبنفس المكان مثلك قدّم وعلى كلامه ما وصله شي للحين لا هو ولا زوجته ، يعني بس حبيت اطمنك ماهو انت بس في غيرك ، متى موعد دراستك ؟ يمكن موعدك بعيد ولكذا صار معك ، مع العلم ان دراسته بعد شهر وكم يوم تقريبا
نقول الله يسمع منك
انا موعد دراستي 16/08/2013
يعني بعد شهرين وشوية
والله يااخي اتوقع علشان الدارسة بعيدة بس تعرف الي بيروح على الحساب الخاص لازم ياخذ موافقة من التعليم العالي واعتقد الموضوع بيطول علشان الفيزا بتتاخر شكل الدراسة بتروح علية
بس بااذن الله اي شي جديد راح اخبركم
وانت لو مرافقك وصلته الفيزا بهالسالفة خبرني وطمني
رد: ارجوكم ساعدوني ماحصل لي بالسفارة الامريكية بالظهران اليوم
مساء الخير للكل
انا اليوم صار لي نفس موضوعك سالوني كم سوال على الطاير وقالت لي خذ جوازك واوراقك وراح نرسلك ايميل...
\
ارجو من الاخواة الى صار لهم زي كذا واستجد شي معهم يعطونا خبر
الله يوفق الجميع
رد: ارجوكم ساعدوني ماحصل لي بالسفارة الامريكية بالظهران اليوم
الرجل الصامت
اذا صار معك شي جديد عطنا خبر
الله يسهل الامور ويكتب مافيه خير
رد: ارجوكم ساعدوني ماحصل لي بالسفارة الامريكية بالظهران اليوم
ترى ما نسيتك
سألت الرجال امس قال لاهو ولا زوجته جاهم تحديث بالحاله وللحين اجراءات اداريه ، لاحظ موعد دراسته قبلك هو الشهر الجاي وصار له يمكن 8 او 9 ايام ينتظر على حد كلامه
عليك بالصبر الله يبشرك قريب ويبشرني انا بعد بصدور فيزتي
رد: ارجوكم ساعدوني ماحصل لي بالسفارة الامريكية بالظهران اليوم
اقتباس:
المشاركة الأصلية كتبت بواسطة abdullah100101
الرجل الصامت
اذا صار معك شي جديد عطنا خبر
الله يسهل الامور ويكتب مافيه خير
ابشر من عيوني اذا صار شي جديد خبرتك
بس ترى كنت بعد المقابلة احاتي واقول مرفوضة
بس من طمنوني الشباب انها اجراءات ادارية
استعنت بالله
توكل بالله
- - - مشاركة محدثة - - -
اقتباس:
المشاركة الأصلية كتبت بواسطة Fares_1
ترى ما نسيتك
سألت الرجال امس قال لاهو ولا زوجته جاهم تحديث بالحاله وللحين اجراءات اداريه ، لاحظ موعد دراسته قبلك هو الشهر الجاي وصار له يمكن 8 او 9 ايام ينتظر على حد كلامه
عليك بالصبر الله يبشرك قريب ويبشرني انا بعد بصدور فيزتي
تسلم والله ياذووووق والله يبشرك بالفرج قريب
تنفرج ان شاء الله
لو صار شي طمنا ولو صار معي شي بخبركم طبعا