1 مرفق
الحمد لله حجزت موعد في الموقع الجديد
السلام عليكم
اليوم الحمد لله حجزت موعد للسفارة عن طريق الموقع الجديد .. وبذكر لكم اللي سويته باختصار ..
1- طبعا الخطوة الاولى تعبئة ds-160
2- تعمل لك حساب في الموقع الجديد..
Apply for a U.S. Visa | Home - Saudi Arabia (English)
3- تعبي الطلبات حتى توصل الى الدفع وتطلع لك صفحة فيها CGI reference number
وهذا الرقم هو اللي سبب القلق لاغلب المتقدمين .
اول شي هذا الرقم وظيفته شيئين :
# تكتبه بدل رقم الجواز في ايصال البنك .
# تستخدمه كرقم ايصال : طبعا راح تدفع المبلغ وما بتستلم اي رقم ايصال انما CGI reference number يعتبر رقم ايصال
بما اني دفعت امس ( يوم السبت ) كان ضروري ادفع في بنك سامبا .. رحت الفرع واستخدمت الايصال القديم اللي عندهم.
اليوم لقيت انهم حاطين خيارين للدفع اما عن طريق موقع سامبا ( نفس الطريقة القديمة) او عن طريق فروع بنك سامبا .
4- تنتظر ليوم ثاني بعد الساعه 11 الظهر ) طبعا ممكن تشيك قبل بس هذا اللي كاتبينه في موقعهم وانا ما حاولت قبل هذا الوقت) ، وبعدها تدخل على حسابك في الموقع الجديد وتدخل رقم الايصال = CGI reference numbe وبكذا ا تقدر تاخذ موعد .
في الاخير اعذروني على الموضوع الحوسة .. كنت اتمنى انزل موضوع مرتب بس ما عندي وقت وعارفه انه الكل يبغى يحجز موعد باسرع وقت ممكن .
طبعا المشكلة اللي واجهتني اني مقدمة على فيزتين .. انا وابني .. لذلك كنت محتارة في طريقة الدفع هل ادفع كل شخص في ايصال مختلف ولا اثنينا في ايصال واحد .. خاصة انه عندنا CGI reference number واحد ..في النهاية دفعت في ايصال واحد .. والحمد لله مشت الامور ..
طبعا اللي بيدفع رسوم الفيزا لشخص واحد .. ابدا ما عنده مشكلة
ارفقت لكم صورة من الايصال اللي عبيته..
موفقين ان شاء الله ..
دعواتكم لي بالتوفيق ..
تحديث :
انا الحمد لله مشت الامور ووصلني مسج من ارامكس يوم الخميس باستلام الجوازات .. كانت مقابلتي في اول يوم فتحوا فيه السفارة يوم الاحد 25-8
اللي حبيت اقوله انه كل الموظفين في السفارة دققوا شوي على الوصل حقي لاني دافعه فيه لشخصين .. وهو مفروض يكون ايصال لكل شخص بنفس ال CGI .. لذلك حبيت اوضح الموضوع لكم ..
رد: الحمد لله حجزت موعد في الموقع الجديد
يعطيك العافيه ماقصرتي وصحيح كل كلامك
رد: الحمد لله حجزت موعد في الموقع الجديد
جزاك الله خير على الشرح ،، انا سددت اليوم يعني بكرة بنفس الوقت احط رقم المرجع ؟
لأني جربت تو وقال لي الرقم خطأ ، الشيء الثاني متى اقرب موعد موجود ؟
رد: الحمد لله حجزت موعد في الموقع الجديد
ياجماعه الخير من فين اجيب رقم الايصال
رد: الحمد لله حجزت موعد في الموقع الجديد
انا موعدي لشخصين ورفعت بايصالين مختلفين كل واحد ٦٠٨ ريال بنفس CGI NO.
هل كذا دفعتي ؟؟؟
رد: الحمد لله حجزت موعد في الموقع الجديد
ياالله تيسرها ..
إجازتي أقل من شهر باقي لها وابي اخوي يرجع معي وانقلبت الموازين .. حست ومافي وقت , ولي يومين ادور لي مكتب يضبط لي الامور ومب لاقيه , أدري ان المسألة سهلة وماتحتاج بس اللي ماهو فاضي وماعنده مؤهلات ايش يسوي .
اللي يعرف أحد يسوي لي هالشغلة ومضمون لايبخل علي بِه .
الله ييسر أموركم جميعاً .
رد: الحمد لله حجزت موعد في الموقع الجديد
اقتباس:
المشاركة الأصلية كتبت بواسطة mjafe
جزاك الله خير على الشرح ،، انا سددت اليوم يعني بكرة بنفس الوقت احط رقم المرجع ؟
لأني جربت تو وقال لي الرقم خطأ ، الشيء الثاني متى اقرب موعد موجود ؟
بكرة حاول بعد الساعه 11 الظهر ..وحط رقم المرجع نفسه ..
اقرب موعد اعتقد 26 اوغست .. لاني حجزت اخر موعد يوم 25 اوغست..
بالتوفييق
رد: الحمد لله حجزت موعد في الموقع الجديد
اقتباس:
المشاركة الأصلية كتبت بواسطة سلورة
ياجماعه الخير من فين اجيب رقم الايصال
رقم الايصال هو CGI reference number الموجود في U.S. VISA APPLICATION FEE DEPOSIT SLIP-قسيمة إيداع رسوم طلب التأشيرة إلى الولايات المتحدة الأميركية
رد: الحمد لله حجزت موعد في الموقع الجديد
اقتباس:
المشاركة الأصلية كتبت بواسطة طبيب عازب
انا موعدي لشخصين ورفعت بايصالين مختلفين كل واحد ٦٠٨ ريال بنفس CGI NO.
هل كذا دفعتي ؟؟؟
انا دفعت انا وابني في ايصال واحد .. لانه عندنا نفس CGI NO ... واعتقد ما بيفرق سواء دفعت في ايصال واحد او اكثر لانه بيوصل السفارة بنفس CGI NO.
رد: الحمد لله حجزت موعد في الموقع الجديد
احنا 4 اشخاص.....و نفس ما قالو الشباب عندنا CGI واحد فية مجموع 4 اشخاص....
تواصلت مع السفارة و اكدو لي ان وضعي صحيح و يجب ان استخدم رقم واحد في البنك
رحت للبنك و رفض الموظف بس قلت لها سوها برقم واحد و انا المسؤول ....المهم دفعت بوصل واحد و رقم واحد
المصيبة انو لما رجعت للموقع و دخلت الرقم للاربع اشخاص الموقع قبل شخص واحد و رفض الباقي و من يومها و انا اخذ و اعطي مع السفارة و ما في فايدة..