الرجاء المساعدة في رسوم الفيزا
السلام عليكم
قمت بتسديد رسوم الفيزا عن طريق سامبا اون لاين ولكن لايقبل معي في استكمل البيانات دايم يقول لي
( لايمكن العثور على سجل صالح الرقم الايصال الذي تم ادخاله يرجى من صحة رقم الايصال الخاص بك ومن انك قمت بدفع المبلع الصحيح للحصول على التاشيرة التي تقدمت اليها )
هل تم ايقاف التسديد عن طريق الانترنت
جربت بكل شي رقم الايصال رقم التفويض رقم الطلب رقم المرجع
هل هناك مشكله في التسديد عن طريق سامبا الرجاء المساعدة
رد: الرجاء المساعدة في رسوم الفيزا
وعليكم السلام ورحمة الله وبركاته
انتظر للغد وكل امورك طيبة ،، هذا اللي حدث معي الاسبوع اللي طاف ، وبعد اكمال 24 ساعة ، تم قبول الرقم وحجز الموعد بكل سهولة
رد: الرجاء المساعدة في رسوم الفيزا
الاسف ياخوي انا من الجمعة مسدد وقلت 48 ساعة ويتفعل والحين لي اكثر 3 ايام الرجاء العلم ان السديد عن طريق سامبا اون لاين وقد تم حالة الطلبيه مقبول
رد: الرجاء المساعدة في رسوم الفيزا
اتوقع انه التفعيل يكون في اوقات الدوام الرسمي
جرب ادخل ارقام التفويض العشرة ، وان ما نفع جرب رقم الجواز ،،
وان شاء الله يمشي الحال معاك
رد: الرجاء المساعدة في رسوم الفيزا
والله جربت كل شي ما زبط حاول التواصل معاهم ما في فايدة من كل النواحي
رد: الرجاء المساعدة في رسوم الفيزا
DhahranNIV@state.gov
جرب التواصل معاهم اذا كان في قنصلية الظهران
او تواصل معهم عن طريق تويتر على @USEmbassyRiyadh
رد: الرجاء المساعدة في رسوم الفيزا
اخوي انا اللحين طايح في نفس المشكله بالظبط يوم الجمعه دفعت عن طريق اون لاين وكنت مبسوط وخلاص داخل احجز موعد واحط رقم الايصال اللي طلعلي والا يقولي خطأ ومادري ايش سويت نفس اللي انت سويته جربت كل الارقام وكل شي ممكن وانتظرت لين ثاني يوم السبت نفس الشي مافي شي صار . رحت الاحد البنك الموظف قاللي لازم تعيد الدفع لانه الدفع فقط عن طريقنا وقاللي حط رقم الCGI مكان رقم الجواز المهم دفعت للمره الثانيه وجربت نفس الشي ماظبط رجعت للموظف حق البنك وكنت متنرفز منه اقوله خليتني ادفع مره ثانيه وماظبط وانا اللحين دافع مرتين قالي على مسئوليتي 24 ساعه انتظرت 24 ساعه ونفس المشكله النحس راكب في الموضوع كلمت موظف في السفاره ووعدني انه بكره الساعه 11 راح يتفعل وا>ا ماتفعل ارسلنا الايصالين على الايميل وانشاء الله بتظبط ,, القلق مميت فعلا .. خصوصا موعد السفر قرييييب
أتمنى من ادارة الموقع تنبيه الناس ماحد يدفع عن طريق الاون لاين عشان لايصير في نفس ماصار معانا
رد: الرجاء المساعدة في رسوم الفيزا
شكراً لك اخي
انا راح انتظر الى الساعة 11 وبعدين راح اكلم السفارة بس المفروض يكون في موضوع مثبت عشان لا احد من الاعضاء تصير معاه المشكله المشكله غير مسترد
رد: الرجاء المساعدة في رسوم الفيزا
انا من 27 اوغست دافع و الى يومك هاذا مب راضي يحجز موعد 👎
رد: الرجاء المساعدة في رسوم الفيزا
شباب
تم التواصل مع السفارة وحجز الموعد لا احد يدفع مرتين انا دافع عن طريق سامبا اون لاين والحين تاكد معي الموعد
شكراً لكم