رفض السفارة .

السلام عليكم ورحمة الله .
الاسبوع الماضي قدم اخي على فيزا سياحية ، بحيث يجي مرافق معي ، علماً بأني مبتعثة سابقة وكان معاي الوالد ، المهم ان السفارة رفضته بحجة انه مافيه سبب وداع ان راح يرجع مرة ثانية للبلد ..
هو فعلاً مب في وظيفة والمتكفل برحلته كتبت الوالد وكشف حساب للوالد ..
ممكن يكون الخطأ مني او ماادري .. لأني مااعطيته اي ورقة تدل انه راح يكون مرافقي ومحرمي وانه هذا السبب الي من اجله طالع .
يعني يوم قاله القنصلي ليه طالع قال زيارة لخواتي هناك ، فقاله خواتك ايش يعملوا ؟ فقاله دراسة .
قاله : بما انك هنا عاطل عن العمل مافيه سبب قوي انه راح ترجع .. واعطاه اوراقه بأكملها .
انا اقول لو قلت له اني طالع مرافق معهم بدال الوالد ، ولان نظام الدولة هنا مايسمح بخروج المرأة الا بمحرم ويجيب لهم شروط الوزارة مايكون سبب قوي يقبلونه ؟
ولا خلاص ماله داعي الحوسة من جديد على الفاضي ؟
ايضاً لو يعيد الموعد من جديد ، وش برايكم ياخذ اوراق زيادة ؟ يعني اوراق تدل اني مبتعثة ولازم محرم و كذا ؟
مره مدري من وين اجيبها وحايسة حوس .
ايوه ايضاً سامبا لازم سداد جديد ولا يكفي الاول ؟
الله يجزاكم خيير وييسر امورنا جميعاً .


( تمت المشاركة باستخدام تطبيق مبتعث )

السلام عليكم

اولا اذا انتي مبتعثه عطيه الاوراق يروح مره ثانيه عطيه ورقه الابتعاث حقتك ويروح فيها وانشالله خير


اما عن السيفس كثر الكلام فيها حالة اخوي نفس كذا راح عليه قدم مره ثانيه على السيفس مره ثانيه

انا اشوف انه يدفع مره ثانيه لان الرفض يروح المبلغ


( تمت المشاركة باستخدام تطبيق مبتعث )

في عوامل مهمة ربما ادت الى رفضه

- عدم وجود وظيفة لديه او مايدفعة الى العودة الى بلده ، طبعا حاليا صعب يغير كلامه بعد ماقال انه كان عاطل في الماضي وكذلك ليس لديه دخله الخاص به .
- الاجابة على الاستمارة بشأن مدة الاقامة في امريكا اذا كتب انه بيقعد اكثر من 6 اشهر راح يتم رفضه لان الفيزا السياحية ليست للمرافقة لكن للزيارة المؤقتة ، ونفس الشي في المقابلة الشخصية . ونصيحتي ان يقول بانه رايح لشهر واحد وبعده را ح يرجع ، لانه في كل الاحوال سيمنح اقامة 6 اشهر في الاغلب عند دخوله .
- اذا قلت لهم انه راح يرافقك طوال فترة دراستك وهو بفيزا سياحية ، ورغم ان الموظف القنصلي يعلم بوجوب وجود محرم سيظطر الى رفض منح الفيزا ، الموظفيين يمشون حسب الانظمة .

لذلك خليه يقدم مرة اخرى ، وطبعا بما انه رفض يسوي كل شي من جديد مثل المرة الاولى ، ومن الافضل ان يقدم على فيزا دراسية ليدرس بدوام كامل يكون افضل لان مرافقته لفيزا سياحية وجع راس.

اذا كان يقدر يجيب تعريف من مؤسسة انه شغال فيها وراتبه فيها عالي شوي مع كشف حساب فيه مبلغ محرز ، ان شاء الله تتسهل اموره ..