هل أنـا ملزم بموعد من نفس سفارة جدة !؟ + باقي 12 يوم عالرحله !

أخواني , السلام عليكم ورحمة الله وبركاته ..

عندي إستفسارين :

1- حاب أسأل هل يجب علي إني أحجز موعد في سفارة جده اللي أنـا أخترتها في نموذج D-160 ؟ ولا عادي أحجز أقرب موعد سواءا في الرياض أو الظهران أو جدة ؟؟؟

2 رحلتي يوم 17 أكتوبر ! بعد 12 يوم تقريبا , تتوقعوا أقدر أخلص أمور الفيزا ولا أأجل الرحلة أفضل ؟!؟

وعليكم السلام

تقدر تختار اي مكان بخصوص المقابله بس اهم شي DS160 يكون نفس مكان المقابله

يعني اذا بتغير المكان لازم تعبي نموذج DS160 جديد بالمكان الجديد وتغير الباركود في صفحه الموعد

ان شاء الله يمديك

بالتوفيق

اقتباس:

---

المشاركة الأصلية كتبت بواسطة ziad7727

وعليكم السلام

تقدر تختار اي مكان بخصوص المقابله بس اهم شي DS160 يكون نفس مكان المقابله

يعني اذا بتغير المكان لازم تعبي نموذج DS160 جديد بالمكان الجديد وتغير الباركود في صفحه الموعد

ان شاء الله يمديك

بالتوفيق

---

أعبي D-160 من جديد !!!! ما يمديني أعدّل على القديم !!!!؟

وش صار معك ياخوي

باقي إلى الآن !

رقم السي جي آي خلاص تم تفعيله لكني أواجه مشكلة في الموقع وماني قادر أدخل وأشوف المواعيد ! الظاهر المشكلة عامه لأني جربت على أكثر من جهاز

بأشوف لو فيه موعد قريب في جدة إن شاء الله ,

ولو كان أقرب موعد في الرياض ! لسى ما جاتني إجابة هل أقدر أحجز في الرياض ولا لا !!

اخوي مازن

اذا سويت سبمت ل نموذج DS160 مايمديك تعدل لازم جديد عشان يتغير رقم الباركود

وتقدر تغير موعدك وين ماتبي بس لازم DS160 يكون نفس منطقه المقابله

موفق

وفيه شغله اذا غيرت النموذج روح لصفحه المواعيد تحصل في الخيارات تحديث الملف ادخل عليه وغير رقم النموذجDS160 اذا كنت حاجز علي القديم

خلاص الحمدلله , دخلت الموقع قبل شويه وأشتغل وحجزت موعد ..

لقيت موعد في جدة يوم الإثنين 30 سبتمبر , بعد 4 أيام إن شاء الله .. اللهم لك الحمد ..

يعطيك العافيه أخ زياد ,, الله يسعدك ياغالي .. وماقصروا باقي الآخوان , الله يرضى عليكم ..

بس عندي مشكلة الآن !!! إذا جيت أطبع الورقه حق الموعد يتحول الكلام الغربي بالمقلوب زي كذا يعني ..

كلمة السلام عليكم تصير ( مالسلا مكيلك ) !!!!!!!! كل الورقة كذا مقلوبة .. !!

اقتباس:

---

المشاركة الأصلية كتبت بواسطة مازن السيود

بس عندي مشكلة الآن !!! إذا جيت أطبع الورقه حق الموعد يتحول الكلام الغربي بالمقلوب زي كذا يعني ..

كلمة السلام عليكم تصير ( مالسلا مكيلك ) !!!!!!!! كل الورقة كذا مقلوبة .. !!

---

ما راح يطلعوا المكتوب ،، راح ينسخ المعلومات عن طريق البارا كود فقط