الأعضاء الإشتراك و التسجيل

الملتقيات
ADs

تغيير المرافق ممكن بعد السفر ؟/ كيف اعطي الملحقيه خبر انه رايحه اجازه للسعوديه ؟

تغيير المرافق ممكن بعد السفر ؟/ كيف اعطي الملحقيه خبر انه رايحه اجازه للسعوديه ؟


NOTICE

تنبيه: هذا الموضوع قديم. تم طرحه قبل 1577 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية @ريهام@
    @ريهام@

    مبتعث مجتهد Senior Member

    @ريهام@ الولايات المتحدة الأمريكية

    @ريهام@ , أنثى. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى E , بجامعة الآداب
    • الآداب
    • E
    • أنثى
    • ----, -----
    • السعودية
    • Oct 2009
    المزيدl

    September 26th, 2013, 07:00 AM

    مسساء الخير

    راح اطلب تغيير مرافق بعد اجازة الكريسماس لانه برجع السعوديه واتزوج وبيكون زوجي هو مرافقي ان شاء الله
    حابه اعرف وش الخطوات اللي لازم اتبعها من الحين حتى ما تستقعد لي الملحقيه وترفض تغيير المرافق بعدين لا قدر الله خصوصا انه عندي مشرفه حاقرتني بشككل
    اول شي ببدأ فيه انه اطلبهم يكون ضمان مرافقي يغطي ثلاث شهور بس من دراسته
    وش فيه غير ذي الخطوه لازم اسويها من الحين ؟؟ تغيير المرافق سهل او صعب بعد السفر؟؟ اللي عنده/ـا خبره ياليت تعطيني الخطوات بالتفصيل
    اطلب تغيير المرافق بعد ما اجيب له قبول بمعهدي ولا بعد عقد القران ؟
    انا لسى مبتعثه جديده وما كملت شهر وبرجع السعوديه باذن الله في اجازة الكريسماس على حسابي
    سمعت انه لازم اعطي الملحقيه خبر قبل السفر فـ ابي اعرف كيف اعطيهم خبر ومتى ؟؟ مشكله اذا كنت لازم اكلم مشرفتي لانها ما ترد لا ع اتصالات ولا ايميلات واذا ردت تنافخ

    معتمده على الله ثم عليكم
  2. تغيير المحرم أمره بسيط أختي ..

    راجعي هذا الرابط : طھط؛ظٹظٹط± ط§ظ„ظ…ط*ط±ظ…

    طبعا التغيير لابد يكون بعد عقد القران ..

    كل اللي عليك تسوينه .. تجيبين له قبول .. ثم بعدها هو يخلص اجرائات الفيزا على القبول اللي جبتيه له ..
    بعد ماتطلع الفيزا .. يرجع معك لامريكا .. وترفعين طلب تغيير مرافق بالاوراق المطلوبه ..
    لان وجود المرافق معك في مقر الدراسه شرط اساسي بقبول الطلب ..

    وان شاء الله الامور تمشي معك ..

    بالنسبه لمسألة تعطين الملحقيه خبر ..
    اذا كنتي بتنزلين في اجازة الكريسميس .. وبتكون هذي اجازه رسميه من معهدك ..
    فمايحتاج تعطين الملحقيه خبر .. مادام امورك ماشيه بالملحقيه ..
    سافري وارجعي قبل وقت الدراسه .. واشتغلي على مسألة المرافق بعد ماترجعين انتي وزوجك ..

    هذا والله اعلم ..,
    7 "
  3. المشكله ما اقدر ارجع امريكا الا بمرافقي (زوجي ) عشان كذا ابي اسوي تغيير للمرافق ع بال ما تطلع فيزته
    يعني ابي اطلب التغيير وانا باقي بالسعوديه
    اخوي يالله بيكمل معاي للاجازه وبيجلس بالسعوديه
    ينفع اغير المرافق بالسعوديه وهو لسى ما طلعت له فيزا ؟؟
    الضمان المالي لازم اقول لهم انه ابيه يغطي 3 شهور بس ؟
    هذا الكلام من الرابط اللي فوق

    . لا يتم تغيير المحرم إذا كان المحرم السابق لديه ملف كمرافق وتم صرف رسوم دراسية له

    للفصل الذي سيتم به تغيير المحرم إلا بعد مرور الفصل الدراسي.
    7 "
  4. المشاركة الأصلية كتبت بواسطة @ريهام@
    المشكله ما اقدر ارجع امريكا الا بمرافقي (زوجي ) عشان كذا ابي اسوي تغيير للمرافق ع بال ما تطلع فيزته
    يعني ابي اطلب التغيير وانا باقي بالسعوديه
    اخوي يالله بيكمل معاي للاجازه وبيجلس بالسعوديه
    ينفع اغير المرافق بالسعوديه وهو لسى ما طلعت له فيزا ؟؟
    الضمان المالي لازم اقول لهم انه ابيه يغطي 3 شهور بس ؟
    هذا الكلام من الرابط اللي فوق

    . لا يتم تغيير المحرم إذا كان المحرم السابق لديه ملف كمرافق وتم صرف رسوم دراسية له

    للفصل الذي سيتم به تغيير المحرم إلا بعد مرور الفصل الدراسي.
    السلام عليكم كل شي موضح بالرابط تقريباً
    ماتقدرين تغيرين المرافق الا اذا جاء لامريكا لانه لازم اختام الدخول والفيزا والـ i-94

    الخطوات:
    بعد مايطلع الفيزا وتخلصون كل شي تسافرين انتي وزوجك لامريكا
    واذا سافرتي لامريكا تطلبين عن طريق البوابه طلب تغيير مرافق من اخ لزوج
    وان شاء الله راح يوافقون طبعاً لاتنسين تقولين لزوجك المستقبلي "الله يتتم بينكم ويرزقكم بالولد الصالح" انه يسوي برنت من الاحوال اذا كان متسبب او ماعنده اي شغل يربطه واذا كان موظف يجيب الورقه اللي تثبت انه متفرغ


    . لا يتم تغيير المحرم إذا كان المحرم السابق لديه ملف كمرافق وتم صرف رسوم دراسية له
    المقصود هنا انه الملحقيه ما تدفع لمرافقين اثنين بوقت واحد "كمحرم"
    على سبيل المثال اذا كان اخوك بيدرس الفصل الجاي على انه مرافق لك ماراح يدفعون التكاليف الدراسيه لزوجك لحد مايخلص اخوك الفصل الدراسي وبعدها يبدون يدفعون التكاليف بعد ما تشيلين اخوك من "المحرميه"
    7 "
  5. طيب ممكن يلغون علي البعثه لو طولت وما رجعت امريكا بعد اجازة الكريسماس؟؟
    لانه ما بيكون عندي مرافق وقتها ولازم انتظر لين تطلع فيزة زوجي واخوي ما يبي يرجع امريكا


    الله يجزاكم خير عارفه اسئلتي كثيره بس ما اعرف احد ممكن يرد علي
    7 "
  6. اذا مدة الاجازه فوق الشهرين تقدرين تسوين طلب تأجيل بعثه واجراءاتها كثيره
    راح يوافقون لك اذا كان الغرض من التأجيل الزواج
    لكن حطي فبالك بعد العوده من التأجيل الاجراءات تاخذ وقت خصوصاًِ للمرحله الاكاديميه
    اذا مر ست اشهر وانتي بالسعودية وماقدمتي طلب تأجيل يفصلونك من البعثه

    اذا زوجك بيقدم من الحين على الفيزا والقبول
    راح يرجع معك بالكرسمس لان تقديم الفيزا ماياخذ اسبوعين اذا كان معه القبول والاي توني وكشف الحساب
    ان كان بيقدم على الفيزا كأنه بيروح على حسابه الخاص


    لو انا في موقف مثل زوجك زوجك اللي راح اسويه اني اقدم على المعهد اللي زوجتي تدرس فيه فيه وبعدها اجيب كشف حساب او ضمان مالي من البنك على اني ابروح على حسابي الخاص
    وبعد ما اسافر لامريكا مع زوجتي اخليها تغير المرافق عن طريق البوابه لان اخوها يصير خلاص ماراح يدرس وما تم الدفع للفصل الدراسي اللي راح يتم تغيير المرافق فيه
    وبعد مايغيرون المرافق اطلب ضمان مالي من الملحقيه واصير طالب منتظم على حساب الملحقيه بحكم اني مرافق او محرم لزوجتي

    طبعاً هذا اذا كنت ابي ادرس فل تايم
    7 "
  7. المشاركة الأصلية كتبت بواسطة hayway
    اذا مدة الاجازه فوق الشهرين تقدرين تسوين طلب تأجيل بعثه واجراءاتها كثيره
    راح يوافقون لك اذا كان الغرض من التأجيل الزواج
    لكن حطي فبالك بعد العوده من التأجيل الاجراءات تاخذ وقت خصوصاًِ للمرحله الاكاديميه
    اذا مر ست اشهر وانتي بالسعودية وماقدمتي طلب تأجيل يفصلونك من البعثه

    اذا زوجك بيقدم من الحين على الفيزا والقبول
    راح يرجع معك بالكرسمس لان تقديم الفيزا ماياخذ اسبوعين اذا كان معه القبول والاي توني وكشف الحساب
    ان كان بيقدم على الفيزا كأنه بيروح على حسابه الخاص


    لو انا في موقف مثل زوجك زوجك اللي راح اسويه اني اقدم على المعهد اللي زوجتي تدرس فيه فيه وبعدها اجيب كشف حساب او ضمان مالي من البنك على اني ابروح على حسابي الخاص
    وبعد ما اسافر لامريكا مع زوجتي اخليها تغير المرافق عن طريق البوابه لان اخوها يصير خلاص ماراح يدرس وما تم الدفع للفصل الدراسي اللي راح يتم تغيير المرافق فيه
    وبعد مايغيرون المرافق اطلب ضمان مالي من الملحقيه واصير طالب منتظم على حساب الملحقيه بحكم اني مرافق او محرم لزوجتي

    طبعاً هذا اذا كنت ابي ادرس فل تايم

    أخوي هاوي وي أجابك بكل نقطه وماقصر .. نفع واستنفع !
    وحبيت أضيف ايضا على النقطه التي ذكرها اخوي هاي وي ..
    وهي أنه لن يتم فقط إنهاء بعثتك .. بل سيتم إلغاء الفيزا أيضا !

    فالمده المسموحه لحامل فيزا F1/F2 خارج الولايات المتحدة هي 5 أشهر ..
    اذا أتمم هذه المده .. أُلغيت الفيزا !
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.