إجراءات إصدار الفيزا , اللي حصل معاي , ( بدون مكتب )

الكشف بالنسبة للي فيزة سياحية سمعت ضروري والله اعلم

هو كشف الحساب شي ضروري ووجوده مستحسن عشان الواحد يضمن إن كل شي كامل , لكن نقول إن شاء الله إن الضمان المالي يكفي لو كان الكشف مو موجود ..

اخ مازن الله يجزاك الف خيير اخيرا شفت موضوع يساعدني

هذا الشي اللي يسعدني والله , كل اللي أبغاه إني أفيد ناس ( أنـا مرّيت بتجربتهم وكنت أحتاج أحد يفيدني ولقيت اللي فيهم الخير ) الحمدلله ..

الحين ممكن تخبرني اش المعلومات غلي احتاجها من النموذج للسفارة عشان اسأل المكتب عنها ياليت تذكرها لي اذا ممكن

حاولي تسأليهم عن مدة البقاء في أمريكا , وعن المتكفّل بالدراسة والمدينة وإسم المعهد , ( تقريبا نفس الأسئلة اللي كتبتها في الموضوع ) هي أهم شي وغالبا يسألوا عنها ..

وهل السفارة حتقارن بين الاجوبة حقتنا وبين الاجوبة المكتوبة بالنموذج

مو مقارنة , لكن نقدر نقول أهم شي ما يكون في أشياء متناقضة بشكل كبير , مثلا يكون مكتوب في النموذح ( سبب السفر إلى أمريكا : الدراسة , وفي المقابلة نقول أن سبب السفر مثلا البحث عن عمل ) هذي الأشياء اللي يدوّروا عليها ,, التناقضات الكبيره تقريبا ..

وهل صحيح سفارة الرياض افضل من جدة احنا اخدنا جدة قالو الرياض افضل هل صحيح

والله سمعت الكلام هذا , لكن الحمدلله , مقابلتي كانت في جدة ومافي أحلى منها الحمدلله وكل الأمور أتسهلت ولا جلست في السفاره إلا نص ساعه أو 40 دقيقه بالكثير ,

الحين ورقة تأكيد الموعد ورقة واحدة مكتوب بالاول اسمي فقط ونوع فيزتي
بعدين تححت في باركود مكتوب اسمي وتحته اسم اخوي المرافق لكن اخوي مو مكتوبة نوع فيزته انها سياحية هل الورقة صحيحة

إيوا إن شاء الله كل شي صحيح , لكن إتأكدوا من المكتب عشان كل شي يكون واضح عن فيزت أخوكي هل حطوها سياحية ولا دراسة ؟ للتأكد بس ..

اسسسسفة ع كثرة الاسئلة والله يجعله في ميزان حسناتك

تسلم يغالي ماتقصر
وانشاء الله مايطلبوه .. وعلي فكره موضوعك افادني جدا

الله يسعدك ياغالي , وما عملت إلا الواجب

وسوآل لاهنت
بالنسبه للشهاده الثانويه , يبونها كلها ولا بس اخر سنه ؟ وصور ولآ اصل

مع الشكر الجزيل ياليت تردون علي الآن للضرورة الاي توني يحتاج اوقعه ؟ في السفارة عندهم اوقع عليه ولا قبل ما اعطيهم اياه ؟

الشهادة ما طلبوها مني , لكن لو طلبوها منك في المقابلة خلي عندك صورة لآخر شهادة حصلت عليها ,

وزيادة الخير خيرين (( لو )) أتوفر معاك الشهادات اللي قبلها سواءا اول ثنوي أو ثاني ثنوي جيب منها صورة ,, لكن أهم شي آخر شهادة لك ,,

وطمّني إيش يصير معاك إن شاء الله في المقابلة ,, وزي ما قلت للأخت سنيورة , مره لا تشيل هم , بس إتوكل على ربك وكل شي يتيسر الأمور جدا جدا سهله بإذن الله