استفسار استفسار عن اجراءات التفتيش عند مغادرة امريكا

وعليكم السلام
اصلا ماتدري هل هم يفتشونها او لا حتى لو انها من مطار داخلي صغير لان التفتيش يكون داخلي
سافرت من قريه لقريه ثانيه ويوم فتحت شنطتي لقيت فيها ورقه اعتذار لانهم فتشوا الشنطه بالمطار
كيف بالمدن الكبيره اكيد انهم بيفتشونها
واذا مسكوك في مطار السعوديه انت وحظك مع الجمرك بعضهم يمشيك ويصادر الممنوعات وبعضهم حجز
والتفتيش يكون تقريباً بكل مطار تنزل فيه لكن التفتيش القوي يكون عند مناطق الجمارك

مشكور اخوي على الرد

عاد تصدق خايف من جمارك السعودية اكتر من اللي هنا الله يكفينا شرهم الاثنين

مدري ليش يصادروا اشياء الدفاع عن النفس ولا كمان تقولي احتمال حجز لاسمح الله

الواحد يلقاها من مين ولا مين ههههه

وليش تاخذه معك ؟
اتركه بالسعوديه واذا جيت امريكا اشترلك واحد جديد ولا تحط نفسك في معمعه ومتاهات انت غني عنها !

لا ياخوي انا اشتريته من امريكا ورايح بيه السعوديه العكس يعني

اها .. ههههه اعذرني والله صرت اضيع من كثرة الاستفسارات ..

طيب .. هو ممكن يمشي عادي سواء مع العفش او غيره ..
لكن حتى لو مشى تتوقع مسموح فيه بالسعوديه ؟ ..
مثل هالامور عندنا بالسعوديه تعتبر اسلحه .. واي شي يجي تحت اسم "سلاح" فهو ممنوع !
حتى لو كان مسموح في دول ثانيه !

السعوديه لها نظامها الخاص !

عاد الله يكفينا شرهم انا خايف منهم مع انه بخاخ الفلفل مامنه ضرر وكويس للحريم

الصاعق الكهربائي معاهم حق يصادروه لانه خطير بس انا ما معاي منه بس بخاخ فلفل

والله شوف لو انت ناوي .. ماراح احد يقدر يفيدك بهالخصوص كثير لان مثل هالامور تعتبر حساسه جدا في الجمارك .. فبعض الجمارك يكون عندهم عادي وبعضهم لا !

لكن انت اذا خلاص ناوي .. حطها مع العفش واشحنها معك .. وتوكل على الله .. ولو فيه اي شي ماتوقع راح يسببون لك مشاكل بس يصادرونه !
لانه بخاخ فلفل .. ويعرفون انه حق دفاع عن النفس ..

المسدسات الصاعقة والصواعق ممنوعة في ولاية نييورك وبخاخ الفلفل ايضا ممنوع في نييورك ، يعني قد تواجه مشاكل انت تم اكتشافها .

اذا انت محظوظ مره مره مره الموظف بيمشيك
اذا انت محظوظ مره مره الموظف بيصادر بس البخاخ
اذا انت محظوظ مره الموظف بيصادر البخاخ وتوقع تعهد
اذا انت محظوظ الموظف بيصادر البخاخ مع الشنطه اللي فيها الاغراض وعلى مخزن الاتلاف يعني شنطتك وبخاخك راحوا عليك
اذا انت حظك نص ونص مصادره مع حجز فتره بسيطه وتوقيع تعهد
اذا ماعندك حظ حجز وماتطلع الا بكفاله غير المشاكل الثانيه

لا ان هذا اسمه تهريب ممنوعات لداخل السعوديه
واذا كان للدفاع عن النفس فالعصاء الكهرب للدفاع عن النفس برضو
صحيح انه فيه فرق لكن حتى بخاخ الفلفل تقدر تستخدمه للاعتداء مثله مثل اي سلاح ثاني