هل أحتاج فيزا جديدة بعد البقاء في السعودية أكثر من 5 أشهر؟

السلام عليكم ..

أنا كنت طالبة في جامعة كولورادو من 2012 إلى 2013 ، بس للأسف ما كملت ورجعت السعودية بعد قضاء سمسترين في أمريكا
المهم أنا صار لي أكثر من خمس شهور هنا في السعودية وناوية أرجع أمريكا ولكن إلى كوميونيتي كولج لأن الجامعة القديمة طردتني وقالت أن السيفس نمبر غير صالح للاستخدام!

الحمدلله جبت القبول والآي توني وصلني ووقعت عليه طبعاً وفعلت السيفيس نمبر بعد ما دفعت الرسوم
الحين أنا متحيرة هل أقدم على فيزا جديدة ولا عادي أروح بنفس الفيزا؟ علماً أن الفيزا ما انتهت لسة

وشكراً ..

حسب قوانين السفارة الامريكية: لابد من تغيير الفيزا طالما لم تدخلي امريكا خلال خمسة شهور .. لكن احيانا يتجاوزون في حال كان رقم السيفيس هو نفسه ..
وبالاول والاخير هي حسب موظف الجمارك وقت وصولك .. فـ الافضل لك تجددين الفيزا وان شاء الله تتسهل لك يارب

اقتباس:

---

المشاركة الأصلية كتبت بواسطة خالد القوي

حسب قوانين السفارة الامريكية: لابد من تغيير الفيزا طالما لم تدخلي امريكا خلال خمسة شهور .. لكن احيانا يتجاوزون في حال كان رقم السيفيس هو نفسه ..
وبالاول والاخير هي حسب موظف الجمارك وقت وصولك .. فـ الافضل لك تجددين الفيزا وان شاء الله تتسهل لك يارب

---

هلا أخوي خالد ، بالنسبة لكلامك فاللي أعرفه ومتأكد منه أن السيفيس نمبر يصير غير صالح إذا ما رجعت لأمريكا بعد أكثر من خمس أشهر ولازم سيفيس نمبر جديد وتدفع رسومه
بس اللي لاحس مخي هل الفيزا أيضاً تكون غير صالحة ولو أنها لسة ما انتهت؟

اذا بتغيبي عن امريكا لاكثر من 5 اشهر فالبتأكيد ستحتاجيين الى فيزا جديدة

من موقع وزارة الخارجية
Student Visa Validity Following a Break in Studies

اقتباس:

---

المشاركة الأصلية كتبت بواسطة nasa2009

اذا بتغيبي عن امريكا لاكثر من 5 اشهر فالبتأكيد ستحتاجيين الى فيزا جديدة

من موقع وزارة الخارجية
Student Visa Validity Following a Break in Studies

---

هلا أخوي ، والله أنا سويت أبحاث كثيرة بالنسبة لصلاحية الفيزا .. وعندي إشكالات حالياً بالنسبة لسالفة ال 5 أشهر .. اللي شفته من رابطك أن :
unexpired F-1 or M-1 visa by a returning student who has been outside the U.S. and out of student status for more than five months راح يعاقب
يعني فيه فرق بين أنك تكون خارج أمريكا لأكثر من 5 أشهر وأنك تكون غير طالب لأكثر من 5 أشهر ،

خلني أوضح كم نقطة في البداية :

- أنا سافرت من أمريكا إلى السعودية في شهر 6 (جون) . يعني أنا صار لي برى أمريكا تقريباً 5 أشهر
- - أنا تم طردي من جامعتي القديمة ومنعي من التسجيل لسمستر الfall 2013 إللي يبدأ في شهر 8 (أوغست) .

الزبدة أن أنا كنت Out of student status لـ 3 أشهر بس كنت Outside the US لـ 5 أشهر .. بعد ما تأكدت أن سمستر الصيف ما يحسبوه من الخمس أشهر اللي تعتبر فيه طالب وأصلاً هو غير إلزامي!
وبما أن أنا ناوية أرجع أمريكا مع نهاية شهر ديسمبر يعني ما بصير لي أكثر من 5 أشهر وأنا Out of student status بس بصير لي أكثر من 5 شهور Outside the US

فيا ريت اللي يعرف محامي أو واحد خبرة في هالشغلات يفيدنا ضروري!

علماً أن أنا قدمت على فيزا جديدة بس الأمور ما تبشر بخير لأنه اللي عمل معاي المقابلة سألني أسئلة كثيرة وطول معاي يمكن 10 دقائق وحاول قدر الإمكان أقنعه وتكلمت كثير بس عطاني الورقة الصفراء وقال لازم أرسل له درجاتي من جامعتي القديمة وبعدين هو بقرر إذا كانت درجاتي مرة سيئة ما بيعطيني أما إذا سيئة نوعاً ما فبيعطيني وأنا للأسف درجاتي سيئة جداً معدلي تحت ال1 .. أنا خايفة يطولون الإجراءات لأكثر من شهر ويخلون الجواز عندهم وما أقدر أسافر!!!!

وفيه قروب في الفيس بوك اسمه Saudis In USA تكلموا عن هالموضوع وناس أخذوا إجازة أكثر من 5 أشهر في السعودية ورجعوا أمريكا بآي توني جديد وسيفيس جديد بس اللي سووه دفعوا رسوم السيفيس ومشوهم لما وصلوا أمريكا وفيه ناس تقول لا مدام أنت برى أمريكا أكثر من 5 أشهر لازم فيزا وناس تقول ما يحتاج إذا فيزتك ما انتهت وعندك آي توني جديد وسيفيس جديد بشرط تدفع رسوم السيفيس فأمورك طيبة !

وأنا الحين متحيرة جداً وخايفة ومادري وشو أسوي!!!!!!!!!!

اذا قرأتي في الرابط اللي وضعته يقول فيه : ان ضابط الحدود والجمارك في المطار اذا اكتشف ان حامل فيزا الطالب اقام لاكثر من 5 اشهر خارج امريكا ، اما عن سيمستر الصيف بالنسبة لك اكيد يحسب لانه تم الغاء الاي 20 وبعد الالغاء لديك 14 يوم للمغادرة او التحويل الى مؤسسة تعليمية اخرى . فترة الصيف لاتحسب كاقامة غير شرعية اذا الاي 20 ساري المفعول وراح تكملي الدراسة بعد الصيف .

صراحة وضعك حرج ,ماادري ايش اقول . اذا ارسلتي الدرجات من الصعب ان يوافق خاصة ان درجتك منخفضة جدا ، لو مكانك اسحب الطلب واحول على دولة اخرى

اقتباس:

---

المشاركة الأصلية كتبت بواسطة nasa2009

اذا قرأتي في الرابط اللي وضعته يقول فيه : ان ضابط الحدود والجمارك في المطار اذا اكتشف ان حامل فيزا الطالب اقام لاكثر من 5 اشهر خارج امريكا ، اما عن سيمستر الصيف بالنسبة لك اكيد يحسب لانه تم الغاء الاي 20 وبعد الالغاء لديك 14 يوم للمغادرة او التحويل الى مؤسسة تعليمية اخرى . فترة الصيف لاتحسب كاقامة غير شرعية اذا الاي 20 ساري المفعول وراح تكملي الدراسة بعد الصيف .

صراحة وضعك حرج ,ماادري ايش اقول . اذا ارسلتي الدرجات من الصعب ان يوافق خاصة ان درجتك منخفضة جدا ، لو مكانك اسحب الطلب واحول على دولة اخرى

---

هلا أخوي ، على حسب علمي أن تم الغاء الآي توني أو بالأحرى تم إلغاء السيفيس نمبر في أوغست مع بداية سمستر الfall ، لأن أتوقع الطرد ما تفعل إللا مع بداية السمستر الfall
لأنه مكتوب لي في الموقع أن You have been disqualified for fall 2013 .. يعني لو نحسبها صح أن أنا كنت Ouf of student status من شهر أوغست أو من 3 أشهر

الحين أنا مادري هل إذا كنت Ouf of f-1 student status لأقل من 5 أشهر هل لازم أطلع فيزا جديدة ولا عادي أستخدم القديمة؟ وناس يقولوا ما يحتاج فيزا جديدة بل يحتاج فقط Reinstatement للفيزا القديمة!!

والله اسمحوا لي بس الموضوع لاحس مخي ومادري شنو أسوي! والدرجات رسلتها لهم وأنا في انتظار ردهم صار لي يومين بس

ما اقصده بال out of status هو اذا انت مقيمة في امريكا بعد الغاء الاي 20 وهذه المسألة قد تكون عائق ولكن بما ان الموظف القنصلي تغاضى عن هذا الشي اذا درجات جيدة ، اما الفيزا فهذه المسألة مفرغ منها ستحتاجيين الى فيزا جديد في كل الاحوال . يعني اذا بتسافريين بالفيزا الحالية سيرفضون دخولك هذا اذا ما ختمو عليها بانها ملغية من قبل السفارة سواء اعطوك فيزا جديدة او اذا رفضو .

انا اقووووول خلي املك بالله قووووووي وفوضي امرك له وسوي الصالح لك يعني حتى لو رسلتي لهم الدرجات هل راح يظرونك لا والله بس خلي املك بالله قوي وان شاء الله خير ياربي ...

بعد ما تعمقت في البحث طلع كلامكم صحيح أحتاج فيزا جديدة ..
عموماً أنا توكلت على الله وفوضت أمري بالله وأحسنت ظني بالله !
كل يوم أدعي ربي أن الله يسهل أمور الفيزا وتطلع في أسرع وقت وأسافر مع بداية السنة الجديدة!
وبإذن الله أنا واثقة أن الله ما بيخيب ظني وإن شاء الله تطلع وأسافر ،
شكراً للجميع :)

دعواتكم ...