استفسارات بخصوص الفيزا

السلام عليكم ورحمة الله وبركاته

شباب انا عندي اختي بتروح لامريكا بتدرس قبلوها البعثه وناويه هي و زوجها تروح ان شاء الله و عندها طفل عمره يمكن سنتين او ثلاث

المهم طلعت I-20 و خلصت امورها مع المعهد كله

بس عندي استفسارات بخصوص السفاره

الابلكيشن إلي لازم اعبيه هل هو DS-160 لاني عبيته انا كامل بس ما طلب مني اكتب مرافقين او اي شيء يعني عبيت النموذج كامل لها لكن جاء سؤال واحد فقط اكتب اسم الزوج ! لكن ما قال مرافق او شيء و حتى الابن لم يذكروا طاريه ابد

مدري هل كل واحد اسوي له نموذج لحال او المبتعثه فقط وكيف اضيف المرافقين

للمعلومية زوجها راح للابتعاث يسالهم و قالوا له فقط عب النموذج حقها هي و اضيفوا نفسكم مرافقين لكن للاسف ما وجدت هالفراغ و ابلغوهم ان الاوراق كلها حقتهم عند السفاره لكن يجب اننا نعبي النموذج

انا خلصت امورها كلها حقت الدي اس 160 لكن مو عارف هل اعبيه لحالها وتروح للسفاره هي و زوجها و ابنها فقط بدون ما اذكرهم ؟؟ ما اتوقع هالطريقه الصحيحه

انا قريت بعض المواضيع يقولون كل واحد لحاله بس الي استغربت منه حق الابتعاث قال لا بس هي وحدها و اضيفوا نفسكم مرافقين !!

اتمنى الي له خلفيه يعلمني عن هالموضوع


وبخصوص تسديد الـ SEVIS هل ادفع لكل واحد 200 دولار و بخصوص الـ الفيزا كل واحد اطلع له فيزا ـ 608 او شخص واحد فقط يكفي اسدد عنه فقط علماً ان البعثه قالوا سدد كل شيء و جب لنا الاوراق و نعوضك اياها كلها لكن بجد مو واضحين بطلاباتهم

اتمنى الي عنده خلفيه بس يعلمني و مشكورين

عليكم السلام ورحمة الله وبركاته


كل شخص لازم تعبي له DS-160 منفصل ,, أختك تاخذ فيزا F-1 وزوجها والطفل F-2

ورسوم السيفس تدفع لـ كل I-20 ,, يعني اذا الزوج ماعنده I-20 ماتدفع له رسوم سيفس


بعد ماتخلص تروح هالموقع تحجز موعد بالسفارة https://cgifederal.secure.force.com/

تسوي لك حساب بـ إسم اختك وتعبي البيانات وراح يجيك خيار اضافة مرافقين مع صاحب الطلب تضيف الزوج والطفل
وتسدد لكل شخص رسوم فيزا راح تطلع لك اخر شي المبلغ الإجمالي ,,

بالتوفيق يارب..

ما قصر الاخ: FLeSToN جاوب على استفسارك ..

موفقين يارب

يعطيك العافيه اخ FLeSToN وما قصرت بصراحة كل شيء وضح بالنسبه لي لكن مع العجله ما رديت عليك جلست اسوي البيانات ^_^

ابشرك سويت كل شيء تقريباً
يعطيك العافيه وما قصرت فصلت لي كل شيء تفصيل ^_^

شكراً لك