مساعدة رفضوني في السفارة والسبب .....

عادي تقدر تقدم مره ثانيه وثالثه من حقك مدام تقذيم رسمي لكن اذا قدمت الان بيكون اصلا مسجل في نظام ومخزن عندهم انك قدمت قريبا وتم رفض طلبك وبالتالي الان ترجع تقدم بفيزا طالب بيقلون عذا قاعد يلف وبدور علينا وبيرفضونها كمان انتظر فترة كذا وقدم لانه مدام وأصح لهم ان مهنتك طالب معناه ما عندك مصدر دخل فيقولون الزجل سيهاجر لكن اقتراح الذي طرحته انه اختكً تتكفل بمصاريف الدراسة كويس بس الأفضل انتظر فترة وقدم وإجراءات الحصول علي فيزة طالب لازم تبدا فيها من الان مثلا مراسلة معاهد هنا للحصول علي قبول وبعدها بفتزه بدمه للسفارة وترا ممكن السفارة اذا شافوا درجاتك الجامعين ضضعيفه ومعدلك مو قوي كمان ممكن بل اكيدً سيرفضون منحك فيزة دخول امريكا وبالتوفيق انشالله


🇺🇸🇬🇧 الهاشمية ليمتد 🌺🇬🇧🇺🇸

سبب رفضك هو إحتمالية الهجرة حيث لاتوجد لديك روابط قوية هنا مثل غير سعودي + متخرج ولايعمل

لو كنت ترغب بالدراسة في أمريكا الحل أنك تغيير جزء من وضعك كأن تعمل في مؤسسة أختك وتحصل على إجازة دراسية
تحصل على قبول معهد وقبول مشروط من جامعة وتقدم على فيزا دراسية F1 وليست سياحية.

لو كنت ذاهب للسياحة تحضر مايثبت من مؤسسة أختك وأعتقد إنها أفضل وأقوى من تعريف راتب أخيك الوظيفي.

هذا ما أعلمه وبالتوفيق لك.

الله يجزاكم بالخير واشكركم على الردود وعلى تفاعلكم معاي
واتمنى القى اجابات اكثر واراء تفيدني في المقابله الجايه للسفاره
ومتى اقدم بالضبط بعد شهر او شهرين ولا لها وقت معين مثلا ؟
وهل اقدم بنفس المكان في جدة ولا اسوي موعدي الجاي بالرياض افضل ؟
بالنسبه لدرجاتي الجامعيه كويس والحمدلله ومعدلي حق التخرج فوق 4 الحمدلله
وانا لي متخرج من الجامعه تقريبا 7 شهور حتى الان
وعندي بعد سؤال بسيط لو سألوني انهم رفضوني كسياحيه ليش قدمت مره ثانيه كدراسه ؟ وش ارد عليهم برد مقنع اعطوني حلول للاقناع ؟

قدمت من الرياض او جدة نفس الشي كلها بيانات محزنه عندهم وبالنسبة لعملك في موسسة اختكً وانت مهنتك طالب سيصعب الامر عليك معهم ويعرفون انك تحاول التحايل ما عندك الا زي ما قلت لك تقدم علي فيزة طالب بي اول شي تجيب قبول من معاهد لغة وبعدها كمان قبول جامعي وترفق معهم ضمان مالي من موسسة اختكً انها تتكفل بدراستك الجامعيه وإذا سالك ليش الان تبغا تذرس قول انا دورت وظائف هنا وما لقيت شي مناسب براتب لي وطالبين خبرات وانا لسه متخرج وقلت اكمل دراستي لان عندي الرغبة في الدراسة وأحبها وبالنسبة لقبول اللغة والجامعة يبغالها حوالي عشرين بوم توصلك فقدم عليهم من الان اكسب الوقت وخلي تقديم طلبك يعني بعد شهرين كذا وموفق


🇺🇸🇬🇧 الهاشمية ليمتد 🌺🇬🇧🇺🇸

اشكرك ي الهاشميه على تفاعلك معاي في الردود
يعني افهم من كلامك يعني لو قدمت بعد شهرين وانا لسه ما اشتغلت بيرفضوني ؟
ولو قدمت بالرياض بيشكوا اني قدمت بجدة والافضل اني اقدم بجده مره ثانيه افضل ؟
والافضل اني اقدم فيزا دراسيه كطالب واجيب لهم قبول الايتوني وادفع رسوم السيفيس
واقدم لهم كشف حساب اختي مع الشهادة البنكيه كذا يكفي ولا في شي اضيفه كمان ؟

اي وقت بخدمتك بس مسالة تقديمك الان او بعد شهرين وانت ما عندك مصدر دخل نعم سيرفضون فالأفضل فيزا طالب ومعها شهادة بنكية من اختكً وكل ما كان مبلغ كبير كل ما كان افضل وبالنسبة لتقديم الحاسب الآلي سفارة مرتبط مع بعض في حدة والرياض فقدم من نفس المخل اللي قدمت فيه وعلي فكرة ابغا منك بصراحة انت ليش تبغا تجي هنا أمريكا بيني وبينك هل تبغا تستقر هنا وتهاجر وإلا ايش ناوي عطني العلم وانا أفهمك


🇺🇸🇬🇧 الهاشمية ليمتد 🌺🇬🇧🇺🇸

الله يسعدك
انا عندي نيه اني اكمل دراستي هناك
لكن لو كانت الامور مناسبه لي وجات الفرصه لي بشي افضل خلال دراستي اللغه بامريكا
افضل اني استقر هناك واكمل حياتي بشكل افضل

وقبل كذا انتي قلت ان ليش تبغى تجي هنا بامريكا
هل انت بامريكا حاليا ؟؟؟!!
واإذا تقدر تساعدني بالاستقرار هناك قلي الطريقه الله ينور عليك يا الهاشميه

والله انا نعم انا هنا موجودة بأمريكا بس مشكلة بالنسبة لك كيف تدخل هنا مافي الا الفكرة اللي قلت لك عليها تحاول فيها وكل ما كان الشهادة البنكية ضخمة اللي اختها تقدمها كل ما كان اضمن لك وفيهج واحتمال كبير انهم يوافقون عليك وفيه فكرة اخرى يس ممكن تطول معك الا. وهي تنقل كفالتك علي موسسة اختكً وتحط مهنة مندوب وفيه معارض هنا ضخمة تصير كل فترة تقدم عليها دعوة زيارة وممكن تأخذ الفيزا وطبعا هذي كلها اقتراحات مو اكيدً او مضمونه فكل شي يعتمد علي موظف السفارة وقت مقابله ايش يفكر وانطباعه عنك
وأخيرا اقول اذا دخلت هنا خلاص بعدها أمورك هانت وكثير يمنين عايشين في ديترويت تطق لك يمنية معها جواز ايو


🇺🇸🇬🇧 الهاشمية ليمتد 🌺🇬🇧🇺🇸

يتبع معليش مهم تتزوجها وخلاص تقتدر رسمي تستقر هنا وبعد فتره تأخذ الجنسية وبالتوفيق


🇺🇸🇬🇧 الهاشمية ليمتد 🌺🇬🇧🇺🇸