مشكلتي مع الفيزا " لازم اعدلها "وتأجيل موعد الدراسة !

السلام عليكم ورحمة الله وبركاته ..

انا سويت فيزتي 25 نوفمبر 2013
على اساس موعد دراستي 28 جانوري 2014 .. ولكن قبل اسبوع من السفر ارسلو لي المعهد " تجاري " ان اغلقوه نهائي
ويبون يحولوني معهد ماهو معتمد من الملحقية .. ف ارسلت ايميل الى معهد الجامعة معتمد في نفس المدينة على اساس بسجل عندهم وانتهى التسجيل وسجلوني في الترم الصيفي شهر 6 جون ..
من اول قالو لي المعهد القديم ان مايحتاج اسوي فيزا جديدة راح يعطيني المعهد الجديد ايتوني برقم السيفس القديم يعني عملية تحويل
الحين قالو لي معهد الجامعة مايصير القانون لازم ان اجدد فيزتي واغير اسم المعهد في الفيزا لأني لسه مابدأت دراسة اصلا عشان اقدر اسوي الحركة اللي قبل ..
قالو ضروري اخذ موعد عند السفارة اغير فيزتي بالايتوني والسيفس الجديد واسم المعهد الجديد ..
احد عنده فكرة الموعد اللي اخذه حق ايش فيزا جديدة ولا ايش بالضبط ؟
لأن في جوازي فيه الفيزا اللي سويتها .. اقول لهم ايش ماني فاهمة تجديد او تعديل او.؟
سؤالي الثاني ..
بالنسبة الى فيزا مرافقي " سياحية " هل اذا مر 6 شهور من صدور الفيزا تنلغي الفيزا نهائي ؟
يعني لين موعد دراستي راح تمر بالضبط 6 شهور على فيزته ؟
فيه اجراء معين لازم يسويه ولا كيف ..؟
اتمنى اتمنى اي احد عنده فكرة يساعدني ويعطيني اي معلومة ممكن تفيدني
الله يوفقكم جميعا يارب

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الفيزه السياحية ما تنتهي الا بعد خمس سنوات بعكس الدراسية f1
تنتهي صلاحيتها بعد مرور خمس شهور يعني كذا ولا كذا انتي لازمك جديدة وما فيه شي اسمه تعديل عليها اذا بتغيرين المعهد قبل الوصول
فيه الغاء واصدار جديدة ، وامورك بتتيسر بس سوي لك موعد جديد وسوي مقابلتك وبتصدر لك على طول بإذن الله

اقتباس:

---

المشاركة الأصلية كتبت بواسطة IBRAHIM 911

الفيزه السياحية ما تنتهي الا بعد خمس سنوات بعكس الدراسية f1
تنتهي صلاحيتها بعد مرور خمس شهور يعني كذا ولا كذا انتي لازمك جديدة وما فيه شي اسمه تعديل عليها اذا بتغيرين المعهد قبل الوصول
فيه الغاء واصدار جديدة ، وامورك بتتيسر بس سوي لك موعد جديد وسوي مقابلتك وبتصدر لك على طول بإذن الله

---

يعطيك العافية اخوي .. الله يوفقك يارب شكرا على المعلومة