عرض للطباعة
السسلام عليكم ورحمة الله وبركاتة
اخواني الاعزاء انا قدمت اوراقي على مكتب في الرياض اسمة ايست طلبت منة قبول معهد فقط لان عندي قبول جامعة وقال خلال 5 ايام الايتوني عندك وماطلني 3 شهور على ما جاب القبول وقلنا ماعليش نصبر وبعدها قال نبي نقدم على السفارة عشان التاشيره ورحت ودفعت له رسوم التاشيره والان لي شهر كل يوم يقول لي السفارة ما فعلت ( مدري شسمة ) وكل يوم على هالحالة انا ابي جدول المواعيد يفتح عشان احجز الموعد وهذا يماطل ابي اعرف السبب من شنو تكفوون ردو تراها اندبلت تسسسبدي
وشكرا ...
هذا من بدايتها نصب ما يجوز من جانب الله اللي قاعد يسويه
كل الموضوع التسجيل عن طريق موقع السفاره بعد ما يجيك الاي تونتي
وانا مستغرب كيف ياخرك 3 شهور عشان يجيب لك قبول بس !!
حدها بالكثير لووو مرررررره اسبوعين والحين التسجيل واخذ الموعد بنفس اليوم ترى
بعد سداده في بنك سامبا والمقابله تتحدد اتوقع على حسب النظام وحسب الناس الحاجزين قبل
وبالكثير ما تكون الا اسبوعين وانت هناك
روح لهم واسحب فلوسك وريح بالك انت كم دفعت لهم اصلن لا يكون نصب عليك
لازم تروح لك مكتب ثاني في مكتب انا من قراتي في هذا المنتدى والشباب ينصحوا فيه
دامك في الرياض اسمه ( فيفا ) ادخل النت واشوف وان شاء الله يرجع لك فلوسك وروح له على طول
اخوي أمور السفارة ماهي صعبة في ظرف ٤٨ ساعة بإمكانك حجز الموعد
واللي يبيلك او يبي للمعهد هو
١- نموذج دي سي ١٦٠ في غضون ساعتين او اقل يمديهم يخلصونه
٢- تسجل في موقع السفارة ويعطيك رقم تسجل اي جي سي وتراوح باهذا الرقم تسدد رسوم الفيزة من سامبا وبعد تقريباً ٤٨ ساعة يمديك تحجز موقع
المهم اقرب موعد متاح في السفارة بالرياض هو Thursday February 20, 2014.
أتمنى المعلومات تفيدك
بالتوفيق،،،
يا اخوان انا دفعت للمعهد 7الاف ريال عشان يرسلون الاتوني ودفعت الفين ريال حق السفاره ولي الان شهر ماحجزن الموعد وكل ماكلمت المكتب قال لي للحين السفاره ما سوت شي وش الحل
( تمت المشاركة باستخدام تطبيق مبتعث )
7 الاف ريال عشان يرسلون لك الايتوني
يعني بالعقل هذا ضحك عليك ولا ايش بالضبط
كيف تدفع مبلغ زي كذا وانت حتى موعد السفاره
ما تدري هم راح يقبلونك او راح يرفضونك
ترى لما يجيك القبول ترسل اوراقك لهم
مع مبلغ رمزي عشان يرسلون لك القبول
ويييييييييييييييين 7 الاف ريال
وبعد الفين ريال عشان موعد السفاره
ليش يعني الموضوع كله 608 ريال حق الموعد و 750 ريال حق السيفيس
الله يرضى عليك بس وربي مرررره عصبت عشانك حرام كل هذا وبالاخير يطلع نصب
روح للمكتب وقول لهم نفس الكلام اللي قلته لك واللي كتبه لك الاخ
وبعدها اتحدى يتكلمون بكلمه وش اللي 3 شهور وشهر موعد !!!
مقابله هي ولا وشو بالضبط
سبعه الاف حقت شهر قالو لي اذا رفضوك السفارة نرجع لك المبلغ المكتب هذا اسمه ايست بالرياض شارع العلياء غير هذا السكن بدون سكن يقول دور لك سكن بنفسك لان سكن المعهد غالي انا كرهت ام السفره بسبتهم
( تمت المشاركة باستخدام تطبيق مبتعث )
لا حول ولا قوة الا بالله. والله أخوي أنا مقهور على 9 الاف الي خسرتها للمكتب كأنها فلوسي. قبول لغة ما يكلف أكثر من 50 او ستين دولار أخوي. ورسوم الفيزا 608 ريال. المنتدى هذا في اصحاب خير كثير كانوا جابلوك قبول لغة من غير أتعاب.
نصيحتي لك أخوي حاول تسترجع فلوسك ولا تسكت على حقك حتى اذا طال الامر بانك تستدعي الشرطة. لا تشجع المكاتب في هادي في التمادي في الشجع واكل اموال الناس بالباطل.
اتمنى لك التوفيق أخوي
حقي انشاء الله مو ضايع لكن المشكله في السفاره للحين ما فعلو ال دي سي اي مدري وش اسمه
( تمت المشاركة باستخدام تطبيق مبتعث )
ياشباب الحين هن سددو السامبا وكل شي بس لهم شهر يقولون السفارة مافعلت رقمك عشان يطلع لك جدول المواعيد انا ممدري وش سالفتهم كل ماكلمتهم قالو عادي تصير الحين موعد الدراسه بتاريخ 26/3/2014 وانا خايف والسفاره للحين ما سوت لي موعد وباقي شهر ونص ومتوهق اللي يقدر يساعدني بشي تكفوووورن المكتب هذا حقير ونصاب ويماطل فيني وادري ان تاليتها بروح له واكسر ام المكتب وتصير طلايب ومشاكل
( تمت المشاركة باستخدام تطبيق مبتعث )
رقم ال CGI قصدك أخوي. الي فهمتوا انك دافع رسوم الفيزا من شهر ووالى الان ما اتفعل الرقم صحيح؟
شوف هذا ارفام التواصل مع الدعم الفني للسفارة بامكانك ارسال ايميل لهم او مكالمتهم تلفونيا للاستفسار عن عدم تفعيل رقم ال CGI الي دفت رسوموا
Apply for a U.S. Visa | Contact Us - Saudi Arabia (English)
الله يوفقك أخوي