الأعضاء الإشتراك و التسجيل

الملتقيات
ADs

مقابلتي في السفاره للمره الثانيه بعد رفضي للمره الاولى .. ماذا حصل !! 2014

مقابلتي في السفاره للمره الثانيه بعد رفضي للمره الاولى .. ماذا حصل !! 2014


NOTICE

تنبيه: هذا الموضوع قديم. تم طرحه قبل 1268 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية alsaleh
    alsaleh

    مبتعث جديد New Member

    alsaleh السعودية

    alsaleh , ذكر. مبتعث جديد New Member. من السعودية , مبتعث فى السعودية , تخصصى اداره اعمال , بجامعة الملك عبدالعزيز
    • الملك عبدالعزيز
    • اداره اعمال
    • ذكر
    • جدة, جدة
    • السعودية
    • Jan 2014
    المزيدl

    June 27th, 2014, 09:06 PM

    السلام عليكم ورحمه الله وبركاته
    تحياتي وسلامي لهذا المنتدى الاكثر من رائع منتدى مبتعث
    حاب اتكلم شوي عن كذا موضوع وكله متعلق بالسفارة الامريكيه واجراءات المقابله
    هذه الاجراءات اللي الكثير يكون متخوف منها متخوف من الرفض من قبل القنصل
    كثير من الناس انقبلوا وكثير من الناس انرفضوا بعضهم جاهم احباط وان مسيره الحياه توقفت
    لا تخلي فشلك بالمره الاولى يحكم عليك بأنك خلاص امورك ما صارت لصالحك ولا راح تزين

    تدرون ليش اقول كذا لأني كنت كذا
    رحت للسفارة كـ سياحة انا واهلي وجهزت كل اوراقي وكل الاشياء اللي راح يطلبوها منا
    هالكلام كان تقريبا قبل 5 شهور وجا موعد المقابله في السفارة الامريكيه
    قبل ما اقابل القنصل لازم تقابل شخص في الشباك اللي جنبه عشان ياخذ منك اوراقك
    ويسألك كم سؤال على السريع منها
    س : ليش رايح امريكا ...
    س: في اي ولايه ...
    وبعدها تروح وتجلس لين ينادون على اسمك وتروح تقابل القنصل
    وسالني اسئله كثيره جدا لم تكن متوقعه بصراحه اسئله كانك مسوي مصيبه
    وللمعلوميه تراهم يتكلموا عربي وما شاء الله تمام
    المهم سالوني
    س : ليش رايح امريكا
    س : في اي ولايه
    س : ليش اخترت هذه المدينه بالذات
    س : هل تعرف احد هناك
    س : ليش اول سفراتك تبغاها لامريكا
    س : ليش الفتره هذه ما اشتغلت
    س : كم راح تجلس بامريكا
    واسئله غيرها ما اذكرها

    لكن بالاخير كان رد القنصل الامريكي بالرفض وقال فيزتك مرفوضه وصعب اقبل طلبك ورجع الجوازات
    بعدها جاني احباط وجاتني مثل الصدمه لأنه ما طلب اوراقي ولا طلب شي كان الرفض واضح من اسئلته وعدم اقتناعه
    لكن بالاخير قررت اني اهدا شوي وافكر بعقلانيه مع اني والله حسيت ان طريقي توقف وان الامل بالنسبه لي فقدته
    والامل بالله كبير لأن احساسك بالفشل هو يا انه يخليك تصير اقوى او انه يخليك اضعف وانا اخترت الخيار الاول الاقوى طبعا
    وقلت لازم اقدم مره ثانيه كـ دراسه وانتظرت شهور كثيره لأن غير مسموح لي اقدم بالسفاره على طول على كلامهم الا بعد 3 شهور

    وكان موعدي الجديد في السفاره بتاريخ 24 يونيو 2014 وجهزت اوراقي كامله ومنها الاي 20 و السيفس والشهاده البنكيه وتعريف راتب المتكفل فيني
    شفت شعور اللي انرفض المره الاولى كيف يكون شعوره للمره الثانيه وكيف الوسوسه والهواجس اللي تجيه وانه ممكن ينرفض للمره الثانيه رغم كل اوراقه اللي جابها
    وجا موعد المقابله ونفس كل اللي صار بالمره الاولى وجيت للقنصل واحد ثاني غير اللي قابلته بالمره الاولى
    وسالني اسئله مباشره
    س : ليش رايح امريكا
    س : في اي ولايه
    س : مين المتكفل بالمصاريف
    وبفضل الله سبحانه وتعالى ما كثر معاي اسئله مثل المره السابقه فجاه اشوفه يطقطق في الجهاز ويطالع فيني ويرجع مره ثانيه يطقطق
    وقال : فيزتك مقبوله
    انا اول ما سمعت هالكلام حسيت انه حلم قلت ايش
    قال : عزيزي فيزتك راح تستلمها بعد 4 ايام وجوازك راح يكون عندي
    شافني متنح فيه ما زلت غير ستوعب كلامه
    قال : الف مبروك اهلن بك في امريكا

    وبعدها بكم يوم رحت لارمكس والحمدلله استلمت الجواز وعليه الفيزا لدخول امريكا
    فرحت كثير وشكرت الله على هذه النعمه وانه تحقق حلمي بعد الاحباط اللي جاني
    ومن كلامي هذا حاب اقول ان الفشل هو اول خطوات النجاح
    توكل على الله فهو حسبك ولا تخلي شي يأثر عليك

    المعذره اني طولت عليكم ولا تنسوني من دعواتكم
  2. مع اني اعترف لك حت رفض الفيز السياحية محبط بصراحة
    وانا شخصيا غالبا اذا قدمت فيزا عل دول اوربيه شنغن ولا بريطانيا حق سياحة كمن يوم في الاجازات اكون متوتر (مع اني ولله الحمد لم ترفض لي فيزا قط )
    فمابالك
    بفيزا دراسه ولدولة معقدين وسالفتهم طويله مثل امريكا او كندا

    لكن رغم ذلك ياجماعة طيب وماعطوك فيزا خييير مافتتك الجنة عندك دول ثانيه غير امريكا خلهم يشبعون ببلدهم


    مع ان امريكا للحق انهم كرما في الفيزا تقريبا ماتلقى بلد تعطيك فيزا خمس سنوات وبهذا السعر والأهم ان قوانينهم اسهل من غيرهم خصوصا
    من اوربا اذا كانت الفيزا دراسيه من حيث المرافقين والاطفال وامور اخرى

    لكنهم للاسف مع انهم دولة متقدمة عليهم حركات في مرحلة التقديم قمة في الغباء بحيث ان تشوفهم يرفضون فلان ويقبلون علان لاسباب جدا عبيطه

    مثلا اذا واحد راح يدرس على حسابه وناوي يلتحق ببرنامج الملك عبدلله الله يحفظه ليش يدققون في وين يشتغل ومادري ايش ، معروفه انه بيجلس عل حسابه فترة من الزمن يايلتحق او يرجع
    او يدققون عل المرافق بحجج فاضيه ولايعطونه فيزا وبكذا يحرمون البنت من الدراسه لانها مابتروح لحالها

    هم يعرفون ان السعودي او الخليجي بيروح يدرس او يتمشى ( اذا سايح ) واذا قصر عليه فلوس يابيرجع او اهله بيرسلون له فلوس
    ونادر جدا جدا ان خليجي يعمل مشاكل ومخالفات كبيرة او جرايم لاسمح الله
    هم الحين منذ عقود ( عشرات السنين ) يشوفون السعوديين والخليجيين يروحون امريكا اما دراسه او سياحه ويرجعون بدون مشاكل

    دام ان الشخص اذا هو خليجي مابيشكل عليهم خطر امني وشلهم يتدخلون في خصوصياته ويطلبون قصة
    حياته واسئلة كثيرة ساذجة مالها معنى

    طبعا كلن يهون الا كندا ههههه تحسهم يقولون للناس انقلعو لاتفيزون عندنا ولانبيكم تطلبون
    فيزا من عندا مرة ثانيه
    كندا مجانين اول كانت بدون فيزا بعدين فيزا سهلة والحين من اصعب فيز العالم
    اذكر احد اقاربي عقدووه مسكين لاسباب ولله قمة في الغباء مع انه دافور ومسالم وخجول جدا جدا
    يأس وراح بلد ثاني والله وفقه في دراسته هناك
    7 "
  3. المشاركة الأصلية كتبت بواسطة ترآتيل قلب مشتاقه
    هههههههههههههه يعني أأيش داافور يا أأخ أمل <<ما ركزت إلا على داافور <ضحكتني الكلمه
    هههه مانتبهتي الالهذي الكلمة ولله اني ماستعملها بس قاعد اماشي الكلام الدارج ،، دافور يعني من طخة مصطفى

    بالنسبة للاسم اليوزر ذا كنت مسويه لزوجتي بس استوليت عليه هههه ( علما بانه ماله علاقه باسمها )
    مالي خلق اسوي يوزر جديد
    اذا الادارة جزاهم الله خير يغيرونه لي اكون ممنون لهم

    لكن لو ماغيروه الحروف بالصدفه تمثل اختصار اسمي الثلاثي


    هههههههههه اخ امل
    7 "
  4. المشاركة الأصلية كتبت بواسطة aml84
    هههه مانتبتي الالهذي الكلمة ولله اني ماستعملها بس قاعد اماشي الكلام الدارج ،، دافور يعني من طخة مصطفى

    بالنسبة للاسم اليوزر ذا لزوجتي بس استوليت عليه هههه مالي خلق اسوي يوزر جديد
    اذا الادارة جزاهم الله خير يغيرونه لي اكون ممنون لهم

    لكن لو ماغيروه الحروف بالصدفه تمثل اختصار اسمي الثلاثي

    طخه مصطفى ؟؟<<ذا الحين شرحت لي وش تعني الكلمه ههههههههههه لا ماااشاء الله ..<مافهمت طبعا.
    بالنسبه للاسم ..ماعليه كان لك أو لزوجتك ..شي راائع الأمل وأن نعيش على أأمل ..وسبحان الله يكون اسم زوجتك اختصااار لاسمك الثلاثي ..شي حلووا

    - - - مشاركة محدثة - - -

    المشاركة الأصلية كتبت بواسطة aml84
    مبرووووك الف مبروك
    الله يوفقك في حياتك
    بس ترا هذي فيها عشا او سحور ،،، و المدعوين حسب عدد المشاهدات الله يساعدك ههههه

    <<من المشاهدين ..بس ماا ودي بسحووور ولا عشاا ..
    يجي عبايه وكم طرحه لي ولصحبتي ؟؟
    7 "
  5. اول شي اشكركم على تفاعلكم
    ويسعدني تواجدكم حياكم الله
    بما ان اليوم المكمل لشعبان
    بكرا ان شاء الله السحور عندي
    وشكلي بفلس قبل ما اروح لامريكا
    سحوري لكم هو الدعاء لكم بالتوفيق
    وان الله يكتب لكم السفر القريب لامريكا
    كل شي بتوفيق من الله سواء امريكا او غيرها
    وكل شي له حكمه من الله حتى في التأخير
    وكل تأخيره وفيها خيره ان شاء الله
    وانت ما تدري لعل الله يحدث بعد ذلك امرا
    اهم شي الصبر والتوكل على الله فهو سبب الفرج

    بالنسبه للي سالني عن كم كلفه الفيزا طبعا
    معروف رسوم المقابله في السفاره هي 608
    تدفعها عن طريق بنك سامبا بعد ما تعبي الابليكشن دس 160
    بالنسبه للراتب يكون حوالي 8000 وفوق
    وبالنسبه ليش انا رايح لامريكا انا كتبت انه رايح هالمره كدراسه ان شاء الله
    بالنسبه للاسعار للجامعات اللي هناك تفرق من مدينه لمدينه ثانيه وكل جامعه تفرق عن الثانيه
    واتوقع ان في هالمنتدى موضوع يشرح لك بالتفصيل عن المعاهد والجامعات الرخيصه والغاليه
    نصيحه مني اخي الكريم لا تفكر بشي الحين الا إذا جاتك الفيزا مو المقصد اني احبطك وكل شي على الله اكيد
    لكن والله انهم مصعبينها والموضوع كله على حسب المزااااج اوقات يطلبوا منك الاوراق كامله واوقات ما يطلبوها وفي كلتا الحالتين مرفوض
    واحيانا ما يطلبوا منك شي وكل اوراقك تكون جاهزه وبالاخير يقلك مبروك فيزتك مقبوله

    راح اكون متابع معاكم ان شاء الله اول باول باول
    وانا عندي اسئله للي راح امريكا
    هل اقضي ملابسي من هنا ولا من هناك افضل ؟
    هل اقدر امدد فيزتي الدراسيه لو انتهت مدتها ؟
    هل اقدر احول من جامعتي اللي بكون فيها واروح جامعه ثانيه بمدينه ثانيه ؟
    7 "
  6. المشاركة الأصلية كتبت بواسطة alsaleh
    اول شي اشكركم على تفاعلكم
    ويسعدني تواجدكم حياكم الله
    بما ان اليوم المكمل لشعبان
    بكرا ان شاء الله السحور عندي
    وشكلي بفلس قبل ما اروح لامريكا
    سحوري لكم هو الدعاء لكم بالتوفيق
    وان الله يكتب لكم السفر القريب لامريكا
    كل شي بتوفيق من الله سواء امريكا او غيرها
    وكل شي له حكمه من الله حتى في التأخير
    وكل تأخيره وفيها خيره ان شاء الله
    وانت ما تدري لعل الله يحدث بعد ذلك امرا
    اهم شي الصبر والتوكل على الله فهو سبب الفرج

    بالنسبه للي سالني عن كم كلفه الفيزا طبعا
    معروف رسوم المقابله في السفاره هي 608
    تدفعها عن طريق بنك سامبا بعد ما تعبي الابليكشن دس 160
    بالنسبه للراتب يكون حوالي 8000 وفوق
    وبالنسبه ليش انا رايح لامريكا انا كتبت انه رايح هالمره كدراسه ان شاء الله
    بالنسبه للاسعار للجامعات اللي هناك تفرق من مدينه لمدينه ثانيه وكل جامعه تفرق عن الثانيه
    واتوقع ان في هالمنتدى موضوع يشرح لك بالتفصيل عن المعاهد والجامعات الرخيصه والغاليه
    نصيحه مني اخي الكريم لا تفكر بشي الحين الا إذا جاتك الفيزا مو المقصد اني احبطك وكل شي على الله اكيد
    لكن والله انهم مصعبينها والموضوع كله على حسب المزااااج اوقات يطلبوا منك الاوراق كامله واوقات ما يطلبوها وفي كلتا الحالتين مرفوض
    واحيانا ما يطلبوا منك شي وكل اوراقك تكون جاهزه وبالاخير يقلك مبروك فيزتك مقبوله

    راح اكون متابع معاكم ان شاء الله اول باول باول
    وانا عندي اسئله للي راح امريكا
    هل اقضي ملابسي من هنا ولا من هناك افضل ؟
    هل اقدر امدد فيزتي الدراسيه لو انتهت مدتها ؟
    هل اقدر احول من جامعتي اللي بكون فيها واروح جامعه ثانيه بمدينه ثانيه ؟


    بالنسبة للملابس مع اني مارحت امريكا بس انصحك اشتري من هناك
    واذا ولايه باردة ايام الثلوج ملابس اللي هنا ماتسوي لك شي

    بالنسبة لي اذا جيت اروح اوربا ماشتري من هنا اخذ معاي شي بسيط حق يومين ثلاثه واشتري ملابسي من هناك
    اذا ماركات لاحظت ان الفرق في السعر ماهو كبير بينا وبينهم لكن الكوالتي والموديلات فرق كبير بصراحة لصالحهم ،، وحسب ماعرف امريكا بشكل عام ارخص من اوربا وكندا في كل شي بمافيها الملابس

    اما اذا شغلات خفيفه حق البيت والمشاوير القريبة خذلك من المحلات الشعبية هنا او محلات رد تاغ وماشبه
    7 "
  7. المشاركة الأصلية كتبت بواسطة يقولون دحوم
    الف مبروك , عقبالنا

    كم كلفتك الفيزا ؟
    كم الحد الادنى لـ الراتب والتعريف فيه المتكفل فيك
    هل رايح دراسه ؟ اذا ممكن تعطينا اسعار الدراسه هناك

    وبارك الله فيك ونفع بك .

    رسوم الڤيزا + سيڤس لكن هذا امر ماله قيمة بصراحة هناك مصاريف اخرى اكثر ومجهود اكثر
    الضمان المالي للمعهد وللجامعه والسفارة الافضل لايقل عن ٩٠- ١٠٠ الف ريال
    وماتوقع لم علاقة بالراتب مع انه من ضمن الاسئله في الابلكيشن

    بالنسبة لتكلفة الدراسه اذا باكلوريوس و كلشي على حسابك بمافيها سنة لغة تكلفك حول مليون ريال
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.