مدة صلاحية الفيزا قبل السفر لامريكا اول مرة

والله يا اخ عماد اعتقد المده مفتوحه بس شرط لازم يكون الاي توني غير منتهي عند الدخول لامريكا

هذه المعلومه غير اكيده فياليت احد الاخوه اذا عنده معلومه اكيده يطرحها ويصححني اذا كنت غلطان


( تمت المشاركة باستخدام تطبيق مبتعث )

رسميا 4 اشهر لكن في ناس سافرو بعد هذه المدة بدون مشاكل اذا . لكن اذا غيرت المعهد قبل السفر عليك التقديم على فيزا جديدة

خمسة أشهر حتي لو المعهد المسجل في الفيزا يختلف ، ممثلا طلعت فيزا بمعهد وشهرين جلست وجبت قبول من معهد ثاني وضعك تمام لكن يجب عليك تسديد رسوم السيفس للمعهد الجديد، بالتوفيق،

خذ العلم مني ..

انا قدمت على فيزتي يونيو ٢٠١٢
وسافرت امريكا اغسطس ٢٠١٣

يعني فيزتك ساريه المفعول مالم تدخل امريكا ، يعني اذا لسه مادخلت امريكا عادي (حكايه ٤شهور او خمسه هذا اذا دخلت امريكا ورجعت السعوديه )

بس انتبه لشغله الايتوني انه مايكون انتهى .
راسل المعهد عشان تتاكد اذا لسه ساري المفعول او لا .

اذا مو ساري المفعول يرسلون لك جديد وتحول السيفيس على الايتوني الجديد (زي ماعملت انا) لانه اظن الايتوني سنه ويخلص مدته او على حسب المعهد والجامعه

الشغله الثانيه زي ماقال الاخ انه اذا غيرت المعهد قبل تسافر امريكا لازم تغير الفيزا وتقدم من جديد ..

ارجو اني اكون افدتك

وموفق

من غير قصور للي قبلي لكن غير صحيح تغيير المعهد يحتاج تغير الفيزا ، يلزمك فقط تسديد السيفس للمعهد الجديد

شكرا لكل من شارك وانا سمعت اراء كثيرة لكن بحكم انه الاخ نشوة مشاعر قال كلامه عن تجربته فاتوقع هذا اللي ساير ,, جزاكم الله كل خير

وعليكم السلام ورحمة الله وبركاته:
بالنسبة لاستفسارك مكتب الطلاب الدوليين في الجامعة قالو ماعندك مشكلة دام معك I-20 ساري المفعول

عموماً تقدر تاخذ اجابه اكيده من هنا



https://twitter.com/USEmbassyRiyadh

دعواتك

وعليكم السلام ورحمة الله وبركاته
يا أخي الفاضل بعض الردود بالأعلى غير صحيحة..
وإذا سألت السفارة بيقولون لك غير الفيزا وبيعقدون لك الأمور ، لأنهم رسمين بزيادة ، وهذا حصل معي شخصيا.
فيزتي صدرت في سبتمبر 2013م والآي توني اللي مسجل فيه المعهد القديم EF ورقم السيفيس القديم ألغوه المعهد EF لأن يشترطون ندفع لهم كامل المبلغ وطبعا ما دفعت فألغوا الآي تونتي وقالوا لي فيزتك ملغية.
فغيرت المعهد وطبعا طلع لي آي توني جديد للمعهد الجديد LSI وبرقم سيفيس مختلف.
وسألت كثير في المنتديات وخاصة هنا في ملتقى مبتعث وقالوا لازم أغير الفيزا ، وكان صادف ملتقى التعليم العالي بالرياض وتواجد موظفي القسم القنصلي للسفارة الأمريكية بالرياض وسألتهم كلهم واحد واحد وكانوا عددهم فوق الستة وكانت إجابتهم واحدة لازم أغير الفيزا لأن الفيزا تعتبر ملغية ما دام أن رقم السيفيس تغير قبل ما أدخل أمريكا لأول مرة ، وواحد منهم بس عطاني أمل ضعيف جدا وقال لي إحتمالية دخولي 1% وبالحظ و99% برجعوني بأقرب طيارة.
وبصراحة ركبت رأسي وقلت بتحدى الكل.
فكل اللي سويته أني حولت رسوم سداد السيفيس من الآي توني القديم للجديد برسالة إيميل بدون ما أدفع ولا ريال والفيزا نفسها ما غيرتها.
وتوكلت على الله وسافرت في شهر يونيو 2014م (بعد 10 شهور).
وأبشرك دخلت بكل سهولة وبدون أي مشاكل.
وبعد دخلت من ولاية نيويورك ومعهدي القديم EF في ولاية جورجيا ومعهدي الجديد LSI في ولاية كالفورنيا!!!
واللي أستنتجته أن أهم شيء يكون عندك فيزا سارية المفعول حتى لو باقي عليها يوم واحد ، ويكون عندك آي توني ساري المفعول عشان ما تواجه مشاكل بس ، لأن المهم صلاحية الفيزا لكن الآي توني مساعد فقط ، وسمعت أن فيه ناس دخلوا بدون آي توني.
والله أعلم.

بس ناس تدخل بدون اي توني صعبه اذا هم طلاب