مشكلتي مع الفيزا ( إختيار مدينه وَ الحجز في مدينة أخرى ) نصائح وحلول أتمنى تستفيدوا

السلام عليكم ورحمه الله وبركاته
حابه انبهكم على الموقف الذي حصل لي في القنصلية الامريكية في جدة عشان ما يحصلكم مثل اللي حصلي
أنا عبيت أبليكيشن DS-160 واخترت الرياض المهم وفتحت حساب وحجزت الموعد في جدة يوم الخميس
ولما رحت الموعد قالوا انتظري خمس دقائق ننقل معلوماتك من الرياض لجدة انتظرت بعد خمس دقائق قالي ما نقدر النظام عطلان لكن ممكن تنتظري حتى الساعة 11 وانتظرنا وفي النهاية خرجت بلا فايدة وقالولي انهم الغوا موعدي وممكن اروح الموقع واحجز موعد من جديد روحت البيت لما دخلت على النت لقيت نفس الموعد السابق اللي رحت له وما تغير شي اتصلت عليهم قالوا الان لازم تنتظر 48 ساعة حتى ينزل اسمك وترجعي تاخذي موعد جديد قلت في امكانيه اني احصل موعد يوم الاحد وابقى في جدة عشان بدل ما احجز تذاكر من جديد قالتلي الموظفة لا لان الجمعة والسبت اجازة وبعد الاجازة نحتاج 48 ساعة عمل يعني الاحد والاثنين عشان تقدرين تحجزين من جديد المهم طلعنا المطار انتظار وروحت اول ما فتحت الموقع لقيتهم الغوا كل شي وكان في موعد يوم الاحد حسيت وقتها بقهر واني تسرعت رجعت اتصلت عليهم وقلت لهم اخاف ايجي الموعد ويحصل نفس اللي حصل معاي اول قالتلي عبي ابليكيشن جديد لجدة وحدثي بياناتك واحجزي موعد وما يحتاج ادفع رسوم مره ثانية
آسفه على الاطالة بس حبيت افيدكم باللي حصل معايه خصوصا للي عبت ابليكيشن لمكان وحجزت في مكان ثاني ودفعت الرسوم كل اللي عليها تسويه تعبي ابليكيشن جديد وتحدث البيانات فقط
موفقين جميعا وموعدي الان يوم 19 نوفمبر
دعواتكم الله يسعدكم

وَ عليكم آلسلآم وَ رحمـــة آلله وَ بركآتة ..
حيآكـ آلله ..

ألف شكر أختي آلفآضلة .. وَ آلحمد لله عدت أموركـ على خير ..
وَ بآركـ آلله فيكـ وَ تشكري على آلنصآئح ..

مآشآء الله تبآركـ آلله .. نآس خدومه وَ فيهآ آلخير وَ آلبركة ..
وَ تستحق آلثنـــآء وَ آلشكر ..

تحيآتي ,,

يعطيش العافيه .......