تكنسلت فيزتي ؟؟ my visa was canceled

السلام عليكم ورحمة الله وبركاته

أولاً: الحمدلله على كل حال

ثانياً : مثل ماهو مكتوب ف العنوان والله ي اخوان انا منصدم من الحدث الي صار معي
ياخوان انا ادرس ف امريكا من تاريخ 2012 والحمدلله اجتزت اللغه وانتهيت منها
وبديت دراسه جامعه في 2014 أغسطس .. الان انا رجعت في اجازه الكريسمس ألى السعوديه
وتفأجأت ان فيزتي تكنلست وانني غير قادر الى العوده الى امريكا { حسبي الله ونعم الوكيل }
مع العلم انني خلصت اول سمستر الحمدلله بمعدل 3.5 من 4 .. والله ياخوان مدري وش اقول
سيارتي شقتي اغراضي تلفزيون اثاث بلايستيشن 4 لا حول ولا قوة الا بالله.

وش تنصحوني ياخوان اللي صار معه زي كذا او يعرف احد صار له مثلي ياليت يقول لي الله يسعدكم جميعاً
ممكن الاسباب المحتمله اللي تكنسلت الفيزه أنني رحت ل امريكا والتزمت هناك الحمدلله وخليت اللحيه
وذهبت تقريبا في عام 2013 الى محل رمايه مع الشباب ورمينا شوي ومشينا ..مع العلم اني سافرت بعدها ورجعت والامور في السليم.

وعليكم السلام ورحمة الله وبركاتة

الله يكون بعونك لاحول ولا قوة الا بالله كيف دريت انها مكنسلة

انا نفس حالتك اتكنسلت فيزتي في المطار امس ورجعوعني على نفس الطيارة اللى جيت بيها اللة يكون في عوننا يارب حتى انا ضايع مني عارف اش اسوي

أولاً : محد جاب خبر لحيتك
ثانياً: الفيزا ماتتكنسل عبث لازم إجراءات عديدة تتخذ
- هل بحثت في المنتدى قبل كتابة الموضوع ؟
- المسؤول عن إلغاء فيزتك هي الجامعة هل راسلتها ؟
- راسلت إدارة الهجرة Immigration ؟
- راسلت السفارة الأمريكية أو إحدى القنصليات ؟

هذه الإجراءات هي التس يجب عليك القيام بها قبل كتابة موضوع

عموماً تمنياتي لك وللجميع أن تحل جميع إشكالياتكم 💐

اولا الموضوع مو موضوع لحيه ابدا وان كنت ما انصح فيها في امريكا لأني شفت نظرة الغرب لها ..
!!! عموما انا انصحك تتصل بالسفاره وتسألهم سبب الغاء الفيزا و لا تهتم الامور ممكن تتصلح غالبا حتقدم على فيزا جديده وراح ترجع لجامعتك مره ثانيه

تتيسر بإذن الله

اخوي هل عليك اي قضايا جنايئة في امريكا او موعد محكمة ما حضرتوا؟ احيانا يكون هدا السبب. انصحك تتواصل مع محامي هجرة محترم يقدر يعرف سبب الغاء فيزتك.

الله يوفقك يا رب

الله يفرج عليك أخي ,
طمنا عنك

ليش وش سبب الالغاء! طمنا وش يصير معك