تكنسلت فيزتي بدون سبب مقنع وانا بنص مشواري الجامعي
السلام عليكم يا اخوان
انا طالب مبتعث تخصص هندسه صناعيه سنه ثانيه داخل على السمستر الخامس بولاية فرجينيا تكنسلت فيزتي بدون اي سبب مقنع !!.السالفه ان برمضان الي راح نزلت اجازه لسعوديه ويوم جيت ابي ارجع لامريكا الموظف الي بمطار الملك خالد قالي ما تقدر تسافر وراجع السفاره الامريكيه , انا هنا انصدمت ماني مستوعب الي قاعد يصير قتله ليش قالي ما ادري والله بس راجع السفاره لان دايم يصير كذا مع طلاب كثير,, المهم رجعت متضايق ومنغبن ومنصدم ضليت سهران لين الصباح ودقيت على السفاره وقالولي ان فيزتك متكنسله سألت الموظفه وش السبب قالت ما ادري بس اذا تبي ترجع لامريكا تقدر تقدم على فيزا ثانيه,,, وفعلا حجزت موعد على يوم الاثنين وبشوف ,,
السؤال,
المشكله ان دراستي بتبدأ يوم الاثنين يعني بنفس وقت موعدي بسفاره وماني عارف اسوي تأجيل ترم ولا يمكن تطلع خلال كم يوم والحق على الترم هذا؟
في احد واجه نفس المشكله ولا تعرفون احد واجه نفس المشكله؟
وهل الفيزا بتطلع بسرعه او بتاخذ وقت طويل,, او يمكن ما بتطلع؟؟
فيدوني الله يجزاكم خير
رد: تكنسلت فيزتي بدون سبب مقنع وانا بنص مشواري الجامعي
ان شاء الله تطلع بنفس اليوم انا فيزتي بتاريخ ١٩ و طلعت بتاريخ٢٠ لا تنسى تكرر كلمة لاحول ولا قوة الا بالله فيها فرج عظيمم
رد: تكنسلت فيزتي بدون سبب مقنع وانا بنص مشواري الجامعي
جزاك الله خير يا بعدي ،،
طيب انت ليش تكنسلت ؟!
- - - مشاركة محدثة - - -
جزاك الله خير يا بعدي ،،
طيب انت ليش تكنسلت ؟!
رد: تكنسلت فيزتي بدون سبب مقنع وانا بنص مشواري الجامعي
اقتباس:
المشاركة الأصلية كتبت بواسطة سعود الوايلي
السلام عليكم يا اخوان
انا طالب مبتعث تخصص هندسه صناعيه سنه ثانيه داخل على السمستر الخامس بولاية فرجينيا تكنسلت فيزتي بدون اي سبب مقنع !!.السالفه ان برمضان الي راح نزلت اجازه لسعوديه ويوم جيت ابي ارجع لامريكا الموظف الي بمطار الملك خالد قالي ما تقدر تسافر وراجع السفاره الامريكيه , انا هنا انصدمت ماني مستوعب الي قاعد يصير قتله ليش قالي ما ادري والله بس راجع السفاره لان دايم يصير كذا مع طلاب كثير,, المهم رجعت متضايق ومنغبن ومنصدم ضليت سهران لين الصباح ودقيت على السفاره وقالولي ان فيزتك متكنسله سألت الموظفه وش السبب قالت ما ادري بس اذا تبي ترجع لامريكا تقدر تقدم على فيزا ثانيه,,, وفعلا حجزت موعد على يوم الاثنين وبشوف ,,
السؤال,
المشكله ان دراستي بتبدأ يوم الاثنين يعني بنفس وقت موعدي بسفاره وماني عارف اسوي تأجيل ترم ولا يمكن تطلع خلال كم يوم والحق على الترم هذا؟
في احد واجه نفس المشكله ولا تعرفون احد واجه نفس المشكله؟
وهل الفيزا بتطلع بسرعه او بتاخذ وقت طويل,, او يمكن ما بتطلع؟؟
فيدوني الله يجزاكم خير
وَ عليكم السلام وَ رحمــــة الله وَ بركاته
حياك الله ,,
حسبي الله عليهم .. الله يعينك !
إن شاء الله ما تتأخر, وَ لكن أخوي لابد تخاطب الجامعة وتبلغهم بالأمر في حال التأخير لا قدر الله .. الفيزا قد تأخذ فقط عدة أيام وَ الجامعة تمهلك فترة كافية حتى العودة لأمريكا؟
أيضآ, إستفسر منهم عن سبب إلغاء الفيزا, إحتمال يسألك القنصل عن سبب الإلغاء أيضا حتى وهم على علم مسبق !!
أعانك الله وَ أبلغنا بالمستجدات ,,
رد: تكنسلت فيزتي بدون سبب مقنع وانا بنص مشواري الجامعي
انا كمان تكنسلت فيزتي من المطار بدون اي سبب وقدمت مره ثانيه الاسبوع الماضي ورفضوني. انا الان محتار ايش الخطوه الثانية.
اذا حصل جديد رايح اخبركم.
رد: تكنسلت فيزتي بدون سبب مقنع وانا بنص مشواري الجامعي
معليش سوْال. وش سالفه الفيزا الامريكيه. ليش كل يوم والثاني جالسين يكنسلون فيزه الطلبه. هل الطالب يخطي في بعض الإجراءات وعلي ضوء الخطا تتكنسل. انا سمعت انو قبل ما تغادر امريكا لازم تبلغ مكتب الهجره عشان ما يكنسلون الفيزا
رد: تكنسلت فيزتي بدون سبب مقنع وانا بنص مشواري الجامعي
انا الله وانا اليه راجعون ، الله يكون بعونكم ويسهل اموركم ، ياشباب انا رحلتي يوم الأربعاء ان شاء الله لكن السؤال كيف اعرف حالة الفيزا لان سمعت ناس كثير انلغت فيزهم وياشباب بلغونا وش يصير معكم ، الله يسهل امرنا وأمركم ويوفقنا ويكتب اللي فيه الخير
رد: تكنسلت فيزتي بدون سبب مقنع وانا بنص مشواري الجامعي
الله يفرج كربك وتطلع فيزتك بأسرع وقت
اخذت توقيع السفر من الجامعه وانت راجع للسعوديه؟ ممكن يكون ذا السبب