يا جماعة الخير الجواز بينتهي بعد اربعة ايام وابي امدده هل اروح لهم السفارة ولا ارسله لهم بفيدكس من غير ما اكلمهم
ابي مشورتكم الله يصلحكم وشكرا مقدما
عرض للطباعة
يا جماعة الخير الجواز بينتهي بعد اربعة ايام وابي امدده هل اروح لهم السفارة ولا ارسله لهم بفيدكس من غير ما اكلمهم
ابي مشورتكم الله يصلحكم وشكرا مقدما
تواصل مع الملحقيه
هذا رابط خدمات وزارة الخارجية للسعوديين المقيمين بالخارج
http://www.mofa.gov.sa/EServ/SaudiNa...s/default.aspx
اذا عبيت النموذج اونلاين وسويت سابميت له لازم تطبعه وترسله للسفارة أو القنصلية التي تتبع لها ولايتك. لأني استخرجت تذكرة مرور عن طريق تعبئة النموذج وارسال المستندات اونلاين وانتظرت لمدة اسبوع ولم يتغير الطلب. بعد كذا عرفت أن اونلاين ما يشتغل ولا بد من طباعة الطلب وارسال المستندات للسفارة او أقرب قنصلية لك.
لو اردت التجديد وطلبوا منك ارسال اوراق لابد من الدفع لاعادة الاوراق إليك. يعني اذا رحت مكتب البريد قول لهم ابغى ادفع ل
Send and send back.
وهم يرسلوا اوراقك في ظرف وداخل الظرف يرسلوا ظرف مسبق الدفع حتى القنصلية ترسله له على طول.
نسيت شيء وهو انك لازم تدفع الرسوم ومل هذه التعليمات في الرابط المرفق.
اتمنى أني اكون افدتك.
هذي الخدمة متوقفة في الوقت الحالي ... لاني جربتها ودفعت وعبيت النموذج وكل شي في شهر ديسمبر الماضي وانتظرت الرد شهر كامل بس ماوصلني شي .. ولما تواصلت مع السفارة بعدها قالولي ان الخدمة موقفة وعندهم تعليمات جديدة ..اقتباس:
المشاركة الأصلية كتبت بواسطة أبو عبدالرحمن١
واشاروا علي اني احمل النموذج من موقع القنصلية واشوف المتطلبات وارسلها عن طريق البريد لهم .. وطبعاً قالولي بالنسبة للمبلغ اللي دفعته لانجاز اقدر استرجعه متى مارجعت السعودية عن طريق الوزارة !
وعملت مثل ماقالولي وارسلت لهم الاوراق مع الجواز ومددولي , والمضحك في الامر قبل كم يوم جاتني رسالة على البريد بخصوص الطلب اللي رفعته اون لاين من موقع وزارة الخارجية الغوه ههههه .
بعموم الحال , انا مددت جوازي قبل كم اسبوع , وراح اشرح لك الخطوات اللي سويتها :
1. كتابة خطاب طلب تمديد وتطبعة وتوقعة.
2. تطلب خطاب إفادة من الملحقية عن طريق بوابة سفير ( بتلاقية تحت الخدمات الشخصية).
3. تحط الورقتين في ظرف وتحط معها الجواز المنتهي.
4. تروح للـ USPS او FedEx وتاخذ من عندهم ظرفين , ظرف توجهه الى القنصلية , والثاني توجهه على عنوانك.
5. تحط الاوراق والجواز والظرف اللي موجهه لعنوانك داخل الظرف اللي موجهه للقنصلية.
6. تدفع قيمة الظرفين وترسله للسفارة.
واول مايوصلهم احسب لهم يوم واليوم اللي عقبه راح يرسلون لك الجواز مختوم وعليه التمديد.
لانهم يعملون التمديد مباشرة اول مايستلمون الجواز والعملية ماتاخذ معهم 10 دقايق على كلام الموظفة اللي كلمتها.
لكن الوقت الباقي يكون على البريد على مايوصلهم ويختمونه ويرسلونه ويوصلك بياخذ له وقت .. وهذا الوقت انت اللي تحدده لما تجي ترسل لهم الاوراق !
انا ارسلت اوراقي قبل كم اسبوع عن طريق ال USPS وخليتها Overnight اخذوا علي تقريبا 46 دولار قيمة الظرفين ..
ارسلتها الثلاثاء ووصلتني السبت. والوقت اللي ارسلتها فيه كانت الاجواء تعبانه في بعض الولايات اللي مر عليها البريد.. يعني تأخر البريد كان بسبب الاجواء!
ولكن لما وصلهم البريد اخذ عندهم البريد يوم كامل , ثاني يوم ارسلوه .. ووصلني بعد اربع ايام من ارسلته !
اذا انت بتروح لهم , العملية ماتاخذ اكثر من 10 دقايق .. يختمونه وانت واقف !