مساعدة بتروح على حسابك؟ حط سؤالك هنا و نجاوبك

نصيحه لاتسوي شي الحين ايذا قربت تخلص الثنويه ابدا لان كل يوم ينزلو قانون جديد
ومثل الضمان ايذا تاريخ اصداره قديم مايقبلوننه


( تمت المشاركة باستخدام تطبيق مبتعث )

لالا
حاليا اذا رايحه معهد لغه يطلبون سجل 4 شهور يحتوي على درجاتك وحضورك وغيابك. اما اذا عندك لغه وطالعه ماستر نفس الشي يبغون 4 شهور يعني سمستر كامل والسمستر للماستر على الاقل 9 ساعات اكاديميه - للطلبه الاجانب.

افضل طريقه هي استخراج شهاده بنكيه باسم صاحب الحساب غير موجهة لاحد ونرفق معها استمارة المعهد او الجامعه (هذي طريقتي مع كل الطلاب ومقبوله في الجامعات والمعاهد)
وليس ضروري ان تكون الشهادة البنكية باسم الطالب ابدا و ليس ضروري ذكر اسم الطالب في الشهادة البنكية.

طيبب ممكن مساعدة هنا الموضوع

http://www.mbt3th.us/vb/forum16/thre...l#.UpLyMMQXFrM

وشكرا لك

بسم الله الرحمن الرحيم

السلام عليكم ورحمة الله وبركاته،،،

حبيت أستفسر منكم ياليت تفيدوني الله يوفقكم جميعاً
أنا موظف حكومي متخرج دبلوم حاسب آلي شبكات .. وزوجتي أنهت البكالوريس من جامعة الملك سعود تخصص علم أجتماع
الحين يا أخوان حاب أطلع ندرس أنا وزوجتي في أمريكا لتكملتي درجة البكالوريس وزوجتي الماجستير مع العلم أنا عندي قبول
من جامعة في الجامعة أنا وزوجتي .. والحين أباخذ إجازة إستثنائية وراح أطلع على حسابي الخاص مدة الإجازة الي باخذها 6 شهور
سؤالي يا أخوان /
هل أقدر أطلع مرافق وأنا موظف حكومي على ساس أن زوجتي تدرس على حسابي الخاص وأكون مرافق ؟
هل يتم قبولي في البعثه ؟
كم المدة المستغرقة لقبول زوجتي للبعثه ؟
مع العلم إن دوامي موافقين وعندهم خبر إني طالع إستثنائي وإن راح أدرس متسهلين مره معي ..

بس أول شي بخلي زوجتي تدرس بدفع حق المعهد لين تنظم للبعثه وأنا بعد ما أنظم علشان الميزانية

وإيش الشروط المطلوبه مني
حيث إني عندي قبول من معهد + قبول جامعة لي أنا وزوجتي

أمل من الاخوان مساعدتي حيث لا أعلم أي شي
فيكم الخير والبركة والله يوفق الجميع

السلام عليكم ورحمة الله و بركاته

بعد ما خلصت كل اجرائاتي من قبول و فيزا و حجوزات

قدمت على الموافقة وجاني رد بالرفض بسبب انه التخصص في الجامعه متكدس

مع العلم اني مشيك قبل لا اقدم وكان التخصص مفتوح وكلشي اوك

ياناس ساعدوني رجاءا والله حالتي حالة بعد كل هذا التعب والمصاريف يجون يرفضوني

وش اسووي في هاذي الحالة؟؟؟



( تمت المشاركة باستخدام تطبيق مبتعث )

كثير طﻻب مروا في نفس وضعك. بعضهم تكدس تخصصه قبل الموافقه ورفضوه وبعضهم تكدس تخصصه بعد الموافقه ورفضوا الحاقه. لذلك المفروض الطالب يبتعد عن الجامعات اللي تتكدس بسهوله.

Sent from my GT-I9300 using مبتعث mobile app

السلام عليكم .. اخوي انا حبيت استفسر
انا جبت قبول من معهد ومن جامعة والاي تونتي وطلعت فيزتي الحمدلله بقى عندي فتح ملف طالب مبتعث على حسابه الخاص مادري شنو المطلوب او شنو اسوي بالضبط لان اغلب المواضيع والشروط اللي قريتها قديمة ويقولون صار تجديد وكذا ف ياريت تقولي بالضبط وش اسوي واكون لك من الشاكرين

ادخل موقع وزارة التعليم العالي وانقر على "طلب دراسه على الحساب الخاص" ثم اختار البلد تحصل كل طلباتهم قدامك. شوفها ورتب اوراقك وخلي حجم الملف اقل من 500 كيلو بايت.


Sent from my GT-I9300 using مبتعث mobile app

اخواني انا موظف قطاع خاص وأخذت اجازه استثنائيه من الشركة مدة سنتين وراح اطلع بإذن الله علي حسابي الخاص لإكمال دراسة الماجستير لكن هل اذا كان اسمي في التامينات مايضموني في البعثه ؟ واذا كان كذا وش الحل هل اقدم استقالتي ؟

وأبي افضل مكان لدراسة اللغه تكون مدينة رخيصه وحلوة ويفضل كاليفورنيا ؟ لان راح تكون معاي زوجتي ولازم الجو يكون غير كئيب

وأتمنى احد يفيدنا ،،، وجزاكم الله خير


( تمت المشاركة باستخدام تطبيق مبتعث )