مساعدة بتروح على حسابك؟ حط سؤالك هنا و نجاوبك

السلام عليكم ورحمة الله وبركاته

كيفك اخوي

قريت في موضوع عن ارخص المعاهد في امريكا

ولقيت رد لك انك مجهز حوالي 20 مدينة بمعاهدها وجامعاتها وبتنزلها قريب

هل نزلتها ولا لا وربي مضيع ومحتاج من يساعدني ابي قبول مشروط معهد تابع جامعة واسعارها رخيصة ومعقولة

بيض الله وجهك مقدما

حبيبي يا لبى انا لي فترة تارك الدراسة يعني من خذيت الثانوي صارلي خمس سنوات المكتب الاول الخايس ما ادري وش حط مع اني ما عطيته شي اني وش سويت في هاذي الفترة ما ادري وش كتب الخايس
بعدين الفيفا قالي لازم تعرف وش كاتب المكتب الاول لان السفارة مو بسيطة تطلع الي ما يتطلع
وفيه حاجه ثانية انا كافلني اخوي يوم رحت مكتب الفيفا قال لا خل ابوك يكفلك لانه افضل اهم يقدرون الاب كثير كثير
مافهمتك يعني مافيه امل اني احصل على الفيزة علشان عندهم ملفي
شف يا انا يا الفيزة وذا ماطلعته ما اكون عبدالرحمن بايات

يالبى كندا بنشدك عن جامعة اسمه جامعة انهار تومسون وش وضعه
انا دخلت على الجامعات الموصى به وطلعت موقفة ما ادري يمكن وقفت ثم تغير وضعه الحين
والله العضيم يا لبى كندا انا الحين في الرياض وعندي واحد في كندا قسم بالله ان مخه مخ زبالة ما ادري يتعمد ولا مو منه من الخيشة ما ادري وش وضعه والله العضيم مريض نقدر نقول انه مريض يعني قسم بالله طلب يجدد قبول اللغة حقي بالعافية جدده وقايله ابيه اكثر من شهر علشان الفيزة اذا طلعت لسى ما بدت الدراسة تبدى بعد الفيزة مو نفس اول يوم اقدم عليهم كانت الدراسة بدات والفيزة ما خلصت وهذا سبب من الاسباب الرفض الفيزة والحين مدد علي بس بعد عشر ايام تبدى دراستي شفت قمة المرض ثاني شي بالعافية رسل لي قبول جامعة اول ما رسله غلط شف غلط واهو اكثر من سنة في كندا والله ما ادري وش يسوي هناك شكله يبيع هدومه على ربع دولار فلس دولار والحين رسله لي والدراسة نفس الشي بعد يمكن عشرين يوم كذا قمة المرض مو بس كذا طلعت الجامعة الي اسمه جامعة انهار تومسون مرفوضة لتكدس الطلاب في هاذي الجامعة
يا جماعة ابي واحد يعلمني عنه عن هاذي الجامعة اسمه جامعة انهار تومسون وعن كل شي فيه

حنا نسولف ونضحك ولكن ساعة الجد نكون جد لكن فيه ناس فيهم قمة المرض لايصلحون لا دراسة ولا طرارة
وافهم يا فاهم