الغاء الطلب

السلام عليكم
كل عام وانتو بخير


انا ارسلت طلب الحاق ورجعلي الطلب غير مقبول بس مدري اذا تقفل ولالا ؟
كيف اعرف ؟
هذا الكلام اللي مكتوب
المكرمة الطالبة/ آمل التأكد من وضع كلمة ( بكالوريوس ، ماجستير، ...) بدلا من كلمة ( لغة) في حقل المرحلة الدراسية الحالية لطلب الالحاق.، ملحوظة: لكي يتم التعديل يجب طلب تعديل بيانات دراسية اولا ثم بعد الموافقه عليه ترفع طلب الحاق جديد،مع التأكد من ارفاق جميع المستندات المطلوبة بالاضافة الى الثقرير الدراسى والقبول الاكاديمى. 2- حسب تعليمات الوزارة يجب ارفاق صورة لتقرير دراسي مفصل خلال مدة لاتقل عن 4 اشهر يوضح التالي(1-تاريخ بدء الدراسة،2- انتظامك في الدراسة "نسبة الحضور والغياب" ،3- مستواك الدراسي " كشف الدرجات التي تحصلت عليها" ). 3- ارفاق خطاب القبول الاكاديمي للجامعة والتخصص المشار اليهما في طلب الالحاق. 5- ارفاق صورة لبطاقة الهوية الوطنية للمحرم المرافق ، واقرار منه بالتعهد بمرافقتك لمدة الدراسة .


واغير من لغه الي بكالورس وانا المرحله الحاليه لغه ؟؟؟؟!


الله يعطيكم العافيه

لابد ترفعين قبول الجامعه بالتخصص اللي انتي بتدرسينه بعد انتهائك من اللغه ..
يعني لو كنتي تدرسين بمعهد خاص مثل معاهد الـ els او كابلان .. ومامعك قبول جامعي ..
لابد تجيبين قبول جامعي .. وترفعين القبول الجامعي مع اوراق المعهد الحالي ..

والمرحله تحطينها بكالريوس او ماستر على حسب المرحله اللي راح تدرسينها بعد انتهائك من اللغه ..
وتحطين التخصص اللي انتي راح تدرسينه بالجامعه (اللي مكتوب بالقبول الجامعي) ..

واما عن المعهد فترفقين قبول المعهد + تقرير دراسي للمعهد + نسبة الحضور والغياب + وكشف درجات ..

والمرحله الدراسيه الحاليه .. المراد منها هي المرحله الأكاديميه الجامعيه .. يعني انتي جيتي امريكا بتدرسين بكالريوس او ماستر او دكتوراه ؟

يعني اللي راح تضيفينه بالطلب هو :
- قبول جامعي (مشروط او نهائي)
- تعديل المرحله الى البكالريوس او الماستر (حسب المكتوب بالقبول الجامعي)
- تغيير التخصص وجعله التخصص اللي مكتوب بالقبول الجامعي
- قبول اللغه في المعهد الحالي + التقرير الدراسي + نسبة الانتظام + كشف درجات جديد
- صوره من بطاقة احوال المحرم + اقرار منه بالتعهد بمرافقتك لمدة الدراسه.


والطلب ماتقفل مثل ماهو مكتوب برسالة المشرف على الالحاق ..
ترفعين طلب تعديل البيانات الدراسيه .. وترفقين المعلومات المذكوره اعلاه ..
وبعد ماينتهي الطلب بالقبول .. ترفعين طلب جديد "طلب ألحاق" .. وترفقين فيه جميع المستندات المذكوره اعلاه مره اخرى !