في غايه الاهميه قبل الوصول الى مطار نيويورك

السلام عليكم ورحمه الله وبركاته اخواني جميع الطلاب المبتعثين او اللي قادمين على حسابهم الخاص احب انبهكم على شغله مهم جدا جداا جدااااا خاصه في المطارات وخاصه الطلاب اللي اول مره يجون امريكا احب انبه على شغله التكاسي اللي بدون شركه ويجونك عند الرحلات القادمه من السعوديه ويتصيدون للسعودين و اول ما تطلع يجونك يقولون لك تبي تاكسي المصيبه انه يضحكون على الطلاب وياخذون منهم فوق 500 دولار والمشوار 10 دولار القصه هذي حصلت لي قبل سنتين اول وصول لي امريكا محد نبهني على هذي الشغله جاني واحد قلي تاكسي قلت له اوكي و وصلني واخذ مني 300 دولار وانا كنت احسب انه عادي لآنها اول مره لكن بعد سنتين اليوم رحت المطار استقبل صاحبي ولقيت نفس الشركه اللي اخذت مني الفلوس موجوده والطلاب اي احد يجيهم يروحون معه فا حبيت انبه الطلاب انهم هذي شركه نصابه وان بره على طول اول ما يطلع يلقى شركه التاكسي اللي لونها اصفر اللي هي التكاسي الرسميه وارخص بكثثثثيييير من الحراميه اللي يتصيدون للسعودين لا والمشكله يضيعهم يقولهم التكاسي فوق وهو نصاب التكاسي قدامهم اول ما يطلع من الشارع وانبه لا يركب الى مع التكاسي الصفره حتى العرب صارو ينصبون على السعودين المهم كلمت كذا واحد كان بيروح معاهم ونبهته المهم حق الاشخاص الحراميه حس انه في غلط ان محد راضي يركب معاهم وعرف اني جالس انبهم جا وقلي ليش انت تسوي كذا قلت له ان ما ارضى على اي سعودي انه ينضحك عليه جا قلي السعودين فلوسكم كثيره وانتم اغبياء قلت له هين فا حبيت انبهكم رجاء اي احد بيسافر ينتبه انه ما يركب مع الاشخاص اللي اول ما يطلع يجونه يقولون له تاكسي في ((مطار نيويورك)) اذا تبي تاكسي اطلع بره على الشارع طوالي بتلقى سيارات لونها اصفر غيرها لا تركب هذي مضمونه وافضل وياريت الحاضر يبلغ الغايب اي استفسار انا في خدمتكم دعواتكم لي بالتوفيق و بالتوفيق لكم بدراستكم وشكرا ……..

شكرا لك على تنبيهك المهم

وهذا ان دل فيدل على حرصك واهتمامك بإخوانك المبتعثين

فجزاك الله خيرا

وعن اذنك بغيت اضيف تنبيهين آخرين

وهو ان بصراحة انا اقول اي تاكسي بتركب له شوف كم يحسب اول شيء لكل مايل وقعدة الكرسي كم يحسبها وشغل بعدين الجي بي اس في جوالك واحسبها حق اذا جاء وقت الحساب تقدر تتفاهم معاه

وايضا نقطة ثانية

كثير من العرب ينضحك عليهم بهالمقلب

وهو ان السواق ما يروح لأسهل طريق وانه يكون مختصر لا بل هو متعمد يروح لأبعد طريق ويضيع وقتك ويسولف معك حق لا تنتبه له وفي الأخير تطلع التكلفة عالية


احببت ان انبهكم لا اكثر

مجددا اجدد شكري لك يا mbt3th NYC على التنبيه

وفقك الله

مشكورين على التنبيه ، الله يعطيكم العافيه ،،

الله يعافيك -------------------------

بكرا بتكون طيارتي لامريكا اول مره ازورها و الحمد لله اني شفت الموضوع قبل لا امشي

يعطيكم الف عافيه و ان شاء الله في موازين حسناتكم

الكثير عانو منهم وهذا اللي جبرني اكتب الموضوع وانك تركب مع الكدادين مخالفه للنظام لانه مو مصرح لهم وزياده راح يسرقونك

بالتوفيق لك وللجميع ان شاء الله ياريت الجميع يوصلوها لآكبر عدد ممكن

ما قصرت ي الذيب ، انشهد انك شنب ، انا لو اني مكانك صكيته كف يدخل غيبوبه اسبوعين ، حراميه

انا ما يقهرني الا العربي ويلعب على السعودي ، خاصتا العرب اللي عايشين هنا ، ملاعين

حسبي الله عليهم ، لاهنت ي غالي ،


تحياتي ،

كلام صحيح المشكله يتصيدون لنا ومخالفين النظام ويضحكون علينا

يعطيك العافيه

شكرآآ