بخصوص موافقة الوزارة . . اتمنى م تطنشوني
السلام عليكم
صبحكم \ مساكم الله بالخير
وكل عام وانتم بخير
انا ان شاء الله طالع على حسابي الخاص لامريكا
ومع النظام الجديد اذا ابي انظم لازم اخذ موافقة وزارة التعليم العالي قبل السفر
المهم
انا عندي قبول جامعه ومعهد في جامعة ميرسر في ماكون اتلانتا , جيورجيا
لكن حبيت اغير اللغة وبجيب لغة من اي معهد في مدينة ساندييقو
السؤال هل طريقتي نظاميه اني اجيب قبول من معهد مختلف عن الجامعه الي عندي قبول فيها يعني توافق الوزارة او لا
انتظر ردكم والي عنده تجارب تعقيد مع الوزارة يعطيني خبر يعني انا مثلا خلصت كل شي بس باقي الوزارة ومتوقع تنشب لي
لاني اعرف اثنين قبلي بنفس الجامعه الي انا رايح لها رفضتهم الوزارة
اماااااااااااانة م تتجاهلون الموضوع جدا مهم ردكم
رد: بخصوص موافقة الوزارة . . اتمنى م تطنشوني
وعليكم السلام ورحمة الله
ما أعتقد فيه أي مشكلة الي أعرفه أهم شئ قبول الجامعة .. لأن المبتعث يقدر يدرس اللغة في ولاية والجامعة في ولاية غير
فأعتقد نفس الحكي ينطبق عليك ..
معلومتي هذي مجرد تحليل شخصي ، وممكن أحد الأعضاء يجي بعدي ويأدني أو يصحح لي المعلومة
أسأل الله لك التوفيق والستر والسداد دنيا وآخرة
رد: بخصوص موافقة الوزارة . . اتمنى م تطنشوني
لا صح كلام العنود
عادي الجامعه بجهه والمعهد بجهه ، بس القبول الجامعي اهم .
لكن حط ببالك ان الدراسه بمعهد لا يتبع لجامعتك ممكن يسبب لك عوائق بالقبول النهائي
يعني لو درست بمعهد الجامعه تضمن تدخل الجامعه بدون مشاكل في حال خلصت المعهد حقهم
اما اذا درست بمعهد اخر اعمل حسابك انك تجيب درجه اللغه المطلوبه في الجامعه سواء كانت ايلس او توفل
ولو كانت الدرجة الي يبونها ٦ وفوق أنصحك ترجع لمعهدك التابع للجامعه الا اذا لغتك اصلا ممتازة .
وبس
رد: بخصوص موافقة الوزارة . . اتمنى م تطنشوني
اقتباس:
المشاركة الأصلية كتبت بواسطة أنا العنود
وعليكم السلام ورحمة الله
ما أعتقد فيه أي مشكلة الي أعرفه أهم شئ قبول الجامعة .. لأن المبتعث يقدر يدرس اللغة في ولاية والجامعة في ولاية غير
فأعتقد نفس الحكي ينطبق عليك ..
معلومتي هذي مجرد تحليل شخصي ، وممكن أحد الأعضاء يجي بعدي ويأدني أو يصحح لي المعلومة
أسأل الله لك التوفيق والستر والسداد دنيا وآخرة
شككرآ العنووود واتمنى كلامك يكون الصح لاني متلخبط خآآآآآآآآآآآلص ><
- - - مشاركة محدثة - - -
اقتباس:
المشاركة الأصلية كتبت بواسطة Miss Hayfa
لا صح كلام العنود
عادي الجامعه بجهه والمعهد بجهه ، بس القبول الجامعي اهم .
لكن حط ببالك ان الدراسه بمعهد لا يتبع لجامعتك ممكن يسبب لك عوائق بالقبول النهائي
يعني لو درست بمعهد الجامعه تضمن تدخل الجامعه بدون مشاكل في حال خلصت المعهد حقهم
اما اذا درست بمعهد اخر اعمل حسابك انك تجيب درجه اللغه المطلوبه في الجامعه سواء كانت ايلس او توفل
ولو كانت الدرجة الي يبونها ٦ وفوق أنصحك ترجع لمعهدك التابع للجامعه الا اذا لغتك اصلا ممتازة .
وبس
باذن الله انها تتيسر اهم شي يعطوني قبول وانا اذا صرت هناك باعرف اتصرف ^^
شكككرا ي غاليةة
رد: بخصوص موافقة الوزارة . . اتمنى م تطنشوني
رد: بخصوص موافقة الوزارة . . اتمنى م تطنشوني
مع الاخت العنود كلامها ان شاء الله صحيح لاني اعرف واحد مبتعث بامريكا والحين راح يغير ولايته الي فيها المعهد ويروح الولاية الي فيها الجامعه والملحقيه عاددي جدا وانتا اسال اكثر واتاكد ونصيحتي لك حاول تجيب رقم الملحقية بامريكا وتتصل عليهم تقريبا اكثر الموظفين هناك يستخدمو التانقو والفايبر حسب ما سمعت
بالتوفيق