رفض طلبي من دون سبب؟

السلام عليكم،
جاني رفض طلب على دراسة على الحساب الخاص بدون ذكر اي سبب ليه؟ انا متآكد اني ارفقت كل شي صح! قبول جامعة بعد!
رحلتي بعد بكرة ايش اسوي؟ اسوي طلب جديد الحين ولا عادي من هناك؟ (مع العلم اني لن اتمكن من حضور المؤتمر)
الله يعين :)

نفس الحاله اليوم جاني رفض بالايميل بدون ذكر سبب وقالو لي ارفع طلب جديد
سفرتي بعد اسبوع

ارفع طلب واذا تقدر تمرهم قبل تسافر او احد من اهلك يمرهم يشرح لهم سالفتك انك سافرت وانت ما جاك رد على طلبك افضل

حسبي الله ونعم الوكيل على الي يطقطق علينا
انا نفس حالتكم تم رفض طلبي بدون سبب ورحلتي بعد اسبوع ان شاء الله
والله ناس ما تخاف الله
عزيزي الطالب/ـة : تم رفض طلبكم رقم (*****55) نأمل التكرم بالتقديم على طلب الدراسة على الحساب الخاص جديد مع ارفاق كافة المستندات المطلوبة
الله لا يوفق من كان السبب
للعلم انا طالع الرياض قاعد ادور حجز والله لا اروح الوزارة واقابل المسؤول

يا اخوان مين يقدر يجي الرياض او من الرياض وتم رفض طلبه
ويبغا يروح الوزارة
ياريت الي رايح يراسلني

الغريب هو ان مجموعة كبيرة جاهم رفض أمس وأنا ماجاني، مع اني نسيت أسوي الكشف الطبي ولا قدرت أرفع لهم نموذج التعهد. متى قدمتوا طلباتكم ياشباب؟ أنا مقدم في 24 جولاي.

أتوقع الرفض سببه عطل فني لأنهم رفضوا ناس كثير بنفس الوقت وبدون أسباب .. قدموا مرة ثانية وان شاء الله بتنحل أموركم.

الله يسهل على الجميع