تكفون ياللي انضميتوا افزعوا لي الله يوفقكم
السلام عليكم
الموضوع بإختصار ، انا جاني قبول مشروط باللغه ولا حددوا التخصص حقي في القبول
بس انا يوم قدمت في الوزارة طلب على الحساب الخاص اخترت تخصصص ووافقت عليه الوزاره
لكن خايف اني اسوي طلب التحاق ويرفضون لأن مو محدد لي تخصص
هل هو عادي ؟ ولا لازم يحددون تخصص ؟
تكفون
تكفون
رد: تكفون ياللي انضميتوا افزعوا لي الله يوفقكم
ولا رد ، شكلكم من انضميتوا سحبتوا على العالم
طيب طيب
رد: تكفون ياللي انضميتوا افزعوا لي الله يوفقكم
ههههه حبيب قلبي انا الي اعرفه لازم تجيب قبولين قبول لغه وقبول جامعي هدا الي اقدر افيدك فيه وبالتوفيق يارب دعواتك انا لسا محتار بين امريكا وكندا ونيوزلندا :eek:
رد: تكفون ياللي انضميتوا افزعوا لي الله يوفقكم
لازم تحدد تخصص ... اطلب من جامعتك تعدل القبول وتكتب تخصص محدد ... وعقبال الالحاق :)
رد: تكفون ياللي انضميتوا افزعوا لي الله يوفقكم
لازم التخصص
كلم الجامعه او راسلهم علي الايميل
رد: تكفون ياللي انضميتوا افزعوا لي الله يوفقكم
يالربع ، انا قدمت على الوزارة على طلب دراسه على الحساب الخاص ، يوم كنت في السعوديه وتأخروا علي وجيتهم ، وقابلت الدكتور هذال وقال ليه ما فيه تخصص قلت له الجامعه نظامها كيذا
تعطي قبول مشروط بدون تخصص لازم اخلص المعهد ويحددون تخصص ، قال طيب انت وش تبي تدرس ، قلت هندسة كيميائية قال خلاص ، خل اللي يعدل الابليكيشن يحط لك تخصص هندسة كيميائية ، واخذت قبول دراسه على الحساب الخاص في تخصصي ، يعني الوزارة موافقه ، طيب اذا رحت للجامعة وقالت لا ، وش الحل ،
هل تتوقعون يرفضون الملحقيه والوزارة موافقه ، ولا وش الحل ،
تحياتي ، الله يوفقكم ردوا بالصحيح
رد: تكفون ياللي انضميتوا افزعوا لي الله يوفقكم
اقتباس:
المشاركة الأصلية كتبت بواسطة The legend of CHEM
يالربع ، انا قدمت على الوزارة على طلب دراسه على الحساب الخاص ، يوم كنت في السعوديه وتأخروا علي وجيتهم ، وقابلت الدكتور هذال وقال ليه ما فيه تخصص قلت له الجامعه نظامها كيذا
تعطي قبول مشروط بدون تخصص لازم اخلص المعهد ويحددون تخصص ، قال طيب انت وش تبي تدرس ، قلت هندسة كيميائية قال خلاص ، خل اللي يعدل الابليكيشن يحط لك تخصص هندسة كيميائية ، واخذت قبول دراسه على الحساب الخاص في تخصصي ، يعني الوزارة موافقه ، طيب اذا رحت للجامعة وقالت لا ، وش الحل ،
هل تتوقعون يرفضون الملحقيه والوزارة موافقه ، ولا وش الحل ،
تحياتي ، الله يوفقكم ردوا بالصحيح
ماراح يدققون , بس قلهم إن نظام الجامعة كيذا .. أمورك في السمبتيك يابطل
رد: تكفون ياللي انضميتوا افزعوا لي الله يوفقكم
اقتباس:
المشاركة الأصلية كتبت بواسطة The legend of CHEM
يالربع ، انا قدمت على الوزارة على طلب دراسه على الحساب الخاص ، يوم كنت في السعوديه وتأخروا علي وجيتهم ، وقابلت الدكتور هذال وقال ليه ما فيه تخصص قلت له الجامعه نظامها كيذا
تعطي قبول مشروط بدون تخصص لازم اخلص المعهد ويحددون تخصص ، قال طيب انت وش تبي تدرس ، قلت هندسة كيميائية قال خلاص ، خل اللي يعدل الابليكيشن يحط لك تخصص هندسة كيميائية ، واخذت قبول دراسه على الحساب الخاص في تخصصي ، يعني الوزارة موافقه ، طيب اذا رحت للجامعة وقالت لا ، وش الحل ،
هل تتوقعون يرفضون الملحقيه والوزارة موافقه ، ولا وش الحل ،
تحياتي ، الله يوفقكم ردوا بالصحيح
انت اذا وصلت هنا خلاص مالك شغل بالتعليم العالي
يمديك تغير كل شي
الاهم انه جتك موفقه من التعليم ورتحت منهم
رد: تكفون ياللي انضميتوا افزعوا لي الله يوفقكم
الله يعطيكم العافيه ، ما قصرتوا
ابشركم رحت للمشرفه حقت الدارسين على الحساب الخاص ، وكتبت لي توصيه في التخصص اللي ابيه ،
وانتهينا من ذا الوزارة والملحقيه المعقدين
بيض الله وجيهكم ، والله يكتب لنا الانضمام
تحياتي ،
رد: تكفون ياللي انضميتوا افزعوا لي الله يوفقكم
انا نفس موضوعك .. سويت طلب وانرفض قبل يومين بسبب ان ورقة القبول مافيها اسم التخصص !!
راسلت الجامعه وقالوا احنا نظامنا كذا !! وش الحل