أقدر أطلع قرض وأطلع ادرس من دون متاعب ( تكفون ساعدوني ) !!!

السلام عليكم ورحمة الله وبركاته !!
اسعد الله اوقاتكم بكل خير

شباب انا عندي دبلوم Electrical Power ومتخرج من معهد الجبيل التقني .. و كلمني واحد من ربعي يقول فيه جامعة اوهايو يعادلون موادنا
لأن دراستنا كلها انجليزية ونظام اميركا السنة التحضيرية !!
عموما يقول لي ثلاث سنوات تخلص باكالوريوس في جامعة اوهايو .. جلست افكر في الموضوع
اللي حصل ان جاني عرضين من شركة سابك و شركة ساسرف ( مصفاة ارامكو ) .. قررت اني اوافق وانضم لشركة ساسرف كون العرض كان اعلى
اعطوني 9300 ريال راتب شهري .. طبعا معروف نظام الشركات بونس سنوي و اوفر تايم ومن هالاشياء .. وعطوني مرتبة technician ( فني )
راح اباشر الوظيفه في 18/10 يعني تقريبا بعد اسبوع من تاريخ اليوم !!
..
خلاصة الموضوع اقدر اطلع قرض 150 او 170 ألف من احد البنوك وأطلع اكمل دراستي برا ( طبعا من دون ما اسدد البنك !! )
يعني راح يكون رصيدي بالسالب .. لكن احد الاصدقاء يقول لي اذا بتطلع قرض وطلعت برا السعودية بيحطونك في بالاك لست واذا رديت السعودية ع طول ع السجن او محاكمه او زي كذا وانا ما أبي هالمشاكل .. !!
...
أحد ينصحني بالافضل اجمع مبلغ 60 ألف الى 70 ألف راح تكفي أو شنو اسوي والله محتار وابي ادرس ابي اكون مهندس وعمري لازلت صغير جدا 21 سنة !!
..
تكفون ساعدوني والله ما أدري من وين أجي لها :( !!!

شد الحزام ... واجمع فلوسك لمدة 6 شهور ... وخلال الفترة هذي طور لغتك الانجليزية ... وبعدها وسافر بفلوسك الخاصه ... علشان الله يوفقك بدراستك ويكتب لك الخير.

اخوي محمد 6 شهور ما تجيب لي 60 ألف و 60 ألف ما تأكلك عيش في امريكا عشان ازين اموري في 4 الى 5 شهور و غير هذا كله ما تدري ألتحق بالبعثه او لا !!
قلت دامها كذا اطلع قرض واطلع وانا والله العظيم ما ودي يكون علي اي التزامات داخلية او خارجية أبي اتفرغ لدراستي وحياتي اذا طلعت امريكا !!!
بس ما ادري لو طلعت قرض بيشغلوني ويقروشوني ولا وش العلم !!

ما اعتقد بيصير لك شي اذا طلعت قرض وسحبت عليهم ... بس الفلوس راح تبقاء بذمتك ... وانت ملتزم بالدفع شهريا معاهم .... وانت ما تبي شي بذمتك ... وتبي تسافر وتطلب التوفيق والشهادة ... القرار لك !

- - - مشاركة محدثة - - -

ما اعتقد بيصير لك شي اذا طلعت قرض وسحبت عليهم ... بس الفلوس راح تبقاء بذمتك ... وانت ملتزم بالدفع شهريا معاهم .... وانت ما تبي شي بذمتك ... وتبي تسافر وتطلب التوفيق والشهادة ... القرار لك !

اول شي ما عليك شي من البنك ابد لا محاكم ولا شي ’ بس راح تحتاج قرض في المستقبل لو بعد 100 سنه وراح يكون اسمك مدرج في البلاك ليست في سما

من ناحية السفر وسافر والفلوس بجيبك وانت متطمن

من ناحية القرار وظيفك حلوه ومرتبك عالي وحلو لو تفكر وتسافر وغربه وتحصل على بكالوريوس بترجع بنفس المرتب او اقل او اعلا بقليل جداً والقرض سالب عليك

فكر بجد قبل القرار

اقتباس:

---

المشاركة الأصلية كتبت بواسطة LAVETZZI

اخوي محمد 6 شهور ما تجيب لي 60 ألف و 60 ألف ما تأكلك عيش في امريكا عشان ازين اموري في 4 الى 5 شهور و غير هذا كله ما تدري ألتحق بالبعثه او لا !!
قلت دامها كذا اطلع قرض واطلع وانا والله العظيم ما ودي يكون علي اي التزامات داخلية او خارجية أبي اتفرغ لدراستي وحياتي اذا طلعت امريكا !!!
بس ما ادري لو طلعت قرض بيشغلوني ويقروشوني ولا وش العلم !!

---

اخوي ربي يَ سعدكك
بالاول الله يحقق مرادك وييسر لك امرك خيي
-
شدني موضوعك وحبيت اديك كم فكرة وومكن تنفعكك اخوي
اللي عرفته انو تبي تأخذ قرض وتسحب عَ البنك ومادري وش ..... دا الشيء موب في صالحك ابداً بالاول رح تحس بالذنب ف كيف تبي تسافر وتتوفق هناكك !!!

انت لو بحث حتلاقي معاهد واشياء حلوة ورخيصةةة والله م تكلفك 50 الف
شوف لك ولايات رخيصة اوك واجلس فيها لما تنظم وبعدها روح أي ولاية تبيها
عندك بورتلاند فيها معهد حلو وبطل قيمتة لمدة 5 اشهر ب 32 الف ( سكن مع وجبتين + معهد )
ومع شغلااته البقية حتكلفك 10 الاف يعني 42 الف لمدة 5 اشهر مع التذاكر والسيفس حق الفيزا وكل شيء

استخير ربك وفكر وابحث والله يوفقك اخوي