بخصوص الفحص الطبي

بنسبة للرياض يقول التعليم العالي في تنسيق معهم لانهم ما يستقبلو الطلاب قالو لصاحبي سوي الفحص في مستشفي خاص

راح لمستشفي ابانمي وسوا طلب وافقو على الطلب دارس على الحساب الخاص

يا جماعة الخير !!!
الفحص الطبي من خلال تجربتي المتعبه مع الإجراءات ( العقبات ) لطلب الدراسة على الحساب الخاص
تبين لي بالأخير بعد ما استخرجت الفيزا وجهزت قبول المعهد وقبول الجامعه وصورة الجواز وصورة بطاقة الاحوال وشهادة الثانويه
ودخلت على الموقع وعبيت المعلومات ونزلت الملفات , وبعدين ( الصدمه ) ما لقيت خانه لتنزيل استمارة الفحص الطبي !!!!؟؟؟؟؟
ف وش الموضوع بالضبط , خلاص ما يحتاجون الفحص , ولا يحتاجونه بالمستقبل , ولا زيادة عقبات على الفاضي !!!!!!!
( حاليا تم ارسال طلبي للجنة وما نقول الا الله يستر )

أخوي أنا دارس على حسابي الخاص ورحت عملت الفحص الطبي في الدمام في (مركز اللياقة الطبية) هالمراكز موجوده في كل المدن وهي المراكز اللي تعمل فحوصات ما قبل الزواج وفحوصات العمال والخادمات لإستخراج الإقامة. الفحص أخذ ساعة واحده وكان فيه عدد من الشباب المبتعثين أيضاً.


( تمت المشاركة باستخدام تطبيق مبتعث )

اللي يسأل عن الفحص وين يرفعه
في خيار اسمه مسوغات اخرى لازم ترفع الفحص الطبي
انا سويته وأستلمت النتيجه بعد خمس ايام عمل

السلام عليكم

اخواني انا طبعت النموذج حق الفحص وحطيت لي صوره فيي المكان المطلوب ورحت للشميسي بطلعت الروح سوو الفحص وختموا عليها

السؤال هو اسوي ختم من التعليم العالي عليها؟ ولا يكفي ختم المستشفى ( الختم كان في الخانه الأخيره من الكشف و طلبت منهم ختم الصوره ورفضو عشان التأكيد اني انا الي جيتهم وفحصت )

ارجوا الإفاده عشان بكره اخلص وضعي

الختم على الصورة مو مهم بقدر ماهو مهم الكشف الطبي نفسه والختم اللي في الأخير ... لأن فيه ناس فحصو وبعدين حطو الصورة ... المستشفى يدقق على الإسم ورقم الجواز في الغالب ...

تحياتي لك وبالتوفيق يارب

ماكوو جديد وش المستوصفات الي سويتو فيها يالربع وماهو المركز الصحي الحكومي بالرياض يعملها او ارخص مستوصف اهلي

انا سويته بمستشفى خاص واخذته بعد ساعه وسألت الوزاره قالو عادي بس اهم شي يكون المستوصف مختم على صورتك

يصير أسويه في مستشفى أرامكو؟ وفي شي أحمله معاي المستشفى ووش أقول لهم اذا رحت هع

( تمت المشاركة باستخدام تطبيق مبتعث )

ياشباب في كل مدينة في المملكة يوجد ما يسمى اصطلاحا اللجان الطبية هي المسؤولة عن الفحوصات الحكومية بشتى انواعها

وغالبأً ماتجدها في اكبر المستشفيات الحكومية بمسمى اللجنة الطبية (( انا سويتها في مستشفى الملك فهد ))

والمراكز الصحية تعملها احياناً ولكن الاغلب يحولونكم على اللجنة
وبالتوفيق ان شاء الله للجميع