رد: Re: لقاء إعداد الدارسين على حسابهم الخاص في الخارج - محدّث
اقتباس:
المشاركة الأصلية كتبت بواسطة Majed alanazi5828
يا جماعة سألنا السؤال اكثر من مره ولا واحد جاوب
أرجوكم
الى الان ما ارسلولنا شي عن الملتقى وش الوضع
وهل فيه احتمال ما يرسلون
واذا ما ارسلوا إِيش الحل
أرجوكم فهموني والله اني بلشان وماني فاهم اي شي
أرجوكم
يا أخوان اللي يسأل عن الملتقى الجاي هو راح يكون بالخبر و التسجيل راح يقفل بتاريخ 7/11 هجري ... لازم يكون معك جميع المستندات بما فيهم القبول الجامعي والمعهد والخ .. أنا قدمت وماكان معي قبول جامعي وجاني ايميل انه لازم أرفق القبول الاجامعي ولا ماراح يدعوني للملتقى .. وبالنسبة للي أرفق جميع المستندات وقدم لازم يتابع حالة الطلب كل يوم ويشوف الوضع .. واخيرا بالنسبة للي ماقدر يجيب قبول جامعي أو غيره عنده حليين : 1 - يا يروح للوزارة نفسهم ويدخل شؤون البعثات ويقولهم السالفة و انه لازم يحضر هالملتقى وكذا وكذا الخ .. وان شاء الله يسنعونه ... 2 - أو يسجل الحين قبل يقفل التسجيل و حتى لو ما أكمل جميع المستندات واذا جاء موعد الملتقى يروح للملتقى ومعه كل مستنداته ويقولهم أني لازم أحضرر الخ .. أنا اشوف الحل الأول أفضل و أضمن عشان تعرف وضعك وماتعتمد على حضك .. وبالتوفيق للجميع
Re: لقاء إعداد الدارسين على حسابهم الخاص في الخارج - محدّث
انا فاهم يا اخوي بس انا قصدي ان الا الان ما ارسلولي شي عن الملتقى
يعني لازم تجيني موافقه على شان اروح الملتقى
ولا شلون الوضع فهمتني
يعني بالعربي احجز تذاكر السفر ولا لا
لان بدايت دراستي اول شهر ٨ هجري
وما ادري انا احضر الملتقى ولا لا
رد: لقاء إعداد الدارسين على حسابهم الخاص في الخارج - محدّث
السلام عليكم ,,,,
جاني ايميل طلبك مرفوض بسبب النواقص مين جاه ايميل زي كدة ؟
وعلى اي ايميل يرسل النواقص ؟؟
رد: لقاء إعداد الدارسين على حسابهم الخاص في الخارج - محدّث
وعليكم السلام ..
هل انت حضرت الملتقى ؟؟ صديقي قبل فتره حضر الملتقى وبعدها جاه رفص بسبب التاشيره نسى يرفقها ورجع قدم من جديد ومشت اموره
انا وصلني ايميل قبول اسبوع بالقبول ومكتوب الطالب مدعو لحضور الملتقى بس ماحددوا الموعد بعد علما اني مسجل في ملتقى الدمام
رد: Re: لقاء إعداد الدارسين على حسابهم الخاص في الخارج - محدّث
اقتباس:
المشاركة الأصلية كتبت بواسطة Majed alanazi5828
انا فاهم يا اخوي بس انا قصدي ان الا الان ما ارسلولي شي عن الملتقى
يعني لازم تجيني موافقه على شان اروح الملتقى
ولا شلون الوضع فهمتني
يعني بالعربي احجز تذاكر السفر ولا لا
لان بدايت دراستي اول شهر ٨ هجري
وما ادري انا احضر الملتقى ولا لا
أنت اذا مسجل و اوراقك كاملة راح يدعونك للملتقى حتى لو تأخروا .. وممكن اذا انت بالرياض ممكن تروح للوزارة وتقولهم دراستي ب اول شهر 8 يعني لازم احضر الملتقى ..
و اخوي اللي يسأل عن ايميل النواقص ايه نعم فيه ناس نفسك وانا منهم لازم تكمل النواقص اليومين ذي .. موفقين
Re: لقاء إعداد الدارسين على حسابهم الخاص في الخارج - محدّث
الله يجزاك بالخير اخوي توماس
ويمال الجنة البارده
الحمدلله اوراقي كامله باذن الله
يعني اتوكل على واحجز
وانا ماني من الرياض. فيه رقم للوزاره اقدر اتصل عليه
Re: لقاء إعداد الدارسين على حسابهم الخاص في الخارج - محدّث
يا جماعه كيف ما فيكم حميه
كيف صياح الضحى ما تسمعونه
ردوا علي يا جماعه
عساكم الجنة
رد: لقاء إعداد الدارسين على حسابهم الخاص في الخارج - محدّث
السلام عليكم،
رفعت طلب الموافقه على الدراسه على حسابي الخاص لمرحلة الدكتوراه في استراليا، و حضور مؤتمر جده في اغسطس.
ظروفي الان تغيرت - و ابي ادرس الدكتوراه في بريطانيا و حضور مؤتمر الدمام لشهر مايو.
حاولت اتصل بالوزارة علشان التغيرات هذه و أخذ النصيحة للأسف ما احد يرد..
ممكن احد يفيدني وش أسوي انا الحين؟
رد: لقاء إعداد الدارسين على حسابهم الخاص في الخارج - محدّث
اقتباس:
المشاركة الأصلية كتبت بواسطة reaman
السلام عليكم،
رفعت طلب الموافقه على الدراسه على حسابي الخاص لمرحلة الدكتوراه في استراليا، و حضور مؤتمر جده في اغسطس.
ظروفي الان تغيرت - و ابي ادرس الدكتوراه في بريطانيا و حضور مؤتمر الدمام لشهر مايو.
حاولت اتصل بالوزارة علشان التغيرات هذه و أخذ النصيحة للأسف ما احد يرد..
ممكن احد يفيدني وش أسوي انا الحين؟
جيب قبول من بريطانيا وكلم الوزاره + الملتقى حضوره مره وحده
رد: لقاء إعداد الدارسين على حسابهم الخاص في الخارج - محدّث
ي شباب انا رفع اوراقي وجاني كذا (حالة الطلب الحالية-طلب جديد) كلكم كذا ولا انا بس والمؤتمر باقي عليه ٣ اسابيع ولاجاني شي