تجمع مراجعي وزارة التعليم العالي بالرياض
اخواني حبيت يكون التجميع في الموضوع هذا لكل شخص له زيارة قريبه لوزارة التعليم العالي ولكل شخص عنده استفسار ...
واعتقد الفكره واضحه .. اي شخص عنده استفسار يسئل ويسجل استفساره هنا واي شخص ناوي يزور الوزارة يعطينا خبر ويسجل تاريخ ووقت زيارته ومتى راح يزورها عشان ينقل استفسار بعض الزملاء في المنتدى ويكون بالنيابه عن اللي مايقدر يمر الوزارة ...
خدمة بسيطه ومجرد نقل استفسار للوزارة ...راح تكفي بعض الناس من العنوه والمصاريف وراح ياخذ البعض منها دعوات بظهر الغيب ...
اكيد فيه ناس خارج السعودية ومغتربين ومحتاجين من يوصل عنه استفسار او يجيب لهم معلومه معينه ... اللي يقدر لا يقصر ...
اليوم هم مغتربين وبكره بنكون احنا ...
الله يوفق الجميع يارب
رد: تجمع مراجعي وزارة التعليم العالي بالرياض
فكرة ممتازة !! ...شكرا لك ..
رد: تجمع مراجعي وزارة التعليم العالي بالرياض
طيب انا كملت 4 شهور ورفعت طلب انضمام وتخيل لين الحين في الملحقيه من اسبوع ما تحرك ولا خطوه
ابي احد يستفسر لي ليه ما تحرك ابد على انه اعرف ناس رفعوا طلب بنفس يومي ومن بكره راح للوزاره
ايش الحل؟؟
رد: تجمع مراجعي وزارة التعليم العالي بالرياض
ولله أحيان اللي اشوفه إن بعض الطلبات تتحرك سريع ويتحدث مسارها فوراً وطلبات في يوم واحد يجي عليها أكثر من تحديث من بعد ماكانت واقفة أيام ... انتظري إكمال عشرة ايام عمل وبعدها خاطبي الملحقية و وكالة البعثات على الإيميل
رد: تجمع مراجعي وزارة التعليم العالي بالرياض
فكره طيبه وممتازه الله يوفقك يارب فعلا كثير من الناس محتار ويحتاج احد ينوره الله يوفقك شكرا
رد: تجمع مراجعي وزارة التعليم العالي بالرياض
اقتباس:
المشاركة الأصلية كتبت بواسطة مـيسم
طيب انا كملت 4 شهور ورفعت طلب انضمام وتخيل لين الحين في الملحقيه من اسبوع ما تحرك ولا خطوه
ابي احد يستفسر لي ليه ما تحرك ابد على انه اعرف ناس رفعوا طلب بنفس يومي ومن بكره راح للوزاره
ايش الحل؟؟
طويله العمر الحل انك تزعجيبن الملحقيه اتصلي عليهم او اميلات
رد: تجمع مراجعي وزارة التعليم العالي بالرياض
أي شخص عنده طلب في الوزارة خاص بالمبعثين أو الدارسين على الحساب الخاص يرسل إيميل لهم عبر schlr@mohe.gov.sa وسيتم الرد عليه في أقرب وقت ممكن علماً بأن الطلبات والمتابعات والرد عليها يأخذ دوره حسب وصوله للوزارة ....
هذا ماتمت ملاحظته خلال مراجعتي لبعض الأمور المتعلقة بالوزارة ...
وكان أحد ردودهم على الإيميل ...
السلام عليكم ورحمة الله وبركاتة
جاري اتخاذ الاجراء المناسب حيال طلبك
وكالة الوزارة لشؤون البعثات
مركزخدمات المبتعثين
هاتف / 012688999
تمنياتي للجميع التوفيق ...