ادخلو كلكم اتحدى احد حصل معاه شي زي اللي حصل هنا

يقولك من جاه البوكس ما حزنه الكف

الله يعينك ..
عاد عندي حل , تزوجيني ..> في ولاية اخرى هههههههههههههههههه
بس المشكلة هذرتك واجد وبتطقين راسي وبنتهاوش ما أبطينا
موضوعك صراحة معقد .. نظاميا معهم حق , بس انسانيا ما معهم حق .. أدعي ربك يفرجها ..
وقسمن الغربة شينة ..> اشتاق للسعودية والصحراء القالحة

الا على طاري علي صالح , وش دخل أمه في الموضوع

اعانك الله اختي

انا ما احب الحزن ودائما متفائل ! وان شاء الله ابطلع في روسهم نخل
انا راح اقول قصتي من جانب طريقة التعامل بالانظمة وطريقة الالحاق ... علشان الكل يستفيد !
ما ابي احرق القصة لانها معقدة وطويلة !
لاننا في معركة مع الملحقية لتخطي حواجزها للوصول الى اهدافنا وتحقق الحلم بالشهادة !
دعواتي لكم بالتوفيق ! ودعواتكم لي بالتوفيق والسداد دنيا واخره !
دمتم بود !
=====> أحس الادارة بتحطني مشرف بالقسم ===> اقولكم مشغول مره =====> برا

هههههههه مدرش وش دخل امه في السالفه كلها ترابط افكار
اي نرجع لموضوع الزواج فين ولايتك؟ وهل سبق لك الارتباط؟ تنظف البيت ولا لا؟ تطبخ ولا تاكل برا؟ اييي عاد لازم نوضح الامور كلها من البداية مو بعدين تقولي انتي قلتيلي وما قلتيلي اي لازم تعرف كوعك من بنبوعك <<< وش ذي؟
الزبده عاد مدري المحرم وش يبي بالضبط؟ اقسم بالله ان اخوي ما يسوي شي لا يدفع الايجار ولا الكهربا ولا ينظف ولا يطبخ تدري انه يطلب مننا نسدد جواله!!! حتى ما يعرف يتصل عليهم لاااا وبعد كل يوم اصحيه وكل يوم اكسر جواله اتصالات عشان يرجع بدري
خلاصة الموضوع: حنا البنات محرم لاخونا والله لو كان لحاله كان جاب العيد
وش ذا الوضع بالضبط ما فهمته شي يشيب الراس ععععععععععععععع
والله اني بمية رجال بس مين يسمع لا الملحقيه ولا اهلي
حتى لو قلنا نظاميا معاهم حق طيب كم صارلها وهي مغلقه؟ حول السنتين؟ طيب وش كان السبب؟ مو تكدس الطلاب؟ طيب الحين خلال السنتين هذي كم طالب وطالبه تخرجو من فلوريدا ورجعو السعوديه؟ عاد مهو منطلق
تدري هم حسبالهم انهم قاعدين يخرجون طلالب بشهادات مختلفه والله ان كل المبتعثين متخرجين محاميين من كثرة الظلم مو ناقصنا غير شهادة محاماه مصدقة والا الخبرة مكتسبينها عن جدارة
واللي مشتاق للسعوية يرجع بكيفه انا ما ابييييييييييييييييييييييييييي
وش اخذت من جلستي لا وظيفه ولا دراسه ما غير قومي نظفي قومي فطري جدك قومي اغسلي ملابس ابوك وانا ما غير احط ذا الزيت بشعري واتمشى بين اربع حيطان وانحرق بالسطح وانا انشر الملابس اه ونص نسخه سعودية جوككككككككككككككم لا ترحمون ولا تخلون رحمة ربي تنزل
انا شكلي بفتح منتدى اجتماعي ويلا نبكي سوا

- - - مشاركة محدثة - - -

امين
العون للجميع يا ربنا يا كريم

ههههههه راح غلطة ابو صالح .. وبما إنه جاء في الموضوع خليني أمزمز عليه .. إلا مين علي صالح .. وت إز ذس ..> وأحلى شطحه يا لامريكي انا




هههههههه , إن جيتي ولايتي بيطلع مع قرونك حقت الملحقية قرون جديدة بيجننك الجو .. يوم برد لدرجة ضروسك تعزف بيانو ويجيك شد عضلي بالبطن ويوم حر لدرجة ودك تتفصخ وتمشي بالشارع ويوم الجو خقة لدرجة تفكر ودك تشتري تيس وتجيب عزبة وأقرب شجرة تجي بظلالها هههههههههههه ..> إلينوي - ضواحي شيكاقو ..

نرجع للزواج تراني مدنق ألحين وألعب بحواجبي ههههههههههه ..

[/QUOTE]



والله ما أقدر أقول الا الله يهديه ويصلحه .. أنا ما حزنت على مصاريفك وتعبك كثر ما حزنت على وضعه .. لا يهش ولا ينش .. أحس إن نفسية ..> لا تعلمين النسيب هههههههههه

لا تلومين الملحقية وأهلك .. المشكلة مو فيهم .. لا تنسين فيه ضوابط شرعية وإجتماعية وأيضا عاطفية تجبرهم وتجبرك أيضا إن يكون معك محرم ..

والله فلوريدا حقت سياحة ووناسة مهيب حقت دراسة .. بعدين أنا متغرب عشان أدرس مهوب عشان أدج .. فالشباب الله يهديهم اللي راحو هناك أكثرهم جاب العيد .. ولو أنا مسؤول في الوزارة ما فتحت الابتعاث لها اصلا .. صحيح مو كل شي دراسة .. يعني استانس بس بحدود .. وقت الدراسة دراسة ووقت الويكند استانس .. بس مثل ما قلت لك شبابنا عنز بدو وطاحت في مريسة
يا عيني على هالمثل ههههههههههه ..


والله مشتاق لميمتي جعلني فدوة .. ولأبيي حبيب الروح
وبعدين في السعودية أقرب مطعم أكل فيه لين تنتفخ مكانك .. أما هنا انفقع بطني من البيض المسلوق فطوري وغداي وعشاي .. ومن يومين تطورت وصرت أقلي بطاطس أبشرك والسبب الخوف من ذا الخنزير المخنز .. المشكلة ما أعرفه ولا أعرف اسمه
ولا لو على السعودية .. كان بقطع الجواز اول ما اركب الطيارة ..> تسذوب
هههههههههههههههه اما زيت بشعرك .. اقول تراك طالق يا أم قملة


الله يسعدك ويسهل أمورك ..

عذرا

خلوكم من الشطحات الزايدة اخواني واخواتي وخلوكم بالمفيد

اسأل الله ان يوفقكم ويكتب الخير لك انستي

مودتي