الأعضاء الإشتراك و التسجيل

الملتقيات
ADs

ادخلو كلكم اتحدى احد حصل معاه شي زي اللي حصل هنا

ادخلو كلكم اتحدى احد حصل معاه شي زي اللي حصل هنا


NOTICE

تنبيه: هذا الموضوع قديم. تم طرحه قبل 1563 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

مشاهدة نتائج الإستطلاع: ما مدى حزن القصة؟

المصوتون
10. أنت لم تصوت في هذا الإستطلاع
  • مؤلمة جدا حد البكاء

    2 20.00%
  • لا تستسلمين اللي طلعلك قرون لازم يشيلها لك

    8 80.00%
  • عاااااااااادي كلنا نفس الشي تعيشي وتاخدي غيرها

    1 10.00%
إستطلاع متعدد الإختيارات.
  1. الصورة الرمزية monaalosh
    monaalosh

    مبتعث جديد New Member

    monaalosh الولايات المتحدة الأمريكية

    monaalosh , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى ادارة اعمال , بجامعة الملك سعود
    • الملك سعود
    • ادارة اعمال
    • أنثى
    • الرياض, الرياض
    • السعودية
    • Sep 2013
    المزيدl

    September 2nd, 2013, 11:31 PM

    هلا والله اخواني واخواتي المبتعثين والمبتعثات الله يحفظكم من العين واحسن الله عزاكم اخواني واخواتي الدارسين على حسابهم الخاص يجعلها ربي اخر احزانكم
    أما بعد .....
    سوف أروي لكم حكايتي مع مسزز ملحقية وحرمها مستر وزارة
    جيت امريكا قبل سنه وخمس شهور وثمانية ايام بلياليها وكنت طايرة من الفرحة مو مصدقة نفسي
    وما احكيلكم المعاناة اللي سويتها عشان اسافر شديت حيلي في جامعتنا الغالية سعود اللين تخرجت وجمعت جمعيات حينا عشان اطلع الضمان المالي للمعهد وللسفارة غير السنتره قبال اللاب توب ادور تذكره رخيصة
    وحان موعد السفر ولله الحمد وانا كالملاك الطائر اردد كالبلهاء always believe that something wonderful is about to happen والله ما هبن معنا غير الضعوي
    المهم يا اصدقائي انا لي اختين مبتعثات ما شاء الله في فلوريدا مع اخوي مرافق مبتعث فا من البديهي اني رح اروح وييييييييين؟ فلووووريدا صصصصصح من نحاسة ويييهي
    المهم طبعا قرار غلقها طلع قبل ما اتخرج بترم فقلت لا لا لا لا جدا مو مشكله انا وضعي في السليم محرمي هناك قامت تقولي اختي ان صديقتها وضعها مثلي وقالوها خل اخوك يغير الولايه ويروح معك وانا مازلت على ثقه, وبضحكة يملؤها الثبات قلت لا لا لا لا انا معي اخواتي كيف انتم كلكم تحولون وانتم ثلاثة وانا وحده وش الغباء هذا؟ ما دريت ان اللي صار هو الغباء اللي قلت عليه
    المهم وانا امشي في ازوقة المطار واردد كما قلت لكم مسبقا always believe ..................... ما علينا, اقلعت بي الطائرة وانا اتامل صحرائنا القحفاء واودعها
    ورحت امريكا وفتحت ملف دارس على حسابة الخاص وبلغوني انه يجب تغيير الولاية ومن هذا القبيل طبعا انا قلت خل الاربع شهور تمر بعدين اطلعلهم واشطن اتفاهم معاهم ورحت واشنطن قابلت خالد العمار بعد ما شرحتله وضعي كنة صفقني بوجهي قال والله انا قريت ايميلك وتواصلت مع الوزارة قالو خل تشوفلها محرم ثاني !!!!! قلت بقلبي, ما دل والله اقرب سوق محارم ووششوو ذذاا ابوي شايب وعنده الضغط والسكر واذا وقف خمس دقايق ظهره ينوح لا ومدخن بعد والله لا يفقرني بدخانه غالي هناك واخواني الكبار كلهم متزوجين وعندهم اسر يعيلونها وشو اقول لواحد فيهم اترك زوجتك وعيالك وتعال معي وانا عندي اخوي عزوبي ومرافق مبتعث في فلوريدا عاد انا ما سكت قلت الاصرار سر النجاح وهلوم الى العيسى السلام عليكم دكتور تدرون بعد القرقره هذي كلها قالي كلمه وحده اذا انتي حريصة على البعثه غيري الولاية وذيك السحبه على فلوريدا جلست اسبوع ورجعت المملكة العربية السعودية الحرة الابية << اقول تلايطي طبعا اجازة عشان رمضان ورفعت طلب ثاني واكيد اكيد رفضوه بس اختكم في الله مسويه لا للإستسلام
    ما علينا رجعت فلوريدا والله ما كان مخفف علي غير ذا المعهد الحفلة كبره كبر الدور الارضي اللي في بيتنا شسوي عاد قد الميزانية للامانه عاد كانو متيمين فيني حتى كنت ادرس مديرة المعهد اللغة العربية الفصحى عشان تنطق حرف الغاء اخليها تتغرغر بالموية والخاء اقولها اتفلي من قلب ooh soo fun لا عاد كله كوم ويوم تجي تسالني اعراب جملة لااا في اسئلة ما ينفع تسالينها غير في مستويات متقدمة من اللغة طبعا وش اللي رماني عالشقى غير انها تعطيني كلاسات اضافية مجانية << امحق تركيز مع توتر الالتحاق
    ومرت الايام ومرت الشهور ورفعت الطلبات وجاء الحدث الاعظم عندما حضر العيسى مع الوفد الخاص به الى جامعة ميامي اكيد كلكم تذكرون ذاك اليوم قسم بالله كنه سوبر مان منقذ البشرية مين ما عنده قبول؟ مين لسى ما التحق؟ الان مع محمد العيسى مش حتقدر تفكر في ماضيك برعاية البزوطة المتحده ومعجون اسنان الفريحي الان ابتسامتك اجمل معنا
    المهم ادخل انا على العيسى وسكرتيره شقولكم بس ذيك الذرابة والكرم ملاك ملاك نازل من السما ما مداني اشرحله وضعي الا وقال وش المشكله الحين؟ وياخذ الخطاب ويكتب علية لا مانع من الحاقها بالبعثه لوجود محرمها واخواتها الاكاديميات ويوقع عليها لا وبعد يسالني وش تبين بعد قلت ابيت تكتب لا مانع من الحاقها وبدون قبول اكديمي لاني ما قدرت اطلعه معدلي 2.27 قال حاااااضر ويكتبها وقمت ادعيله من قلب اقسم بالله اني ندمانه على ذيك الدعوة. وطلعت اسجد شكر بنص الشارع كني لاعب كورة مسجل هدف وارجع ابشر اهلي والله حسيت ان ودي اذبح خروف ذيك الليلة عاد ثاني يوم ابدا احسب قطتي في الايجار والاكل وكم رح يبقالي من الراتب
    لكن شي غريب حصل بعد شهر ما حد دق علي كلمت الملحقية ورفعت طلب. والحين؟ مستعدين للصدمه؟ بعد ما مرمطوني اكثر من شهرين قالولي كل الطلبات اللي رفعها العيسى تم رفضها من قبل الوزارة المهم طبعا سويت وفعلت الزبدة in the end of the day I've died
    بعدها بشهر راح ابوي الوزارة وتكلم مع الوزير وردو علي بعد شهر ونص انه لازم يكون عندك قبول غير مشروط بدراسة اللغة من فلوريدا يا حبييييييييييييييبي يا عييييييييييييييني طبعا ما خليت مشرف الا وستفسرت منه الى ما مزتنا الجميله المسؤلة عن فتح الملفات, اي ذيك اللي نفسها في خشمها, عرفتوها؟ اي المصريه, ما علينا قلتلها اني ابي التحق زي كل اللي التحقو 4 شهور وقبول مشروط شدعوه غير مشروط جت علي انا بنت البطة السودا كني انا اللي قلت لاهلي روحو ميامي وبعدين هم وش يعرف اهلهم ان فلوريدا رح يقفلونها ينعنننننننن قالتلي بصي هما قالولك قبول وبس ما قلوش مشروط او غير مشروط قلتها الااااااااااا كاتبينها قالت بصي هما بيقولو كده بس انا بقولك دلوقتي كدا قلت كدا ولا كدا هي فرقت كدا عن كدا ورحت عادلت شهادتي وسويت الاستيتمنت وكملت كل اوراقي ورحت للجامعه الوحيده اللي وافقت تعطيني قبول مشروط للماستر وبعد الاجتماع تقولي ام سوري كانت غلطه مني جامعتنا ما تعطي قبول مشروط غير للبكالوريس يا ناس اقرب مسدس سكين اي شي وش اسوي اقتل نفسي وش ذي النحاسه
    عاد قبل ما اروح السعودية بالتمام والكمال لقيت واحد رضي يطلعلي قبول بمعدلي واختكم في الله تفحط باوراقها... وارسلها طياااااااااااااااااره... وش رد علي؟؟؟؟؟ ها يا شطورين مين يقولي؟؟؟ الشهاده البنكيه <<<< جمعية الحارة صارلها سنه ولازم يكون اقل شي مار عليها 5 شهور... اموماااا عااااااااااااااد تبيني ارجع اطلب حريم الحارة مستشفى المجانين يلا اخوي اشوف وجهك بخير انا رايحه مشوار اموت وارجع
    ورجعت السعودية قبل شهر ونص وطبعا ال I20 حقي انتهى
    ولم يمت الاصرار فيني
    تخيلو اني تواصلت مع واحد ورد علي اليوم يقولي قيمة القبول 8800 دولار .. لااا تكفى المشكلة انها ما تجي الا لو الصفرين هذي زيادة بالغلط
    والله اني اضحك وانا احكيلكم السالفه من الغصة اللي بقلبي ما كل من شفت الابتسامه مالية وجهه تحسبه مبسوط
    ما يضحك كثير غير المغبون والله العظيم ان ما يعدي علي اسبوع الا وابكي فيه حسبي الله ونعم الوكيل حسبي الله
    جالسة بغرفتي وانا استرجع ذكرياتي فيها قبل سنه ونص وانا ارتب اكمل دراستي
    والله مو مستوعبه اني فارقتها قبل سنة ونص واليوم ارجعلها وانا زي ما انا ما اخذت غير البهذلة
    رحت ابي ارجع بالشهادة رجعت بالشقى والبهذله
    والله العظيم حراااااااااااااااااااااااااااااااااااااااااااااااا اااااام
  2. اااه يقولك كلن في همه شقى الليله وانا بهمي سررريت ههههههه الزبده هذا هو المثل انتي التحاق انا فيزا وخرابيط وتاخر علي الايتوني وبجلس في السعوديه الله يعينك وربي اني رحمتك تتيسر ما عليك ناضري فوووووق فيه سبحااانه معك ما عليك عندي حل لك صنياني بلا هل مشاوير كلها زي طاش ما طاش تتزوجين ههههههههههه
    7 "
  3. الله يعينك ... ويسهل امورك يارب .. خليك متفائلة ... اللي لخبط امورك كلها ... انه ما عندك قبول مشروط وهذا احد اهم شروط الالحاق
    لازم تجيبين قبول مشروط من اي ولاية ( مو شرط فلوريدا ) وبعد الالحاق وتجاوز اللغة جيبي قبول نهائي في فلوريدا.
    7 "
  4. المشاركة الأصلية كتبت بواسطة monaalosh
    ههههههههه يا شيخة هم زوج الابتعاث اكبر واكبر من هم عدم الابتعاث
    يا حبيلك بس

    - - - مشاركة محدثة - - -

    يا محمد مافي كلهم يقولولي معدلك نازل مافي الا اللي لعب علي امس والثاني اللي طلب الشهاده البنكية
    لا احد يلعب عليك بسالفة المعدل ويصعبها عليك ! تراه قبول مشروط ....ماهو نهائي وفية جامعات في امريكا تتساعد في سالفة القبول المشروط لانها تعرف متطلبات السعوديين .... تقبل اي شخص يتقدم لها كبقبول شكلي فقط ّ!

    حاولي تبحثين في المنتديات عن الجامعات اللي ممكن تعطيك قبول مشروط ... وبعدين جيبي في اي تخصص ... وبعد الالحاق يمديك تعدلينه!

    الله يوفقك !
    7 "
  5. من 6 ونص صاحية يلا بسم الله توكلنا على الله
    القبول المشروط اليوم لازم اجيب خبره

    - - - مشاركة محدثة - - -

    المشاركة الأصلية كتبت بواسطة محمد09
    لا احد يلعب عليك بسالفة المعدل ويصعبها عليك ! تراه قبول مشروط ....ماهو نهائي وفية جامعات في امريكا تتساعد في سالفة القبول المشروط لانها تعرف متطلبات السعوديين .... تقبل اي شخص يتقدم لها كبقبول شكلي فقط ّ!

    حاولي تبحثين في المنتديات عن الجامعات اللي ممكن تعطيك قبول مشروط ... وبعدين جيبي في اي تخصص ... وبعد الالحاق يمديك تعدلينه!

    الله يوفقك !
    طيب عمره مر عليك قبول مشروط بدون شهاده بنكيه؟؟؟؟؟؟؟؟
    لان انا مشكلتي هنا في الوقت الحالي
    7 "
  6. المشاركة الأصلية كتبت بواسطة monaalosh
    من 6 ونص صاحية يلا بسم الله توكلنا على الله
    القبول المشروط اليوم لازم اجيب خبره

    - - - مشاركة محدثة - - -



    طيب عمره مر عليك قبول مشروط بدون شهاده بنكيه؟؟؟؟؟؟؟؟
    لان انا مشكلتي هنا في الوقت الحالي
    ايه ممكن ! لانها مجرد ورقة قبول مبدئي ماراح يعطونك I20

    شوفي لك احد السعوديين اللي يشتغل بجامعة او له علاقات في قسم القبول ويساعدك فيها!
    7 "
  7. المشاركة الأصلية كتبت بواسطة gold owner
    تتسهل الامور اختي


    الان كل اللي موقف الموضوع شهاده بنكيه

    ترى مو لازم تكون باسم ابوك او اخوك

    كم المبلغ المطلوب يكون في الشهاده ؟
    هذا انا جالسه احاول ادبرها ان شاء الله تتسهل اتوقع ما يقل عن 20000 ولار
    وبعين ليش كل ما جيت اضيف رد سريع يقولي رسالتلك قصيره اقل من 15 حرف كل ذا و 15 حرف؟ انعدى المنتدى من الملحقيه
    برسل اذا ضبطت معناه العله من عندي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.