تكفون شوركم والله بالي مشغول حححيل :( !!

السلام عليكم

مساكم الله بالخير جميعا !!
بكل أختصار
انا والله متنكد ومنشغل بالي كثير
عندي شهادة دبلوم electrical power سنتين ونصف
ومتوظف الأن في شركة ساسرف بالجبيل الصناعية ( شركة مصفاة ارامكو شل )
توي متوظف مالي اسبوعين وراتبي 9320 ريال و بونس سنوي يوصل لراتبين اقل شيء و رمضان راتبين غير الزيادات السنوية وبعد 5 سنوات بالضبط يعطوني فيلا طبعا اذا كنت متزوج !
وتأمين صحي مفتوح يوصل لمصر والاردن ودول كثير تتعالج ببلاش !
لكن وظيفتي ( فني technician ) وراح اجلس 10 سنوات بالقليل لمن اصير ( مشرف super visor )
ولا قاصر علي شيء ولله الحمد موفر لي الوالد شقة ملك حاليا و سيارة 2013 جديدة وعند الاهل قريب منهم !!
انا أحمد الله وأشكره جزيل الشكر فهذا كله من فضله .. ولكن انا انسان ابي اكون مهندس وراح يكون راتبي اول ما اتوظف اقل شيء 15 الف ريال ومميزات كثير
انا والله ما علي بالدراهم ابي شهادة ابي احقق طموحي اكون مهندس .. ولغتي الانجليزية ولله الحمد جيدة جدا لأني درست كل شيء بالأنجليزي
وابي أعادل موادي واكمل دراستي واكون مهندس !!

لكن طالبكم مشورتكم أخاف اطلع برا اكمل وارد بشهاده بكالوريوس هندسة كهربائية ولا القى مثل هالوظيفة وارد من جديد اتوظف على شهادة الدبلوم !!
نصيحتكم تكفون والله اني محتار !!

انت الاول والاخير الي عندك قرار صح لكن والله من تجارب ناس واجد زي واحد عندنا في المعهد في شمر جير وربي على كلامه انه يستلم ٢٥ الف لكن طلع عشان يكمل ماستر ودكتوراه انت بتطله من احسن الى احسن وكل واحد يحب يحسن وضعه ولا انت احسن مني ولا من غيري العلم حلو وعلى مااقالوا توك صغير يا ابني <<< ههههههههه
انت منت خسران شي سواء طلعت ولا جلست كلها خيارات زينه واستخير ..

اعرف ناس في ارامكو على 13 رواتبهم فصلو طلعو لا تضيع الفرصه من يدك

أخوي أنصحك نصيحه لو تقدر تطلع بعثه عن طريقك عملك شئ جميل
وحاول تسألهم .. لو ما تقدر أشوف انك تجلس في الوظيفة لأنو الوظائف
تجئ بطلوع الروح .. لكن لو طموحك تحقق حلمك ومائها الفلوس أنصحك تدرس برا
ولو حاب تدرس برا اقدر أساعدك في استراليا أن شاء الله

كان راتبي 12000

وكانت عندي شغلتي الثانيه وكان مدخولي تقريبا الشهري 30000
والله يشهد .. وتركتهم وجيت المساله مسالة طموح

فكر 30 مره واستخير وشاور امك وابوك وتوكل على الله

بالتوفيق يابطل

أنا راتبي 11 الف وأفكر أطلع لأني أبي أحسن من وضعي بس باطلع على حسابي واخاف ما انقبل على الإلحاق لأن هو الشي اللي مخليني أتردد للحين .. وش رايكم وفي أحد يقدر يساعدني ي ليت يرد لي

اقتباس:

---

المشاركة الأصلية كتبت بواسطة KonVicTed

أنا راتبي 11 الف وأفكر أطلع لأني أبي أحسن من وضعي بس باطلع على حسابي واخاف ما انقبل على الإلحاق لأن هو الشي اللي مخليني أتردد للحين .. وش رايكم وفي أحد يقدر يساعدني ي ليت يرد لي

---

تحت امرك اخوي .. اساعدك باللي اقدر عليه

اقتباس:

---

المشاركة الأصلية كتبت بواسطة LAVETZZI

السلام عليكم

مساكم الله بالخير جميعا !!
بكل أختصار
انا والله متنكد ومنشغل بالي كثير
عندي شهادة دبلوم electrical power سنتين ونصف
ومتوظف الأن في شركة ساسرف بالجبيل الصناعية ( شركة مصفاة ارامكو شل )
توي متوظف مالي اسبوعين وراتبي 9320 ريال و بونس سنوي يوصل لراتبين اقل شيء و رمضان راتبين غير الزيادات السنوية وبعد 5 سنوات بالضبط يعطوني فيلا طبعا اذا كنت متزوج !
وتأمين صحي مفتوح يوصل لمصر والاردن ودول كثير تتعالج ببلاش !
لكن وظيفتي ( فني technician ) وراح اجلس 10 سنوات بالقليل لمن اصير ( مشرف super visor )
ولا قاصر علي شيء ولله الحمد موفر لي الوالد شقة ملك حاليا و سيارة 2013 جديدة وعند الاهل قريب منهم !!
انا أحمد الله وأشكره جزيل الشكر فهذا كله من فضله .. ولكن انا انسان ابي اكون مهندس وراح يكون راتبي اول ما اتوظف اقل شيء 15 الف ريال ومميزات كثير
انا والله ما علي بالدراهم ابي شهادة ابي احقق طموحي اكون مهندس .. ولغتي الانجليزية ولله الحمد جيدة جدا لأني درست كل شيء بالأنجليزي
وابي أعادل موادي واكمل دراستي واكون مهندس !!

لكن طالبكم مشورتكم أخاف اطلع برا اكمل وارد بشهاده بكالوريوس هندسة كهربائية ولا القى مثل هالوظيفة وارد من جديد اتوظف على شهادة الدبلوم !!
نصيحتكم تكفون والله اني محتار !!

---

أخوي .. تحياتي لك

قريت موضوعك من الصباح الباكر ...

في وضعك ما اقولك غير استخير ربك وامشي على خيرته لأنني انا من الناس اللي وراي التزامات وامور وما اتخذت قراري الا بالاستخاره ... الحياة فرص وبعض الفرص لا تعوض ومن يبي شيء يستغنى عن شيء ... ثق تماماً أن رزقك بالحياة بتاخذه ... طموحك حلو وان شاء الله هذا شيء راح يدفعك للأمام ...

إحنا هنا اسره وحده نفكر مع بعض والله لا يشغل بالنا وبالك ان شاء الله ...

نصيحه لوجه الله



دام ان شقتك وسيارتك متوفره ، وراتبك لك ، والله اجلس ولا تروح والله يزيدك ولا تقلب النعمه نقمه

والله اني اكلمك مثل اخوي


بالتوفيق ، تزوج احسن لك

وفقك الله ورعاك

- - - مشاركة محدثة - - -

لاكن ان كان ودك بنصيحتي خلك على وظيفتك