السلام عليكم ورحمة الله وبركاته
يا شباب انا والله طفشت من عيشتي, انا قررت اروح امريكا على خسابي الخاص, و من شهر march دخلت موقع وزارة التعليم العالي عشان اشوف المعاهد الا مو متكدسه واقدم لي على واحد منها, و طبعا شفت لي معهد ماكان متكدس وقدمت ليي على المعهد والجامعة وجبت لي قبول وكان المفروض ان ابدي دراستي في شهر july وبقى عليي بس اطلع الفيزا واخلص اموري, و قبل موعد الدراسة باقل من شهر نزل تحديث للمعاهد ودخلت اشوف المعهد الا انا كنت مقدم عليه وطلع لي ان المعهد والجامعة اثنينهم تكدسوا! وانا كان باقي على سفرتي اقل من شهر, و ضاق خلقي مره بس قلت كل تأخيرة فيها خيره وقلت راح اقدم على مكان ثاني, و دخلت على قائمة المعاهد و شفت لي معهد مو متكدس وقدمت عليه وجبت لي قبول جامعة و قبول معهد و طلعت لي فيزا وكل شي وخلصت اموري ودراستي مفروض تبدي في اوكتوبر, و قبل 4 ايام نزل تحديث لقائمة المعاهد و اكتشف ان المعهد الا قدمت لي عليه تكدس!!!!! والله حسيت ودي انتحر من القهر! مره ثانية صار لي نفس الشي وانا صار لي قريب السنة بدون دراسة! ومابي اظل بدون دراسة 4 شهور زيادة! فقلت ان راح اتوكل على الله واروح المعهد دا حتى لو كان متكدس ولا اتأخر 4 شهور! فحبيت تفيدوني هل لو درست في معهد متكدس لمدة 4 شهور و قدمت اوراقي للمحلقية راح يضموني للبعثة بشرط ان انقل الى معهد غير متكدس؟ ام ان راح يشترطوا عليي ان ادرس 4 شهور في معهد غير متكدس عشان اقدر يضموني؟
واسف جدا على الاطاله بس والله حسيت بقهرر وبغيت اشوف ارائكم في الموضوع